• 24 شىلدە, 2016

پورتۋگاليادا ءبىر اەروپورتقا رونالدۋدىڭ اتى بەرىلەدى

1 مين

وقۋ ءۇشىن

Egemen Qazaqstan

24-07-16-ronaldu

پورتۋگاليانىڭ مادەيرا ايماعىنداعى اەروپورت ەلدىڭ قۇراماسى مەن ءمادريدتىڭ «رەال» كومانداسىنىڭ شابۋىلشىسى كريشتيانۋ رونالدۋدىڭ ەسىمىن الادى. O Jogo باسىلىمىنىڭ جازۋىنشا, مۇنى مادەيرا ايماقتىق ۇكىمەتىنىڭ توراعاسى ميگەل البۋكەركە ايماق استاناسى – فۋنشال قالاسىنا رونالدۋ ساپارلاپ كەلگەن كەزدە مالىمدەگەن. ەندى شاھار اۋە قاقپاسى رەسمي تۇردە «مادەيرانىڭ كريشتيانۋ رونالدۋ اۋەجايى» دەپ اتالاتىن بولادى. ارال ايماقتىق كەڭەسى بۇل شەشىمدى قىزۋ قولداپ وتىر. ەسكە سالا كەتەيىك, بيىلعى جىلى 10 شىلدە كۇنى وينالعان فرانتسيادا وتكەن فۋتبولدان ەۋروپا چەمپيوناتىنىڭ فينالدىق ماتچىندا پورتۋگاليا كومانداسى الاڭ يەلەرىن ەكسترا-تايمنىڭ 109-مينۋتىندا ەدەر سوققان جالعىز گولدىڭ ارقاسىندا 1:0 ەتىپ جەڭىپ, تاريحتا تۇڭعىش رەت قۇرلىق چەمپيونى اتانعان ەدى. ويىن باستالعاننان كەيىن كوپ ۇزاماي جاراقات الىپ قالعان كريشتيانۋ رونالدۋ 25-مينۋتتا الاڭنان كەتۋگە ءماجبۇر بولدى. وسىدان كەيىن پورتۋگال قۇراماسىنىڭ ويىنشىلارى بۇرىنعىدان بەتەر ۇيىمشىلدىقپەن ويناپ, اقىرىندا جەڭىسكە جەتتى.

24-07-16-portugal-map-original

كريشتيانۋ فۋنشال قالاسىندا تۋعان. قازىر جاسى 31-گە كەلىپ وتىرعان فۋتبولشى بۇل قالادا 12 جاسقا دەيىن تۇردى. ال مادەيرانىڭ حالىقارالىق اەروپورتى 1964 جىلى اشىلعان بولاتىن. دامير قوجامقۇل