ەرەۆاندى ەبىل-سەبىل ەتكەندەر كىمدەر؟

ارمەنيادا قۇقىق قورعاۋ ورگاندارى ەرەۆانداعى ىشكى ىستەر بولىمشەسى عيماراتىندا پوaليتسيا قىزمەتكەرلەرىن كەپىلدىكتە ۇستاپ وتىرعان قارۋلى توپ مۇشەلەرىمەن كەلىسسوزدى ءالى جالعاستىرىپ جاتىر. ال بۇل وقيعانىڭ باسى 17 شىلدە, جەكسەنبى كۇنى تاڭ ازاندا باستالعان ەدى. ءبىر توپ قارۋلى قاراقشى ەلدىڭ استاناسىنداعى ەرەبۋني اۋدانىندا ورنالاسقان پوليتسيانىڭ ءپاترۋلدى-پوست قىزمەتىنىڭ كۇزەت ايماعىنا ءوتىپ كەتپەكشى بولادى. بىراق پوليتسەيلەر ولاردى بايقاپ قالىپ, توقتاتۋعا ارەكەت جاسايدى. سول كەزدە ەكى ارادا اتىس باستالىپ كەتەدى. وسى اتىستا تەررورشىلار ءبىر قۇقىق قورعاۋشىنى اتىپ ءولتىرىپ, ءتورت پوليتسەيدى جارا­قات­تاپ, جەتى ءتارتىپ ساقشىسىن كەپىلدىككە الدى. قاقتىعىس بارىسىندا قاراقشىلار قولىنان پولك كومانديرىنىڭ ورىنباسارى ارتۋر ۆانويان قازا تاپسا, پولكوۆنيك ارام وۆاننيسيان, پودپولكوۆنيك گراچ حوستەگيان, كىشى وفيتسەر گاگيك مكرتچيان جانە وپەراتور روبەرت ايراپەتيان جاراقات الادى. ال شابۋىل جاساۋشىلار قاتارىنان وق تيگەن تاتۋل تامرازيان ەسىمدى تەررورشى اۋىر جاع­دايدا اۋرۋحاناعا تۇسەدى. كەيىن انىقتالعانداي, قالانىڭ ەرەبۋني اۋدانىنداعى پوليتسيا عيماراتىنا شابۋىل جاساعان­دار راديكالدى وپپوزيتسيالىق «جاڭا ارمەنيا» ۇيىمى مەن «قۇرىلتايشى» پارلامەنت» قوزعالىسىنىڭ مۇشەلەرى بولىپ شىقتى. قاراقشىلار پوليتسيا قىز­مەتكەرلەرىن كەپىلدىككە العاننان كەيىن ەلدىڭ پرەزيدەنتى سەرج سارگسياننان وتستاۆكاعا كەتۋدى جانە زاڭسىز قارۋ ساقتاعانى ءۇشىن قاماۋعا الىنعان «جاڭا ارمەنيا» ۇيىمىنىڭ ليدەرى جيراير سەفيلياندى ق ۇلىپ استىنان بوساتۋدى تالاپ ەتتى. بىراق ارمەنيا پوليتسيا­سى باستى­عىنىڭ ورىنباسارى ۋنان پوگوسيان سول كۇنى بۇقارالىق اقپارات قۇرالدارىنىڭ الدىندا بەرگەن بريفينگىندە تەررور­شىلاردىڭ بۇل تالاپ­تارىنىڭ بىردە-ءبىرى ورىندالمايتىنىن اشىپ ايتتى. بۇدان كەيىن ارنايى بولىمشە قىزمەتكەرلەرى پوليتسيا عيما­راتىنا شابۋىل جاساپ, ەكى قىزمەتكەردى كەپىلدىكتەن بوساتىپ الدى. تاعى ءبىر قىزمەتكەردى قاراقشىلاردىڭ ءوزى سونىڭ الدىندا بوساتىپ جىبەرگەن ەكەن. سونىمەن, ولاردىڭ قولىندا تاعى ءتورت قىزمەتكەر قالىپ قويدى. ولاردىڭ اراسىندا ەرەۆان قالاسى پوليتسياسى باستىعىنىڭ ورىنباسارى ۆالەري وسيپيان دا بار. قازىر پوليتسيا بولىمشەسىنە شابۋىل جاساپ, ءتارتىپ ساقشىلارىنا ءجابىر كورسەتۋشىلەر ۇستەرىنەن قىلمىستىق ءىس قوزعالدى. سونىمەن بىرگە, كەپىلدىككە الىنعان قالعان پوليتسەيلەردى ەش زالالسىز قاماۋدان بوساتىپ الۋدىڭ امالدارى جاسالىپ جاتىر. ارمەنيا استاناسىندا وسىنىڭ سوڭىن الا بىرنەشە كۇن بويى جۇرتشىلىقتىڭ ەرەۋىلى بولىپ ءوتتى. وندا نەگىزىنەن ەل پرەزي­دەنتىن وتستاۆكاعا كەتۋ تالاپ ەتىلۋدە. نەگىزى, ەلدە مۇنداي كوڭىل كۇيدىڭ كوتەرىلۋى تەك بۇگىن عانا ەمەس. بيىل­عى جىلدىڭ كوكتەمىندە دە ەرەۆاندا ءبىر­نەشە كۇن بويى وسىنداي شەرۋ بولىپ ءوت­كەن ەدى. بىراق وندا تاۋلى قاراباق ماسە­لەسى كوبىرەك العا تارتىلعان بولاتىن. دەگەن­مەن, بۇل جولعى قوزعالىستى دا سول كەز­دەردەگى قارسىلىق قوزعالىسىنىڭ جال­عاسى رەتىندە باعالاۋعا بولاتىن سياقتى. رۋسلان يگىلىك