ورىستەگەن ءوندىرىس

اقتوبەلىك كاسىپكەرلەر ەكى ءوندى­­رىستى پايدالانۋعا بەردى. جاڭا بيزنەس نىساندارىنىڭ اشىلۋ سال­تا­ناتىنا وبلىس اكىمى بەر­دىبەك ساپارباەۆ قاتىستى. وبلىس ورتالىعىندا 300 اتاۋ­­دان استام كونديتەرلىك ءونىم ءجا­نە جىلىنا 5 مىڭ كەلى تۇش­پا­را شى­عا­راتىن, دۇكەنى, كافە­تەريى جانە تۇشپاراحاناسى بار كون­دي­تەر­­لىك تسەح اشىلدى. جاڭا ءوندى­رىس ور­نى­نا كاسىپكەر زاۋرەش ەركىن­الي­نا 100 ميلليون تەڭگە قارجى سالعان. «ۆانيل» كونديتەر تسەحى 2007 جى­لدان بەرى جۇمىس جاساپ كەلە­دى, ونىمدەرىنە سۇرانىس جوعا­رى. قازىر­گى تاڭدا كومپانيالار توبىندا 130 ادام ەڭبەك ەتسە, ولار­دىڭ 30-ى جا­ڭا وندىرىسكە جۇمى­ل­دىرىلىپ وتىر. ءوڭىر باسشىسى ءوندىرىس ۋچاسكەسى مەن ساۋدا زالى ورنالاسقان جاڭا تسەحتى ارالاپ كوردى. تسەح, كافەتەري جانە تۇشپاراحانانىڭ جال­پى اۋدانى 400 شارشى مەتر­دى قۇرايدى. مۇندا كونديتەر, شوكولاد, نان ونىمدەرى مەن تۇش­پارا, «ۋدون» جىلدام ءازىر­لەنەتىن كەسپە جانە باسقا دا تاعامدار وندىرىلەدى. سودان كەيىن وبلىس اكىمى «تكفارماقتوبە» جشس ءدارى زاۋى­­تىن ارالاپ, سالتاناتتى جاع­­د­اي­­دا كاپسۋلا تۇرىندە قاتتى ءدارى ءون­­دى­رەتىن تسەحتى ىسكە قوستى. «بيز­­نەستىڭ جول كارتاسى-2020» مەم­لەكەتتىك باعدارلاماسى اياسىندا قولدانىسقا بەرىلىپ وتىرعان كاسىپ­ورىن ديرەكتورى جاڭاگۇل تورە­حانوۆا وبلىس باسشىسىنا كاسىپ­ورىندا مەديتسينالىق, فار­ما­­تسەۆ­تىك جانە حيميا-تەحنو­لوگي­يا­لىق ءبىلىمى بار 50 ادامنىڭ جۇمىس جاسايتىنىن جەتكىزدى. – ءبىز دارىلىك پرەپاراتتار­دىڭ, مەدي­تسينالىق سيپاتتاعى ءونىم­دەر­دىڭ كوتەرمە جانە بولشەك ساۋ­دا­سى­مەن, سونىمەن بىرگە, ءدارى­لىك جابدىقتار وندىرىسىمەن اينا­لى­سامىز. پرەپاراتتار ءوندى­رۋ زاۋىتى حالىقارالىق GMP تالاپ­تارىنىڭ بارلىق ستاندارتتارىنا ساي سالىنعان, – دەدى ديرەكتور اڭگىمە اراسىندا. 2016 جىلدىڭ اقپان ايىندا كاسىپورىننىڭ GMP – ست رك 1617-2006 «دارىلىك جابدىقتار ءوندىرىسى. ءتيىستى وندىرىستىك ءتاجى­ريبە. نەگىزگى ەرە­­جەلەر» ستاندارت­تار تالا­پ­تارى­نا سايكەستىگى تەك­سەرىل­دى. 2014 جىل­دان بەرى زاۋىت ميا ما­يى شى­رىنى, تەرموپسيس, پەر­­تۋس­­سين ەكستراكتىلەرى بار ميا ما­­يى­­نىڭ شىرىنى سەكىلدى سۇ­­يىق دارىلىك پرەپاراتتار شى­عارا باس­تادى. وندىرىلەتىن ءونىم اس­سور­تي­مەنتىن كەڭەيتۋ ماق­ساتىن­دا «تكفارماقتوبە» سك كاپ­سۋلا تۇرىندە قاتتى دارىلىك پرە­پا­­رات­­تار وندىرەتىن تسەحتى ىسكە قوس­تى, فلۋكانازول, لوپەراميد, اك­تيۆتەندىرىلگەن كومىر, دوكسي­تسيك­لين جانە گريپپوۆير سەكىلدى پرەپ­ا­راتتار شىعارۋعا رۇقسات الدى. بۇدان باسقا ەكى ءتىس ەمدەۋ مەكەمەسى پايدالانۋعا بەرىلدى. ساتىبالدى ءساۋىرباي, «ەگەمەن قازاقستان» اقتوبە وبلىسى