يننوۆاتسيالىق دامۋدا ىلگەرىلەۋ بار

يننوۆاتسيا كونكۋرسىنا قاتىسىڭىزدار! كەشە ورتالىق كوممۋنيكاتسيالار قىزمەتىندە ينۆەستيتسيالار جانە دامۋ مينيسترلىگىنىڭ يننوۆاتسيالىق دامۋ ساياساتى باسقارماسىنىڭ باستىعى جاندوس حاسان مەن «تەحنولوگيالىق دامۋ ءجونiن­دە­گi ۇلتتىق اگەنتتiك» اق باسقارما توراعاسىنىڭ ورىنبا­سارى ءومiرجان ءتاشiموۆ ءباسپاسوز ءماسليحاتىن وتكىزىپ, بارلىق وتان­داستاردى جاڭعىرۋ بايقاۋىنا شاقىردى. مەملەكەت باسشىسىنىڭ 2014 جىلعى «قازاقستان – 2050: ءبىر ماقسات, ءبىر مۇددە, ءبىر بولاشاق» اتتى جولداۋىندا دامىعان 30 ەلدىڭ قاتارىنا قوسىلۋ ماقساتى كورسەتىلگەنىن جەتكىزگەن ج.حاسان, مۇنداي اسقاق ارمانعا يننوۆا­تسيالىق دامۋ ارقىلى عانا جەتۋ مۇمكىن ەكەنىن اتاپ ءوتتى. «الەمدەگى ەڭ دامىعان 30 ەلدىڭ ءبارى دە يننوۆاتسيامەن باعدارلانعان ەكونوميكا توبىنا كىرەدى. مۇنداعى نەگىزگى ماقسات ەلىمىزدىڭ ءاربىر ازاماتى الەمدىك نارىقتا باسەكەگە قابىلەتتى بولۋى ءتيىس. سەبەبى, ادامي كاپيتالدى دامىتۋ ءبىلىم ەكونوميكاسىنىڭ باستى ۇيىتقىسى بولىپ تابىلادى. ال ءبىلىمدى جەردە جاڭا تەحنولوگيالار دۇنيەگە كەلىپ, ولار ەكونوميكانىڭ قالىپتاسۋىنا جانە ودان ءارى دامۋىنا ىقپال ەتەدى. سوندىقتان, بىزگە وتاندىق يننوۆاتورلاردىڭ قالىپتاسۋى وتە ماڭىزدى», دەدى ج.حاسان. بيىلعى يننوۆاتورلار كون­كۋرسىنىڭ جۇلدە قورى 6 ملن. تەڭگە ەكەن. دەمەك, جاڭاشىلداردىڭ وسى جىلدىڭ ءساۋiر ايىندا باستالعان ۇلتتىق يننوۆاتسيا كونكۋرسىنا قاتىسىپ, جۇلدەلى بولۋىنا مۇمكiندiگi بار. «تەحنولوگيالىق دامۋ جونiندەگi اگەنتتiك بiرنەشە جىل قاتارىنان ءتۇرلi جولدارمەن يننوۆاتورلاردى قولداپ كەلەدى. نەگiزگi ادiستەردiڭ بiرi – ءتۇرلi باعىتتا, ءتۇرلi سالادا ين­نوۆاتسيالىق گرانتتاردىڭ ءبولiنۋi. وتكەن جىلى جاس عالىمدار بەلسەندi جۇمىس اتقاردى. 2015 جىلى عانا بiز 462 ءوتiنiش الدىق. بۇل – رەكوردتىق كورسەتكiش. 2010 جىلدان بەرi جۇمىس ىستەي­تىن گرانتتىق قارجىلاندىرۋ باعدارلاماسى بويىنشا شامامەن 2 ملرد. تەڭگەنىڭ 58 جوباسى قولداۋعا يە بولدى. جوبالار كوممەرتسيا­لاۋ باعىتىن, كولiك تەحنولوگيا­لارى باعىتىن, ينجەنەرلەردiڭ بiلiكتiلiگiن ارتتىرۋ, مامانداردى شەتەلدە وقىتۋ باعىتتارىن قامتيدى», دەدى ءو.