[caption id="attachment_52373" align="aligncenter" width="700"]
فوتو: دينا ىسقاقوۆا[/caption]
وسى كۇندەرى ۆەلوسپورتتان «استانا» كومانداسى فرانتسيادا ءوتىپ جاتقان «تۋر دە فرانس» جارىسىنا قاتىسىپ جاتىر. جارىستىڭ 17-ءشى كەزەڭىندە «استانا» ۆەلوكومانداسىنىڭ كاپيتانى, يتاليالىق شاباندوز فابيو ارۋ جالپى ەسەپتە ەكى ساتىعا كوتەرىلىپ, سەگىزىنشى ورىنعا جايعاستى. بۇگىن «استانا» كومانداسىنىڭ جارىسىن ناسيحاتتاپ جۇرگەن ارىپتەسىمىز دينا ىسقاقوۆا كوماندانىڭ باس مەنەدجەرى الەكساندر ۆينوكۋروۆتان سۇحبات الىپ, egemen.kz سايتىنا جولدادى. ول بىزبەن حابارلاسىپ, «ۆينوكۋروۆ ۆەلوۇجىمنىڭ سوڭعى كەزەڭدەردە ۇستاناتىن تاكتيكاسى مەن شاباندوزداردىڭ بۇگىنگى كوڭىل كۇيىمەن ءبولىسىپ, ۇلتتىق قۇراما مۇشەسى الەكسەي لۋتسەنكونىڭ ريو-دە-جانەيرو قالاسىندا وتەتىن وليمپياداعا دايىندىعى تۋرالى ايتىپ بەردى», دەدى. وسى سۇحباتتى نازارلارىڭىزعا ۇسىنامىز.
–الەكساندر, 17-ءشى كەزەڭ بيىلعى «تۋر دە فرانستىڭ» ەڭ ءبىر اۋىر كەزەڭدەرىنىڭ ءبىرى بولدى. دەگەنمەن دە, كوماندانىڭ سپورتتىق ديرەكتورلارى نەگىزگى توپتان «قاشقانداردىڭ» قاتارىنا الەكسەي لۋتسەنكو مەن تانەل كانگەرتتى قوستى. كەيىن پەلوتوندى نيبالي مەن روزا جۇبى العا سۇيرەدى. كەزەڭ الدىندا كوماندا الدىنا قانداي ماقسات قويدىڭىزدار, ۆەلوشاباندوزدار تاپسىرمانى ورىندادى ما؟
-الپى تاۋلارىندا باستالعان العاشقى جارىس كۇنىن ءبىز شابۋىلدان باستادىق. كەشە وزدەرىڭىز بىلەسىزدەر دەمالىس كۇنى بولدى. سوندىقتان ەكى شاباندوزىمىزدى العا ۇزاعان توپتىڭ قاتارىنا قوسىپ, قارسىلاستارىمىزدىڭ سوڭعى اپتا الدىنداعى قاۋقارىن سىناپ كورگىمىز كەلدى. تۋعا شىعۋ قانشالىقتى قيىن سوققانىن وزدەرىڭىز دە كورگەن بولارسىزدار, الەكسەي بارلىق ۆەلوسپورتشىمەن يىق تەڭەستىرىپ باسەكەلەسە الاتىنىن كورسەتتى. سوندىقتان العا ۇزاعان توپتىڭ قاتارىنا قوسىلعان شاباندوزدار تاپسىرمانى ويداعىداي اتقارىپ شىقتى. ءيا, شابۋىل جاساۋعا ىڭعايلى ءساتتىڭ بولماعانى راس. فابيو ارۋمەن ءالى سويلەسكەنىم جوق. ول مۇمكىن قولايلى ءساتتى كۇتكەن بولار, بولماسا ءدال سول ساتتە اياعى سىر بەرگەن شىعار. دەگەنمەن جالپى ەسەپتە ەكى ساتىعا كوتەرىلدىك. سوندىقتان الپى تاۋلارىنداعى العاشقى كۇن ءبىز ءۇشىن ناشار اياقتالدى دەپ ايتا المايمىن. ەرتەڭ تاعى ءبىر اۋىر كەزەڭ, ودان كەيىن تاعى ەكى كەزەڭدى تاۋدا وتكىزەمىز.
