مۇحيت تۇبىنەن جاڭا تىرشىلىك يەسى تابىلدى (ۆيدەو)

[caption id="attachment_53681" align="aligncenter" width="700"] فوتو: smithsonianmag.com[/caption] اقش-تىڭ كاليفورنيا شتاتىندا ماماندار Nautilus سۇڭگۋىر قايىق ارقىلى مۇحيت تۇبىنە ەكسپەديتسيا جاسادى. عالىمدار ءىس بارىسىندا بۇرىن-سوڭدى بولماعان جاڭا تىرشىلىك يەسىن تاپتى. كۇلگىن ءتۇستى, شار تارىزدەس سۋ تىرشىلىگى كوپشىلىكتىڭ تاڭدانىسىن تۋدىردى. «مىنە, قىزىق! مەن مۇندايدى ومىرىمدە كورگەن ەمەسپىن», – دەدى زەرتتەۋشىلەردىڭ ءبىرى. ونىڭ ديامەترى – 5 سانتيمەتر. سىرتقى ءتۇرى كەدىر-بۇدىر, كۇلگىن قابىقشاسىنان قىزىل-سارى ءتۇستى وزەگى كورىنىپ تۇر. مۇحيتتانۋشىلار كوپ ۇزاماي ۆاكۋمدى جۇيە ارقىلى ونى سورىپ الدى. smithsonianmag.com اقپارى بويىنشا, كەمە ىشىندە ول ەكىگە ءبولىنىپ كەتكەن ەكەن. كاليفورنيا ۋنيۆەرسيتەتىنىڭ قىزمەتكەرى, مۇحيتتانۋشى دجەفف گوددارد كنيداريا, گولوتۋريا سياقتى مۇحيت تىرشىلىگىنىڭ جاڭا ءبىر ءتۇرى دەگەن بولجام جاسادى. ال تەرەڭىرەك زەرتتەۋ ءۇشىن ماماندارعا بىرنەشە جىل ۋاقىت قاجەت. ايان ءابدۋالي