ءتاشىموۆ. سپيكەردىڭ ايتقانىنا يلانساق, سالانى دامىتۋ ماقساتىندا 2005 جىلدان باستاپ يننوۆاتسيا كونكۋرسى جىل سايىن وتكiزiلiپ كەلەدi. وسى جىلدار iشiندە وعان ەلiمiزدiڭ بارلىق ايماعىنان 5 مىڭنان استام يننوۆاتور قاتىسقان. بىلتىر اتالعان كونكۋرسقا 796 ادام اتسالىسىپتى. اسiرەسە, وقۋشىلار ۇلكەن قىزىعۋشىلىق تانىتقان كورىنەدى. ولاردان كونكۋرسقا 300-دەن استام ءوتiنiش تۇسكەن. بيىل كونكۋرستىڭ ناتيجەسi شىققاننان كەيiن قاتىسۋشىلاردىڭ جالپى سانى بەلگiلi بولادى. بايقاۋ «ورتا مەكتەپ وقۋشىلارى اراسىنداعى ەڭ ۇزدiك يننوۆاتسيالىق جوبا», «ستۋدەنتتەر اراسىنداعى ەڭ ۇزدiك يننوۆاتسيالىق جوبا», «ەڭ ۇزدiك ونەرتاپقىشتىق ۇسىنىس» نوميناتسيالارى بويىنشا وتەدi. «كونكۋرسقا قاتىسۋ ءۇشiن وتiنiشتەر ونلاين رەجىمدە قابىل­دانادى. بايقاۋعا ادام فاكتورى ىقپال ەتپەيدi, كونكۋرس ءادiل باسەكەگە نەگiزدەلەدi. بايقاۋ ناتيجەسiندە ەڭ ۇزدiك يدەيا­لار iرiكتەلىپ الىنادى. ونىڭ قورى­تىندىسى 2016 جىلدىڭ قىر­كۇيەك ايىندا حI يننوۆا­تسيالىق كونگرەستە جاريالانادى. 2016 جىلدىڭ جۇلدە قورى – 6 ملن. تەڭگە. سونداي-اق, ورتا مەك­تەپ وقۋشىلارى اراسىنداعى ەڭ ءۇز­دiك يننوۆاتسيالىق جوبا ءۇشiن British Council قولداۋىمەن ۇلى­بري­تانياعا وقۋ-تانىسۋ ساپارى ۇيىم­داستىرىلادى», دەدi باسقارما توراعاسىنىڭ ورىنباسارى. يننوۆاتسياعا بەت بۇرۋدىڭ ارقاسىندا قازاقستاندا ءوندىرىستىڭ قارقىندى دامۋىمەن قاتار, جاڭا نارىق, جاڭا كاسىپورىندار پايدا بولىپ جاتىر ەكەن. «يننوۆا­تسيا ەلىمىزدىڭ دامۋىنا ءوز سەپتىگىن تيگىزىپ وتىر. دۇنيەجۇزىلىك ەكو­نو­ميكالىق فورۋمنىڭ كورسەت­كىشى بويىنشا ەلىمىز 8 پۋنكت بويىنشا جوعارى كوتەرىلىپ, 140 ەلدىڭ ىشىندە 42-ورىنعا جايعاستى. بۇل يتاليا مەن پولشا سىندى ەلدەردىڭ قاتارىنان ورىن الدىق دەگەندى بىلدىرەدى. ال تمد ەلدەرى بويىنشا ازەربايجان ەلىنەن عانا ءبىر ساتى تومەندەمىز. رەسەي – 45, گرۋزيا – 66, ۋكراينا 79-ورىندا. وسى جەتىستىكتەرگە جەتۋىمىزدە وركەندەپ كەلە جاتقان وتاندىق يننوۆاتسيانىڭ دا ۇلەسى بار», دەدى ج.حاسان. نۇرباي ەلمۇراتوۆ, «ەگەمەن قازاقستان»