يسپانيادا ورمان ءورتى باسىلماي تۇر

[caption id="attachment_52111" align="aligncenter" width="700"] فوتو: ccaa.elpais.com[/caption] يسپانيانىڭ بارسەلونا قالاسىنىڭ سولتۇستىگىندە 90 گەكتار ورمان وتقا وراندى. وسىدان ەكى كۇن بۇرىن شىققان قىزىل جالىندى تولىعىمەن ءسوندىرۋ ازىرگە مۇمكىن بولماي تۇر. مالىمەتتەرگە قاراعاندا, ءتىلسىز جاۋدى ءسوندىرۋ ءۇشىن 30 ءورت ءسوندىرۋشى, 8 تىكۇشاق جۇمىلدىرىلعان. قازىرگى تاڭدا سانت-فەليۋ ساسسەررا اكىمشىلىك ايماعىندا ءورت ءسوندىرىلدى. ماماندار ەندىگى كەزەكتە ىرگەلەس جاتقان ورمان ءورتىن سوندىرۋمەن اينالىسۋدا. «قىزىل جالىندى اۋىزدىقتاۋ ۇشىن بارىن جاساپ جاتىرمىز. الاپات ءورت ءبىز ويلاعاننان دا كۇشتى بولىپ تۇر. وسى قارقىنىنان تايماسا, ورمانعا كەلەتىن شىعىن اۋقىمدى بولايىن دەپ تۇر», – دەدى ءورت ءسوندىرۋ قىزمەتىنىڭ وكىلى جوردي ماس. ايتا كەتەيىك, 18 شىلدە كۇنى ءبىر ۋاقىتتا شىققان التى بىردەي ورتتەن بارسەلونا, لەريدا, جيرونا, تارراگونا قالالارىنىڭ ماڭىنداعى ورمان القابىنا زاردابىن تيگىزگەن. ccaa.elpais.com اقپارىنا سايكەس, شاعىن ەلدى مەكەندەردىڭ تۇرعىندارى باسپانالارىن تاستاپ كەتۋگە ءماجبۇر بولعان. قىزىل جالىننىڭ نەدەن پايدا بولعانى بەلگىسىز. الايدا, بيلىك كۇن رايىنىڭ شامادان تىس ىستىق بولۋىنان ءارى جاڭبىر جاۋماعانىنىڭ سالدارىنان دەپ حابارلادى. ايان ءابدۋالي