• 17 شىلدە, 2016

فرانتسياداعى تەراكتىدەن 4 قازاقستاندىق قازا تاپتى

280 رەت

كورسەتىلدى

1 مين

وقۋ ءۇشىن

Egemen Qazaqstan

فرانتسيانىڭ نيتستسا قالاسىندا بولعان تەررورلىق شابۋىل كەزىندە قازاقستاننىڭ 4 ازاماتى قازا تاپتى. بۇل تۋرالى بۇگىن سىرتقى ىستەر مينيسترلىگى حابارلادى. «قازاقستان ازاماتتارى: پانچەنكو ليۋبوۆ (1956), پانچەنكو مارينا (1983), پانچەنكو سيلۆيا (2013) جانە وتتو ناتاليا (1959) نيتستساداعى تەراكت كەزىندە قازا تاپتى. تۋعان-تۋىستارىنا جانە جاقىندارىنا كوڭىل ايتامىز. سىرتقى ىستەر مينيسترلىگى تۋىستارىنا بارلىق جاعدايدى جاسايتىن بولادى», – دەلىنگەن تۆيتتەر ارقىلى تاراتقان حابارلاماسىندا. وسىعان دەيىن نيتستسادا ورىن العان لاڭكەستىكتەن سوڭ, وقيعا ورنىندا بولعان قازاقستاندىق ءبىر وتباسىنىڭ ءىز-ءتۇزسىز جوعالىپ كەتكەنىن حابارلاعان بولاتىنبىز. ايتا كەتەيىك, 14 شىلدە كۇنى كەشكە تامان باستيليانى باسىپ الۋ كۇنىنە بايلانىستى وتشاشۋدى كورۋگە جينالعان حالىقتى جۇك كولىگىن مىنگەن قاسكوي ەكى شاقىرىم بويىنا قاعىپ جۇرگەن. كوپ ۇزاماي جۇرگىزۋشىنىڭ كوزى جويىلىپ, دايش لاڭكەستىك ۇيىمىنىڭ سودىرى ەكەنى انىقتالدى. ايان ءابدۋالي