ءوزىن-ءوزى «ۇرلاپ», شاعىم ءتۇسىرىپتى

كوكشەتاۋ قالالىق ىشكى ىستەر دەپارتامەنتىنىڭ كەزەكشى بولىمىنە 45 جاستاعى جەرگىلىكتى ايەل ارىزبەن كەلگەن. ۇرەيلى انا بالاسىنىڭ تەلەفون شالىپ,ءوزىن بىرەۋلەر ۇرلاپ, بەلگىسىز جەردە ۇستاپ وتىرعانىن حابارلاعانىن ايتادى. جاس جىگىتتى ىزدەۋگە جۇمىل­دى­­رىلعان پوليتسيا بىرنەشە ساعات بويى قاراۋسىز عيماراتتار مەن جەر­تولەلەردى, الگى جىگىتتىڭ بارۋى ءمۇم­كىن تۋىستارىنىڭ ءۇيىن شارلاپ شىق­قان. اقىرى «ۇرلانعان» جىگىت تابىلدى. پوليتسەيلەر انىقتاعانىنداي, ەشقانداي ادام ۇرلاۋ وقيعاسى بولماعان. جاس جىگىت تانىستارىمەن ءسپيرتتى ىشىمدىك ىشكەندىكتەن, جۇمىسقا بارماۋدىڭ سىلتاۋىمەن اناسىنا وسىنداي دەتەكتيۆتى وقيعانى ويلاپ تاۋىپتى. بىراق, مۇنىڭ اناسىنا دا, وزىنە دە اۋىر سالدارى بولاتىنى ميىنا كىرىپ-شىقپاعان. ەندى ونىڭ ۇستىنەن قر قك 419 بابىنىڭ 3 بولىمىمەن (قاساقانا جالعان حابار تاراتۋ) قىلمىستىق ءىس قوزعالىپ, ۋاقىتشا وقشاۋلاۋ ورنىنا توعىتىلدى. سونداي-اق, جاس جىگىتتىڭ اۆتوكولىكتى قۋىپ كەتۋ وقيعاسىنا قاتىستىلىعى دا تەكسەرىلىپ جاتىر. باقبەرگەن امالبەك, «ەگەمەن قازاقستان» اقمولا وبلىسى