1800

اتىراۋدا وسىنشا ءجاسوسپىرىم «ۆ كونتاكتە» جەلىسىندەگى سۋيتسيدكە يتەرمەلەيتىن توپتارعا مۇشە بولعان بۇگىنگىنىڭ جاسى دا, كارىسى دە الەۋمەتتىك جەلىگە تەلمىرەدى. الايدا, كەيبىر الەۋمەتتىك جەلى­لەردە وڭ-سولىن ءالى تانىپ ۇلگەرمەگەن جاسوسپىرىمدەردى ءوز-وزىنە قول سالۋعا يتەرمەلەيتىن توپتاردىڭ بارى بەلگىلى. ماسەلەن, «ۆ كونتاكتە» الەۋ­مەتتىك جەلىسىندە ءسۋيتسيدتى اشىق ناسيحاتتايتىن 22 توپ انىقتالعان. وسىعان وراي اتىراۋ قالالىق پروكۋراتۋراسى الەۋمەتتىك جەلى­لەردەگى سۋيتسيد فاكتىلەرىنە ۇگىت­تەيتىن توپتارعا مونيتورينگ ءجۇر­گىزىپ كەلەدى. مونيتورينگ ناتيجەسىندە 22 توپتىڭ ارقايسىسىندا ون ەكىدە ءبىر گ ۇلى اشىلماعان جاسوسپىرىمدەردى ءسۋيتسيدتى جاساۋ ارەكەتتەرى جانە دارعا اسىلۋ, تامىرلارىن كەسۋ جانە ت.ب. فوتو تۇسىرىلىمدەرى مەن ولىمگە يتەرمەلەيتىن ما­قالا­لاردىڭ جاريالاناتىنى انىقتالعان. تالداۋ كورسەتكەندەي, انىقتالعان توپتاردىڭ ماقساتى جاسوسپىرىمدەر اراسىندا ومىرگە قۇشتارلىعىن ازايتىپ, سۋيتسيدكە يتەرمەلەۋ ەكەندىگى دە بايقالدى. ءبىر قىنجىلتار جايت, اتى­راۋ وبلىسى بويىنشا 1800 جاس­وسپىرىم ماقساتى بۇزىق توپ­تارعا مۇشە بولعانى جانە سول توپتارداعى ماقالالاردى ءوزىنىڭ جەكە پاراقشالارىنا سالىپ, دوس­تارىمەن بولىسكەن دەرەكتەرى انىقتالىپتى. سول سەبەپتەن, موني­تورينگ قورىتىندىسىنا سۇيەنگەن پروكۋراتۋرانىڭ باستاماسىمەن جاسوسپىرىمدەر مەن باسقا دا تۇلعالاردىڭ اتالعان توپتارعا مۇشە بولۋىن شەكتەۋ ماقساتىندا اقپارات جانە كوممۋنيكاتسيالار مينيسترلىگىمەن بىرلەسە وتىرىپ توسقاۋىلدار قويىلۋدا. جولداسبەك شوپەعۇل, «ەگەمەن قازاقستان» اتىراۋ