ەگەر بۇگىنگى كۇنگە دەيىنگى كەزەڭدەرگە باعا بەرەتىن بولسام, جەكە ەسەپ سىنىندا ۋاقىت جوعالتىپ العانىمىز وكىنىشتى. بىراق بۇل فابيو ارۋدىڭ العاشقى «تۋر دە فرانسى» ەكەنىن ەسكەرۋىمىز قاجەت. ارينە ماقساتىمىز پاريجدە جەڭىس تۇعىرىنا كوتەرىلۋ بولاتىن. ايتسە دە جەڭىستى قولدان شىعارىپ الدىق دەپ ايتا المايمىن. جىگىتتەردىڭ كوڭىل-كۇيى جاقسى. كۇشىمىز دە جەتكىلىكتى. فابيو جاقسى ناتيجە كورسەتۋگە بارىن سالىپ جاتىر. كەزەڭدىك جارىستاردا دا ۇزدىك ناتيجە كورسەتە المادىق. بىراق الدا ءالى ءۇش تاۋلى كەزەڭ بار. جۇما مەن سەنبى كۇندەرى جەڭىمپاز قاتارىنان كورىنۋگە بارىمىزدى سالامىز.
-الەكسەي لۋتسەنكو ءۇشىن «تۋر دە فرانس» ءوزىن كوپكۇندىكتەرگە جارايتىن شاباندوز رەتىندە كورسەتۋ عانا ەمەس, سونداي اق, وليمپيا ويىندارى الدىنداعى دايىندىق دەپ تە قاراستىرۋعا بولادى. الەكسەي بۇل كوپكۇندىكتە تىم شارشاپ قالماي ما؟
-جوق, ولاي دەپ ايتا المايمىن. كەشە عانا وزىمەن دە, دارىگەرلەرمەن دە سويلەستىم. جارىس كۇنىنىڭ اۋىر بولعانىنا قاراماستان, اعزاسى قالىپقا تەز كەلىپ جاتىر. بۇل ارينە قۋانتادى. ءوزىنىڭ دە ءجۇزى بال-بۇل جانىپ ءجۇر. بۇگىنگى جارىس تاۋلى كەزەڭدە بولعانىنا قاراماستان الەكسەي تىڭ. «تۋر دە فرانس» ۇلكەن مەكتەپ, تاجىريبە جيناقتاۋعا مۇكىندىگى مول جارىس. ول وزىنە سەنىمدى. بۇگىن الەكسەيدىڭ ورنىنا باسقا شاباندوزدى الدىڭعى توپقا جىبەرەمىز بە دەگەن دە اڭگىمە بولعان. بىراق ول ءوزى سۇراندى. كەزەڭدە جەڭىسكە جەتۋگە دە تالپىنىپ كورگىسى كەلدى. تۋردان كەيىن بىرنەشە كۇن تىنىعىپ الىپ, وليمپيادا قارساڭىندا ءوز بابىندا بولاتىنىنا سەنىمدىمىن. الەكسەي ريوعا 31 شىلدە كۇنى اتتانادى.
-18-ءشى كەزەڭگە جوسپارلانعان تاۋلى جالپى ەسەپ سىنىنا بەلگىلەنگەن جارىس جولى «استانا»شاباندوزدارىنا قانشالىقتى قولايلى؟
-جالپى ەسەپ سىنى تاۋلى جولدارمەن وتەتىندىگىنە قاراماستان, بۇگىنگى كەزەڭنىڭ جارىس جولىمەن سالىستىرۋعا كەلمەيدى. دەسەك تە جەڭىسكە تالاسۋ وڭايعا سوقپايدى. ماقساتىمىز جالپى ەسەپتەگى قارسىلاستارىمىزعا ۋاقىت جوعالتپاۋ. بۇگىن ۆالۆەردە ارتقا شەگىندى. الداعى كۇندەرى بۇل جاعداي باسقا شاباندوزداردا دا قايتالانۋى مۇمكىن. سوندىقتان ماقساتقا جەتۋ ءۇشىن بارلىق مۇمكىندىكتى پايدالانامىز. جىگىتتەر بارىن سالۋ كەرەك.
