قانت سەمەيدە دە قىمباتتادى

سەمەيدەگى ازىق-ت ۇلىك دۇكەن­دەرىندە سوڭعى 10 كۇن شاماسىندا قانت باعاسى 280 تەڭگەدەن 350 تەڭگەگە دەيىن كوتەرىلگەن. قالالىق كاسىپكەرلىك بولىمىندەگىلەردىڭ ايتۋىنشا, باعانى كوتەرىپ وتىرعان قانت زاۋىتتارى. جانە تاعى ءبىر ماسەلە, قانتتىڭ باعاسى ءوسۋى بىلاي تۇرسىن, ول كوپ جەرلەردە دۇكەن سورەلەرىنەن جوعالىپ كەتىپتى. ال قازىر, جەمىس-جيدەكتىڭ پىسكەن ۋاقىتى, ەلدىڭ ءبارى قىسقا ءتۇرلى توساپ, قايناتپا دايىنداپ, ازىقتارىن قامداۋعا تىرىسىپ جاتىر. – بۇل جاعداي ءارى كەتسە ءبىر اپتاعا عانا سوزىلادى, ودان سوڭ جاعداي قالپىنا كەلەدى, – دەپ ءتۇسىندىردى قالالىق كاسىپكەرلىك ءبولىمى باستىعىنىڭ مىندەتىن اتقارۋشى باۋىرجان يۋسۋپوۆ. – قانت باعاسىنىڭ كوتەرىلۋى قازىر ءجىتى باقىلاۋدا. بۇل سوزبۇيداعا سالاتىن ماسەلە ەمەس. الىپساتارلىققا جول بەرگەندەرگە شارا قولدانىلادى. قانت باعاسىنىڭ كوتەرىلۋىنە بايلانىستى كاسىپكەرلەرمەن ءتۇسىندىرۋ جۇمىستارىن جالعاستىرا بەرەمىز. قازىر سەمەيدەگى قانتتىڭ ورتاشا باعاسى 290 تەڭگە شاماسىندا. قالاعا تاۋلىگىنە 14 توننا قۇمشەكەر قاجەت. بۇگىندە قالادا 200 توننادان استام قانت قورى بار. الداعى 3 كۇندە تاعى جەتكىزىلمەك. ەلىمىزدە ۇكىمەت قاۋلىسىمەن 27 ءتۇرلى ازىق-ت ۇلىك ءونىمى الەۋمەتتىك ماڭىزى بار دەپ بەكىتىلگەن. ونىڭ ىشىندە قانت تا بار. سوندىقتان, ۇستەمە اقى 10 پايىزدان اسپاۋى ءتيىس. سەمەيدە قانتتىڭ كوتەرمە ساۋداسىمەن 3 كاسىپورىن اينالىسادى. جاقىندا «اقسۇڭقار» جانە «سپۋتنيك» جشس-لەرگە قانت اكەلىنەدى دەپ كۇتىلۋدە. كاسىپكەرلىك بولىمىندەگى ساۋدانى دامىتۋ سەكتورىنىڭ مەڭگەرۋشىسى ايجان حاسەنوۆانىڭ ايتۋىنشا, قالاداعى قانت كوتەرمە ساۋداسىمەن اينالىساتىن ءۇش مەكەمەنىڭ ەكەۋىندە قانت قورى تۇگەلدەي تاۋسىلعان. ازىرشە ءبىر جشس عانا 68 توننا قانت جەتكىزگەن. وسى سەرىك­­تەس­تىككە قالا باس­شى­لىعى اكەلگەن قانت­تى ءوزىنىڭ ارىپتەستەرىنە بەرۋ­دى قويا تۇرىپ, حا­لىق ءۇشىن قالا دۇكەندەرىنىڭ سورە­لەرىن تو­­لىق­­تىرۋدى سۇراپ وتىر. سەمەيدە قانت­تى حالىق­­قا ساتاتىن 1,5 مىڭ ساۋدا نۇكتەسى بار. كۇن سايىن حالىققا 14 توننا قانت تۇراقتى وتەدى. – ءبىز ورتالىق ازيا قانت كورپوراتسياسى باسشىلىعىمەن كەلىسسوزدەر جۇرگىزدىك, وندا ءبىزدىڭ قالاعا جەتكىزىلەتىن 12 توننا قانت دايىن تۇرعاندىعىن ايتتى, – دەيدى ايجان حاسەنوۆا. – قالادا كوتەرمە ساۋدا جاساۋشىلار قانتتىڭ كەلىسىن 260 تەڭگەدەن ساۋدالاپ جاتىر. وسىعان جەكەلەگەن دۇكەندەر 10 پايىز قوسسا, قانتتىڭ كەلىسى شامامەن 290 تەڭگەدەن ساتىلۋى كەرەك. تالاپ بويىنشا بولشەك ساۋداداعى باعا وسى سومادان اسپاۋى ءتيىس. ال بازارلاردا 340-360 تەڭگەدەن ساۋدالانۋى وسىنداي قىسىلتاياڭ ۋاقىتتى پايدالانىپ, الىپساتارلاردىڭ قولدان جاساپ وتىرعانى. قازىر وسىنىڭ بارلىعىن انىقتاپ جاتىرمىز. قانتتىڭ قىمباتتاۋىنا جامبىل وبلىسىنداعى ەكى قانت زاۋىتىنداعى باعانىڭ ءوسۋى دە اسەر ەتىپ وتىر. ولارداعى كوتەرمە باعانىڭ ءوزى 250 تەڭگە. جامبىل وبلىسىنان قالامىزعا كەلگەنگە دەيىن 260 تەڭگە بولادى. بۇل جەردە 5-6 پايىزدان ارتىق قوسىلىپ وتىرعان جوق. ال بولشەك ساۋدادا 10 پايىزدان ارتىق قوسىلماي, ورتاشا العاندا 290 تەڭگەدەن ساۋدالانۋى كەرەك. سونىمەن, جۇرگىزىلگەن بارلىق كەلىسسوزدەر ناتيجەسى بويىنشا سەمەيگە جان-جاقتان, ياعني قانت قىزىلشاسىن وسىرەتىن زاۋىتتاردان 408 توننا قانت كەلەدى دەپ كۇتىپ وتىرمىز. راۋشان نۇعمانبەكوۆا سەمەي