جيرينوۆسكي كسرو-نى قۇرىپ, قازاقستاندى ەنگىزۋدى ۇسىندى (ۆيدەو)

رەسەيدىڭ لدپر پارتياسىنىڭ ليدەرى ۆلاديمير جيرينوۆسكي بۇرىنعى قۇرامىنا ازداعان وزگەرىس ەنگىزىپ, جاڭارعان سيپاتتاعى كسرو-نى قۇرۋدى ۇسىندى. ساياساتكەردىڭ ءوزى بۇل تۋرالى Twitter-دەگى رەسمي پاراقشاسىنا جازدى. وزبەكستاننىڭ Podrobno.uz پورتالىنىڭ حابارلاۋىنشا, جيرينوۆسكي قايتادان كەڭەس وداعىن قۇرۋدى ابدەن مۇمكىن جاعداي ەكەنىن اتاپ كورسەتكەن. «ىنتا مەن ىقىلاس بولسا, كسرو-نى – ەركىن سوتسياليستىك رەسپۋبليكالار وداعىن جاساۋ قيىن ەمەس. بۇعان ەندى يران, تۇركيا سەكىلدى ەلدەردى شاقىرۋ كەرەك», - دەپ جازادى ول. لدرپ سەركەسىنىڭ ايتۋىنشا, بۇل ءۇشىن ەڭ الدىمەن كسرو-نىڭ اببرەۆياتۋراسىن وزگەرتىپ, ونى ەركىن سوتسياليستىك ەلدەردىڭ رەسپۋبليكاسى تۇرعىسىندا قۇرۋ كەرەك. مۇندا تۇركيا, يران سەكىلدى بىرقاتار ەلدەردى شاقىرۋعا دا بولادى. كەيىنىرەك جيرينوۆسكي جاڭارعان كسرو قۇرامىنان رەسەي, ازەربايجان, ارمەنيا, بەلارۋس, قازاقستان, تۇركيا, يران, سيريا, يراك, قىرعىزستان, تۇرىكمەنستان, ۋكراينا, گرۋزيا, مولدوۆا, وزبەكستان, تاجىكستان ەلدەرىن كورگىسى كەلەتىنىن ءبىلدىرىپتى. قورىتىندىدا كسرو قۇرامى 16 رەسپۋبليكاعا دەيىن جەتكەن. ول تىزىمگە بۇرىنعى وداقتاس رەسپۋبليكالاردان تەك لاتۆيا, ليتۆا, ەستونيا سياقتى بالتىق جاعالاۋى ەلدەرىن عانا قوسپاپتى. مۇرات ايتقوجا https://youtu.be/0D_BNDZXbVo