داستان كەنجالين
فوتو: دينا ىسقاقوۆا[/caption]
وسى كۇندەرى ۆەلوسپورتتان «استانا» كومانداسى فرانتسيادا ءوتىپ جاتقان «تۋر دە فرانس» جارىسىنا قاتىسىپ جاتىر. جارىستىڭ 17-ءشى كەزەڭىندە «استانا» ۆەلوكومانداسىنىڭ كاپيتانى, يتاليالىق شاباندوز فابيو ارۋ جالپى ەسەپتە ەكى ساتىعا كوتەرىلىپ, سەگىزىنشى ورىنعا جايعاستى. بۇگىن «استانا» كومانداسىنىڭ جارىسىن ناسيحاتتاپ جۇرگەن ارىپتەسىمىز دينا ىسقاقوۆا كوماندانىڭ باس مەنەدجەرى الەكساندر ۆينوكۋروۆتان سۇحبات الىپ, egemen.kz سايتىنا جولدادى. ول بىزبەن حابارلاسىپ, «ۆينوكۋروۆ ۆەلوۇجىمنىڭ سوڭعى كەزەڭدەردە ۇستاناتىن تاكتيكاسى مەن شاباندوزداردىڭ بۇگىنگى كوڭىل كۇيىمەن ءبولىسىپ, ۇلتتىق قۇراما مۇشەسى الەكسەي لۋتسەنكونىڭ ريو-دە-جانەيرو قالاسىندا وتەتىن وليمپياداعا دايىندىعى تۋرالى ايتىپ بەردى», دەدى. وسى سۇحباتتى نازارلارىڭىزعا ۇسىنامىز.
–الەكساندر, 17-ءشى كەزەڭ بيىلعى «تۋر دە فرانستىڭ» ەڭ ءبىر اۋىر كەزەڭدەرىنىڭ ءبىرى بولدى. دەگەنمەن دە, كوماندانىڭ سپورتتىق ديرەكتورلارى نەگىزگى توپتان «قاشقانداردىڭ» قاتارىنا الەكسەي لۋتسەنكو مەن تانەل كانگەرتتى قوستى. كەيىن پەلوتوندى نيبالي مەن روزا جۇبى العا سۇيرەدى. كەزەڭ الدىندا كوماندا الدىنا قانداي ماقسات قويدىڭىزدار, ۆەلوشاباندوزدار تاپسىرمانى ورىندادى ما؟
-الپى تاۋلارىندا باستالعان العاشقى جارىس كۇنىن ءبىز شابۋىلدان باستادىق. كەشە وزدەرىڭىز بىلەسىزدەر دەمالىس كۇنى بولدى. سوندىقتان ەكى شاباندوزىمىزدى العا ۇزاعان توپتىڭ قاتارىنا قوسىپ, قارسىلاستارىمىزدىڭ سوڭعى اپتا الدىنداعى قاۋقارىن سىناپ كورگىمىز كەلدى. تۋعا شىعۋ قانشالىقتى قيىن سوققانىن وزدەرىڭىز دە كورگەن بولارسىزدار, الەكسەي بارلىق ۆەلوسپورتشىمەن يىق تەڭەستىرىپ باسەكەلەسە الاتىنىن كورسەتتى. سوندىقتان العا ۇزاعان توپتىڭ قاتارىنا قوسىلعان شاباندوزدار تاپسىرمانى ويداعىداي اتقارىپ شىقتى. ءيا, شابۋىل جاساۋعا ىڭعايلى ءساتتىڭ بولماعانى راس. فابيو ارۋمەن ءالى سويلەسكەنىم جوق. ول مۇمكىن قولايلى ءساتتى كۇتكەن بولار, بولماسا ءدال سول ساتتە اياعى سىر بەرگەن شىعار. دەگەنمەن جالپى ەسەپتە ەكى ساتىعا كوتەرىلدىك. سوندىقتان الپى تاۋلارىنداعى العاشقى كۇن ءبىز ءۇشىن ناشار اياقتالدى دەپ ايتا المايمىن. ەرتەڭ تاعى ءبىر اۋىر كەزەڭ, ودان كەيىن تاعى ەكى كەزەڭدى تاۋدا وتكىزەمىز.
