قولايلى جاعداي جاساۋ قاجەت

ەلباسى پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى اسقار مىرزاحمەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋدە ا.مىرزاحمەتوۆ مەم­­­لە­كەت باسشىسىنا ەلىمىزدىڭ اگرو­ونەر­­كاسىپ كەشەنىنىڭ نەگىزگى دامۋ كور­سەت­كىشتەرى, كوكتەمگى ەگىس ناۋ­قانى­نىڭ قورىتىندىلارى, سون­داي-اق, كۇزگى جيىن-تەرىم جۇمىس­­تارى­نا دايىندىق بارىسى تۋرالى باياندادى. نۇرسۇلتان نازارباەۆ جيىن-تەرىم ناۋقانىنا ساپالى دايىندالۋ جانە وتكىزۋ ءۇشىن قولايلى جاعداي جاساۋ قاجەتتىگىن اتاپ ءوتتى. سونىمەن بىرگە, پرەزيدەنت اۋىل شا­رۋا­­شىلىعىنداعى ەڭ­بەك ءونىم­­­دى­­لىگىن, سالانىڭ ەكسپورت­تىق الەۋە­­­تىن ۇل­عايتۋدىڭ جانە اۋىل تۇر­عىن­­­دارى­نىڭ جۇمىس­پەن قام­تى­لۋىن ارت­­تىرۋدىڭ ماڭىز­دىلىعىنا توقتالدى. ا.مىرزاحمەتوۆ بيىل اۋىل شارۋا­شىلىعىندا ەگىس القاپ­تارى بىلتىرعى دەڭگەيمەن سالىس­تىر­عاندا 448 مىڭ گەكتارعا ارتىپ, 21,6 ملن. گەكتارعا جەتكەنىن ءمالىم­دەدى. جيىن-تەرىم جۇمىس­تارى­نا دايىندىق اياسىندا ۇكىمەت ءتيىس­تى شارالار قابىلدادى, سونىڭ ءىشىن­دە اگرارلىق كاسىپورىندار جالپى قۇنى 60 ميلليارد تەڭ­گەگە نەسيە­لەن­دىرىلدى, اۋىل شارۋا­شى­لىعى ءونىمىن وندىرۋشىلەر ءۇشىن جانار-جاعار­ماي قۇنىن ارزانداتۋ ماسەلەسى قامتا­ماسىز ەتىلدى. ەلباسى كەزدەسۋ قورىتىندىسى بويىنشا بىرقاتار ناقتى تاپسىرما بەردى.