تۇرمە يندەكسىندەگى قازاقستان پوزيتسياسى جاقسارىپ كەلەدى

[caption id="attachment_52783" align="aligncenter" width="640"] prokuror.gov.kz[/caption] ءبىرىنشى جارتى جىلدىقتىڭ قورىتىندىلارىنا ارنالعان باس پروكۋراتۋرا القاسىنىڭ جينالىسىندا جاقىپ اسانوۆ تۇرمە يندەكسى بويىنشا قازاقستاننىڭ پوزيتسياسى جىل سايىن جاقسارىپ كەلە جاتقانىن ايتتى, دەپ حابارلادى باس پروكۋراتۋرانىڭ ءباسپاسوز قىزمەتى. «تۇرمە يندەكسى بويىنشا جاعدايىمىز جىل سايىن جاقسارۋدا. بۇگىندە ءبىز 221 ەلدىڭ اراسىندا 62-ءشى ورنىندامىز. بۇل – ەۋروپانىڭ جەتەكشى ەلدەرىنىڭ دەڭگەيى. جارتى جىلدا سوتتالعاندار سانى 2,5 مىڭعا تومەندەگەن. قاراجالداعى كولونيا جابىلدى. وسى جىلى تاعى التاۋى جابىلاتىن بولادى», – دەدى ج. اسانوۆ. باس پروكۋرور بۇل «تۇرمە حالقىن ازايتۋ بويىنشا 10 شارا» دەگەن جوبانىڭ جەمىسى ەكەنىن اتاپ ءوتتى. «ازاپتاۋلار شەشىلمەگەن ماسەلە بولىپ قالىپ وتىر. جىل سايىن 600 شاعىمدى تىركەيمىز, ءاربىر التىنشىسى راستالادى. سوڭعى 1,5 جىلدا ازاپتاۋدان كولونيالاردا 4 ادام قايتىس بولدى. سوندىقتان «ازاپتاۋسىز مەملەكەت» دەگەن جوباعا باستاما جاسادىق. جاعدايدى تۇزەۋ بويىنشا شارالار بار», – دەدى ول. ايدار ورىسباەۆ