بۇگىن استاناداعى بوكس ورتالىعىندا قازاقستان ۇلتتىق قۇراما كومانداسى مەن كولۋمبيا, اقش, مەكسيكا جانە دومينيكان رەسپۋبليكاسىنىڭ بوكسشىلارىنىڭ اراسىندا سپاررينگ كەزدەسۋلەر ءوتتى.
وسى جەكپە-جەكتەر تۋرالى ەلىمىزدىڭ ۇلتتىق قۇراماسىنىڭ باس جاتتىقتىرۋشىسى مىرزاعالي ايتجانوۆ egemen.kz سايتىنا ءوز ويلارىمەن ءبولىستى. باس جاتتىقتىرۋشى كوماندانىڭ وقۋ-جاتتىعۋ جيىنى جوسپارلى تۇردە بولىپ جاتقانىن, ەندى وليمپياداعا دايىندىق ريو-دە-جانەيرو قالاسىندا جالعاساتىنىن ايتتى.
-وقۋ-جاتتىعۋ جيىنى جاقسى ءوتىپ جاتىر. بۇل ءبىزدىڭ ەلىمىزدەگى وليمپيادا الدىنداعى سوڭعى دايىندىعىمىز. قازىر بوكسشىلار جارىسقا 70 پايىزعا دايىن. جىگىتتەر وزدەرىنە تيەسىلى تاپسىرمالاردى ورىندادى. وسى جاتتىعۋلاردا ءبىز وزىمىزگە ءتيىستى جۇمىستاردى باستان-اياق جاساپ شىقتىق, – دەدى ول.
سونىمەن بىرگە ول ۇلتتىق قۇرامانىڭ دايىندىعىنا ارنايى شاقىرىلعان شەتەلدىڭ بوكسشىلارى تۋرالى دا ايتتى. «ءبىزدىڭ قۇرامامەن وقۋ-جاتتىعۋ جيىنىندا سپاررينگ كەزدەسۋلەر وتكىزۋ ءۇشىن شەتەلدىڭ 9 بوكسشىسى شاقىرىلعان. بۇل بوكسشىلار ورتا دەڭگەيلى سپورتشىلار. ولار بوكسشىلارعا كومەكتەسىپ جاتىر. شەتەلدىكتەردى قانات يسلام اكەلدى. قاناتتىڭ ءوزى كەلەسى جەكپە-جەگىنە اقش-تا ەمەس, قازاقستاندا دايىندالعان جاقسى دەپ جاتىر», دەدى مىرزاعالي ايتجانوۆ.
داستان كەنجالين
فوتو: قازاقستان بوكس فەدەراتسياسى
