كۇركىرەگەن كۇن. قويۋ بۇلت جانە... بارماقتاي بۇرشاق

  بۇرناعى كۇنى الماتى­داعى اسپان ءتورى قاق ايىرىلا كۇركىرەپ ەلدى تاڭ قالدىردى. ىلە-شالا كوك ءجۇزىن بۇرىن-سوڭدى بايقالماعان قارا تۇنەك بۇلت تۇمشالاپ, ارا-تۇرا نايزاعاي ويناپ, جاڭ­بىر شەلەكتەپ توگىپ بەردى. سول-اق ەكەن, داۋىل سوقتى. ۇلكەن كوشەلەرگە ىلىنگەن بيلبوردتار قۇلاپ, جەل شايقاعان اعاش­تاردىڭ بۇتاعى مورت-مورت سىنا باستادى... كوپ كەشىكپەي قالالىق تجد رەسمي وكىلى ساندۋعاش باي­مۇ­حامبەتوۆا «112» قىزمەتى ارقىلى مالىمەت تاراتتى. نەبارى ءبىر ساعاتتاي بولعان جاڭبىر ارالاسقان داۋىلدا قا­لا بويىنشا 24 اعاش قۇلاپتى. ونىڭ 16-سى جول جيەگىندە, اۋلالاردا قاڭتارۋلى تۇرعان جەڭىل اۆتوكولىكتەردىڭ ۇستىنە ءتۇ­سىپ ەلەۋلى زاقىم كەل­تىر­گەن. جەل قاڭباقتاي ۇشىر­عان جازدىق شاتىرلار دا بار­شىلىق. ابىروي بولعاندا, زارداپ شەككەن ادام جوق. جاڭبىرلى داۋىلدىڭ كۇش­تىلىگىن الاتاۋدىڭ ەتەگىن الا ورنالاسقان ناۋرىزباي اۋدا­نىنىڭ تۇرعىندارى ايرىقشا سەزدى. «قالقامان» شاعىن اۋدانىندا داۋىلمەن, جاڭبىرمەن ارالاسىپ تورعايدىڭ باسىنداي بۇرشاق جاۋدى. ەلەكتر جەلىسىندە ورىلگەن سىم تەمىرلەر جەلدەن سوقتىعىسىپ جارىلىستاعى سەكىلدى قاتتى دىبىستار شىقتى. داۋىل دا, جاڭبىر دا ءبىر ساعاتتىڭ اينالاسىندا ساپ تيىلدى. تابيعاتتىڭ بۇل توسىن قۇبىلىسىن تاڭەرتەڭگى اتىس­تان ۇرەيلەنىپ ۇيدەن شىقپاي وتىرعان قالا تۇرعىندارى ءالى كۇنگە دەيىن ءارى-ءسارى كۇيدە تۇسىنە الماي ءجۇر... تالعات ءسۇيىنباي, «ەگەمەن قازاقستان» الماتى