ەدىگە ايتجان ۇلى تۇركەباەۆ

قازاقستاننىڭ عىلىمى ورنى تولماس اۋىر قازاعا دۋشار بولدى. 2016 جىلعى 19 شىلدەدە ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋني­ۆەرسيتەتىنىڭ ەكونوميكا جانە بيزنەس ينستيتۋتى ديرەكتورىنىڭ ورىنباسارى, تانىمال ينجەنەر-مەتاللۋرگ, ەكونوميكا عىلىم­دارىنىڭ دوكتورى, پروفەسسور, قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى ەدىگە ايتجان ۇلى تۇركەباەۆ دۇنيە سالدى. ەدىگە ايتجان ۇلى 1951 جىلى ماسكەۋ قالاسىنداعى ي.ستالين اتىنداعى بولات ينستيتۋتىن ءبى­تىر­گەن. ول – مەتاللۋرگيا سالا­سىنداعى العاشقى ۇلتتىق كا­سىبي مامانداردىڭ ءبىرى. ەدىگە ايتجان ۇلى قازاق مەتاللۋرگيا زاۋىتىندا, قازكسر عىلىم اكادە­مياسىنىڭ مەتاللۋرگيا جانە كەن بايىتۋ ينستيتۋتىندا, قازكسر عىلىم اكادەمياسىنىڭ حيميا-مەتاللۋرگيالىق ينستيتۋتىندا ۇزاق جىلدار جەمىستى ەڭبەك ەتىپ, عى­لىمي زەرتتەۋلەرمەن اينالىس­تى. 1965-1988 جىلدار ارالىعىندا ەدىگە ايتجان ۇلى قازاق كسر مەملەكەتتىك جوسپارلاۋ كو­مي­تەتى جانىنداعى ەكونو­ميكالىق عىلىمي-زەرتتەۋ ينستيتۋتىندا ءبولىم مەڭگەرۋشىسى, ديرەكتوردىڭ ورىنباسارى جانە ديرەكتور بولىپ قىزمەت اتقاردى. 1989 جىلدان باستاپ ول ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ ونەركاسىپ ەكونوميكاسى كافەدراسىنىڭ مەڭگەرۋشىسى, پروفەسسورى بولىپ ەڭبەك ەتتى. ەدىگە ايتجان ۇلى ءوزىنىڭ بۇكىل سانالى عۇمىرىن ەلىمىزدىڭ حالىق شارۋاشىلىعى ەكونوميكا­سىن زەرتتەۋگە ارنادى. ونىڭ ۇزاق جىل­عى ىزدەنىستى زەرتتەۋلەرىنىڭ جەمىسى حالىق شارۋاشىلىعىنىڭ ەكونوميكا عىلىمىندا كەڭىنەن قولدانىلۋدا. ول 300 عىلىمي ەڭبەكتىڭ اۆتورى. قازاق كسر عى­لىمىنا ەڭبەك سىڭىرگەن قاي­راتكەر (1979), قازاقستان رەس­پۋبليكاسى ءبىلىم سالاسىنىڭ قۇرمەتتى قىز­مەتكەرى (2005). «قۇرمەت بەلگى­سى» وردەنىنىڭ جانە بىرقاتار شەتەل­دەردىڭ مەم­­لەكەتتىك ماراپات­تارى­نىڭ يەگەرى. ەدىگە تۇركەباەۆتىڭ جارقىن بەينەسى ونى بىلەتىندەردىڭ جۇرە­گىندە ۇزاق ساقتالادى. ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋني­ۆەرسيتەتىنىڭ ۇجىمى