ارميا ويىندارىنىڭ دايىندىعىن تەكسەردى

كەشە ەلىمىزدىڭ قورعانىس ءمينيسترى يمانعالي تاسماعامبەتوۆ «گۆاردەيسك» پوليگونىنا باردى. وندا بىرنەشە كۇننەن كەيىن ارميا حالىقارالىق ويىندارى-2016 اياسىندا ۇزدىك مەرگەندەر مەن ارتيللەرياشىلاردىڭ حالىقارالىق بايقاۋلارى باستالادى. «ارتيللەريالىق وق اتۋ شەبەرلەرى» مەن «مەرگەندەر شەبى» بايقاۋلارىن باستاۋعا پوليگوندا بارلىق قاجەتتى ينفرا­قۇرىلىم دايىندالعان جانە قويىلعان. ارتيللەرياشىلار  بايقاۋىن وتكىزۋ ءۇشىن ارنايى الاڭ, ميناجارىلعىش قورشاۋى, ءتوم­پەشىكتەر, كوپىرى جانە كەدەرگىلەرى بار ۇزىندىعى 2 شاقىرىمدىق تاس جول, مەرگەندەردىڭ بايقاۋى كەزىندە  ۆينتوۆكادان, تاپانشادان وق اتۋ جانە گراناتالار لاقتىرۋعا ارنالعان بارلاۋشىنىڭ سوقپاق جولى مەن شەپتەرى سالىندى. قورعانىس ءمينيسترى اسكەري تەح­نيكانى ساقتاۋ جانە قىزمەت كورسەتۋ ورىندارى بويىنشا ال­دىڭعى كوشپەلى كەڭەستە بەرگەن تاپ­سىرمالاردىڭ ورىندالۋ بارىسىن تەكسەردى. سونداي-اق, كوماندالاردىڭ جاتىن جايى مەن تاماقتانۋ ورىندارىن تاعى ءبىر مارتە قاراپ شىقتى. «ەڭ ما­ڭىزدىسى, ۇيىمداستىرۋ ءجونىن­دەگى جاۋاپتى ادامدار باقىلاۋ ءما­سە­­لە­سى­نىڭ ماڭىزدىلىعىن دا ۇعى­نۋ­­­­لارى ءتيىس. سوندىقتان, جۇمىستى بار­لىق كو­ماندالاردىڭ قاۋىپ­سىز­­دىك شارالارىن مۇلتىكسىز ساقتايتىنداي ەتىپ ۇيىمداستىرۋلارىڭىز ابزال», – دەپ اتاپ ءوتتى يمانعالي تاسماعامبەتوۆ. ساپار بارىسىندا قورعانىس ۆەدومستۆوسىنىڭ باسشىسى جاقىن­دا عانا وقۋ-جاتتىعۋ بارىسىندا توتەنشە جاعداي سالدارىنان زارداپ شەككەن انگولالىق كوماندا  مۇشەلەرىنىڭ حال-جاعدايىن سۇراستىردى. گوس­پيتالدا ولارعا بارلىق قاجەتتى بىلىكتى مەديتسي­نالىق كومەك كورسەتىلدى. قازىرگى كەزدە زارداپ شەككەندەردىڭ جاع­دايى قاناعات­تانارلىق. ارميا حالىقارالىق ويىندارى-2016 قازاقستاندا 2 تامىز كۇنى باستالاتىنىن ەستەرىڭىزگە سالا كەتەيىك. ءبىزدىڭ ەلىمىز بيىل العاش رەت ءوز اۋماعىندا الەمنىڭ ءارتۇرلى ەلدەرى ارمياسىنىڭ ۇزدىك وكىلدەرىنەن قۇرالعان كوماندالاردى قابىلدايدى. «گۆاردەيسك» پوليگونى ءبىر اپتاعا مەرگەندەر مەن ارتيللەرياشىلاردىڭ ءىرى حالىقارالىق جارىسى الاڭىنا اينالماق. 13 ەلدىڭ – قازاقستان, انگولا, ارمەنيا, بەلارۋس, ۆەنەسۋەلا,  زيمبابۆە, ءۇندىستان, يران, قىر­عىز­ستان, قىتاي, موڭعوليا, رەسەي جانە وار-دىڭ اسكەري قىز­مەت­شىلەرىنەن قۇرالعان كوماندالار ەڭ كاسىپقوي, مىقتى, مەرگەن جانە توزىمدىلەر اتاعى ءۇشىن كۇش سىناسادى. وسى جىلى حالىقارالىق ارميا ويىندارى 23 اتالىم بويىنشا وتەدى. رەسەيلىك كوماندا بارلىق نوميناتسياعا قاتىسادى. قىتاي تاراپى – 22, ال قازاقستان 21 نوميناتسيادا باسەكەگە تۇسەدى. «ەگەمەن-اقپارات»