تۇركيادا ءۇش ايلىق توتەنشە جاعداي جاريالاندى

[caption id="attachment_52345" align="aligncenter" width="700"] فوتو: interfax.ru[/caption] تۇركيا پرەزيدەنتى رەجەپ تايىپ ەردوعان 16 شىلدەدە جۇزەگە اسپاي قالعان اسكەري توڭكەرىس ارەكەتىنەن كەيىن ءۇش ايعا توتەنشە جاعداي جاريالادى. «لاڭكەستىك ۇيىمداردىڭ شابۋىلدارىنا دەر كەزىندە توسقاۋىل بولۋ ءۇشىن قاۋىپسىزدىك كەڭەستىڭ مۇشەلەرى ۇكىمەتكە ءۇش اي مەرزىمگە توتەنشە جاعداي جاريالاۋدى ۇسىندى. بۇل اسكەري توڭكەرىس جاساماق بولعانداردى جازالاۋ ءۇشىن ءارى قاۋىپتىڭ الدىن الۋ ءۇشىن قاجەت», – دەدى تۇركيا پرەزيدەنتى. رەجەپ تايىپ ەردوعان بۇعان قوس پارلامەنتتىڭ ءولىم جازاسىن قالپىنا كەلتىرۋ شارالارىن قولدايتىنىن دا اتاپ ءوتتى. ايتا كەتەيىك, 16 شىلدەگە قاراعان ءتۇنى ب ۇلىكشىلەر اسكەري توڭكەرىس جاساۋعا ارەكەتتەنگەن بولاتىن. مەملەكەت پرەزيدەنتى كوپ ۇزاماي بۇل ىسكە قاتىسى بار كۇدىكتىلەردى قولعا تۇسىرگەنىن, ب ۇلىكتىڭ باسىلعانىن مالىمدەدى. مالىمەتتەرگە قاراعاندا, وسىنىڭ سالدارىنان 208 ادام قازا تاۋىپ, 1,5 مىڭعا جۋىعى زارداپ شەككەن. سونىمەن قاتار, 100-دەن استام ب ۇلىكشىنىڭ كوزى جويىلدى. تاسس اقپارات اگەنتتىگىنىڭ حابارلاۋىنشا بۇل ىسكە قاتىسى بار 6 مىڭنان استام ادام قاماۋعا الىنعان. ايان ءابدۋالي