تارتۋ

مەملەكەت جانە قوعام قايراتكەرى, تاريحشى, سايا­سات عىلىمدارىنىڭ دوكتورى تايىر مانسۇروۆ جاقىندا ءوزىنىڭ جەكە توپتاماسىنداعى «بۇركىتشى» تۋىندىسىن ۇلتتىق مۋزەيگە سىيعا تارتتى. «ۇلتتىق مۋزەيگە سىي تارتۋ» اكتسياسى اياسىندا وتكەن شاراعا مادەنيەت جانە سپورت ءمينيسترى ارىستانبەك مۇ­حامەدي ۇلى قاتىسىپ, بىرەگەي جادىگەردى ۇسىنۋشى تۇلعاعا بەلسەندىلىگى ءۇشىن العىسىن ءبىلدىردى. – تايىر مانسۇروۆ اعامىز مەملەكەتتىك قىزمەتتىڭ قاي سالاسىندا جۇرسە دە ءوز ءىسىن وتە جاقسى بىلەتىن, سونىمەن قاتار تاريحي-مادەني مۇرامىزدىڭ جاناشىرى رەتىندە كەڭىنەن تانىمال. ال, ونىڭ جەكە كوللەكتسياسىنان شىققان مىنا گراۆيۋرانىڭ قۇندىلىعى وتە جوعارى ءارى ونىڭ ۇلتتىق مۋزەيگە سىيعا تار­تىلۋى قۋان­تارلىق جايت, – دەدى ا.مۇحا­مەدي ۇلى. تايىر مانسۇروۆ اتالمىش اكتسيانىڭ ماڭىز­دىلىعىنا توقتالىپ, ۇلتتىق مۋزەيدىڭ الداعى جۇمىستارىنا ساتتىلىك تىلەدى. «ۇلتتىق مۋزەيگە سىي تارتۋ» اكتسياسى ەلىمىزدەگى ءبى­رەگەي جوبالاردىڭ ءبىرى دەپ بىلەمىن. ەستىپ-كورىپ وتىر­­عانىمىزداي, ءبىر جىل ىشىندە 2 مىڭنان استام ءجا­دى­گەر جي­ناقتالىپتى. سول اك­تسياعا قوسقان ۇلەسىمىز رە­تىندە وسىناۋ كارتينانى تارتۋ ەتكىم كەلەدى. «ءبۇر­كىتشى» دەپ اتالاتىن بۇل تۋىن­­دىنىڭ تاريحى تىم ءارى­دە جاتىر. بۇل بايلىق ەرەك­شە, قۇندى دۇنيەلەردىڭ قا­تا­رىنا كىرەدى دەپ سەنەمىن ءارى ۇلتتىق مۋزەيدىڭ الدا­عى جۇمىستارىنا جەمىس تىلەي­مىن, – دەدى ت.مانسۇروۆ. كارتينادا ءىى الەكساندر   ۇلىقتاۋ راسىمىنە (1855 جىل) ار­نايى شاقىرىلعان اڭ­شى قازاقتىڭ بۇركىتىن تۇلكىگە سالىپ جاتقان ءساتى بەي­نەلەنگەن. ال ونىڭ ارتىندا ساياتشىلىقتى قىزىقتاپ تۇرعان يمپەراتور ءىى الەكساندر  بەينەلەنگەن. ايتا كەتەيىك, ۇلتتىق تا­ري­حي-مادەني مۇرانى ساق­تاپ قالۋ ماسەلەسىنە قوعام نازارىن اۋدارتۋ ماقساتىندا ەڭ العاشقى اكتسيا 2015 جىلى استانا قالاسىنان باستاۋ العان بولاتىن. وعان بەلگىلى ازاماتتار مەن كوللەكتسيو­نەرلەر, جالپى مادەنيەت جاناشىرلارى ايتارلىقتاي ۇلەس قوسقانى ءمالىم. ىزگىلىكتى ءىس مۇنان كەيىن الماتى, قى­زىلوردا, اقتوبە, شىم­كەنت قالالارىندا جال­عاسىن تاۋىپ, مۋزەي قورى قىرۋار قازى­نامەن تولىقتى. قارشىعا كۇلەن