ەگەر بۇگىنگى كۇنگە دەيىنگى كەزەڭدەرگە باعا بەرەتىن بولسام, جەكە ەسەپ سىنىندا ۋاقىت جوعالتىپ العانىمىز وكىنىشتى. بىراق بۇل فابيو ارۋدىڭ العاشقى «تۋر دە فرانسى» ەكەنىن ەسكەرۋىمىز قاجەت. ارينە ماقساتىمىز پاريجدە جەڭىس تۇعىرىنا كوتەرىلۋ بولاتىن. ايتسە دە جەڭىستى قولدان شىعارىپ الدىق دەپ ايتا المايمىن. جىگىتتەردىڭ كوڭىل-كۇيى جاقسى. كۇشىمىز دە جەتكىلىكتى. فابيو جاقسى ناتيجە كورسەتۋگە بارىن سالىپ جاتىر. كەزەڭدىك جارىستاردا دا ۇزدىك ناتيجە كورسەتە المادىق. بىراق الدا ءالى ءۇش تاۋلى كەزەڭ بار. جۇما مەن سەنبى كۇندەرى جەڭىمپاز قاتارىنان كورىنۋگە بارىمىزدى سالامىز.
-الەكسەي لۋتسەنكو ءۇشىن «تۋر دە فرانس» ءوزىن كوپكۇندىكتەرگە جارايتىن شاباندوز رەتىندە كورسەتۋ عانا ەمەس, سونداي اق, وليمپيا ويىندارى الدىنداعى دايىندىق دەپ تە قاراستىرۋعا بولادى. الەكسەي بۇل كوپكۇندىكتە تىم شارشاپ قالماي ما؟
-جوق, ولاي دەپ ايتا المايمىن. كەشە عانا وزىمەن دە, دارىگەرلەرمەن دە سويلەستىم. جارىس كۇنىنىڭ اۋىر بولعانىنا قاراماستان, اعزاسى قالىپقا تەز كەلىپ جاتىر. بۇل ارينە قۋانتادى. ءوزىنىڭ دە ءجۇزى بال-بۇل جانىپ ءجۇر. بۇگىنگى جارىس تاۋلى كەزەڭدە بولعانىنا قاراماستان الەكسەي تىڭ. «تۋر دە فرانس» ۇلكەن مەكتەپ, تاجىريبە جيناقتاۋعا مۇكىندىگى مول جارىس. ول وزىنە سەنىمدى. بۇگىن الەكسەيدىڭ ورنىنا باسقا شاباندوزدى الدىڭعى توپقا جىبەرەمىز بە دەگەن دە اڭگىمە بولعان. بىراق ول ءوزى سۇراندى. كەزەڭدە جەڭىسكە جەتۋگە دە تالپىنىپ كورگىسى كەلدى. تۋردان كەيىن بىرنەشە كۇن تىنىعىپ الىپ, وليمپيادا قارساڭىندا ءوز بابىندا بولاتىنىنا سەنىمدىمىن. الەكسەي ريوعا 31 شىلدە كۇنى اتتانادى.
-18-ءشى كەزەڭگە جوسپارلانعان تاۋلى جالپى ەسەپ سىنىنا بەلگىلەنگەن جارىس جولى «استانا»شاباندوزدارىنا قانشالىقتى قولايلى؟
-جالپى ەسەپ سىنى تاۋلى جولدارمەن وتەتىندىگىنە قاراماستان, بۇگىنگى كەزەڭنىڭ جارىس جولىمەن سالىستىرۋعا كەلمەيدى. دەسەك تە جەڭىسكە تالاسۋ وڭايعا سوقپايدى. ماقساتىمىز جالپى ەسەپتەگى قارسىلاستارىمىزعا ۋاقىت جوعالتپاۋ. بۇگىن ۆالۆەردە ارتقا شەگىندى. الداعى كۇندەرى بۇل جاعداي باسقا شاباندوزداردا دا قايتالانۋى مۇمكىن. سوندىقتان ماقساتقا جەتۋ ءۇشىن بارلىق مۇمكىندىكتى پايدالانامىز. جىگىتتەر بارىن سالۋ كەرەك.
داستان كەنجالين
