ەرەۆاندا پوليتسيا مەن شەرۋشىلەر قاقتىعىسىپ جاتىر

شىلدەنىڭ 20-سى كۇنى كەشكە ارمەنيانىڭ استاناسى – ەرەۆان قالاسىنىڭ ەرەبۋني اۋدانىنداعى پاترۋل-كۇزەت قىزمەتى پولكى عيماراتىنا جاقىن ماڭدا نارازىلىق شەرۋىنە شىعۋشىلار مەن پوليتسيانىڭ قاقتىعىسى باستالدى. EuroNews حابارىنا قاراعاندا, شەرۋشىلەر 20 ماۋسىم كۇنى زاڭسىز قارۋ ساقتادى دەگەن ايىپپەن قاماۋعا الىنعان وپپوزيتسيالىق باعىتتاعى «قۇرىلتاي پارلامەنتى» ۇلتتىق قوزعالىسى مەن «جاڭا ارمەنيا» ۇيىمىنىڭ ليدەرى جيراير سەفيلياندى تۇرمەدەن شىعارۋدى تالاپ ەتكەن. قاقتىعىس كەزىندە نارازىلار توبى قۇقىق قورعاۋشىلار جاققا قاراي تاس اتا باستاعان. پوليتسەيلەر بۇعان جاۋاپ رەتىندە جارىق شاشىپ, شۋ شىعاراتىپ گراناتالاردجى پايدالانىپ, اسپانعا قاراي وق اتقان. جارالانىپ قالعانداردىڭ باسىم بولىگى – ارنايى باعىتتاعى اسكەريلەر. تارتىپسىزدىك بارىسىندا 140 ادام ۇستالىپ, ولاردىڭ 16-سى قاماۋعا الىندى. جاپپاي تارتىپسىزدىك وقيعاسىنا بايلانىستى قىلمىستىق ءىس قوزعالدى.

اتاپ ءوتۋىمىز كەرەك, پوليتسەيلەر شەرۋشىلەردى ءبىراز جەرگە دەيىن تىقسىرىپ بارعان. ەسكە سالا كەتەيىك, وپپوزيتسيونەردى جاقتاۋشىلار پاترۋل-كۇزەت قىزمەتى پولكىنىڭ عيماراتىن 17 شىلدە كۇنى باسىپ العان بولاتىن. ولاردىڭ شابۋىلى بارىسىندا ءبىر پوليتسيا قىزمەتكەرى قازا تاۋىپ, ءتورت پوليتسەي جاراقات الىپ قالدى. شابۋىل جاساۋشىلار وزدەرى باسىپ العان عيماراتتىڭ ىشىندە ءتورت ءتارتىپ ساقشىسىن ءالى كەپىلدىكتە ۇستاپ وتىر. كەشە ارميان مادەنيەتىنىڭ 27 قايراتكەرى جيراير سەفيليانعا حات جازىپ, وندا ءوز جاقتاستارىن قارۋلارىن تاستاپ, بيلىككە بەرىلۋگە شاقىرۋدى سۇرادى. مۇرات ايتقوجا