بۇۇ باس حاتشىلىعىنا سايلاۋدا گۋتەرريش كوش باستاپ تۇر

پورتۋگاليانىڭ بۇرىنعى پرەمەر-ءمينيسترى انتونيۋ گۋتەرريش بۇۇ قاۋىپسىزدىك كەڭەسىندە وتكەن بۇۇ باس حاتشىلىعىنا سايلاۋدىڭ ءبىرىنشى راۋندىندا كوش باستاپ كەلەدى. Interfax.ru اقپارىنا قاراعاندا, قازىر بۇۇ –نىڭ بوسقىندار جونىندەگى جوعارعى وكىلى انتونيۋ گۋتەرريش وسى داۋىس بەرۋدە سلوۆەنيانىڭ بۇرىنعى پرەزيدەنتى دانيلو تۋركتەن ازداعان ارتىقشىلىقپەن باسىپ وزعان. جاڭا باس حاتشىنى بۇۇ قاۋىپسىزدىك كەڭەسىنىڭ مۇشەلەرى سايلايدى. بۇل ماسەلە بويىنشا داۋىس بەرۋ بەيسەنبى كۇنى جۇرگىزىلدى. ول جابىق ەسىك جاعدايىندا بىرنەشە اي بويى جۇرەتىن بولادى. بۇۇ باس حاتشىسى لاۋازىمىنا قازىر التى ەر كىسى مەن ءبىر ايەل تالاسىپ جاتىر. ولار قازىرگى باس حاتشى پان گي مۋندى الماستىرادى. بۇرىن بۇل قىزمەتتى ەشقاشان ايەل ادام اتقارماعان ەكەن. قاۋىپسىزدىك كەڭەسىنىڭ تۇراقتى مۇشەلەرى (رەسەي, اقش, فرانتسيا, ۇلىبريتانيا جانە قىتاي) ءاربىر كانديداتۋراعا ۆەتو قويا الادى. سونىمەن بىرگە, قاۋىپسىزدىك كەڭەسىنىڭ مۇشەلەرى ءوز ەلىنىڭ شىققان ۇمىتكەرگە داۋىس بەرە المايدى. تۇپكىلىكتى تاڭداۋدى بۇۇ باس اسسامبلەياسى جاسايدى. مۇرات ايتقوجا