تالدىقورعان تۇرلەنە ءتۇستى (فوتو)

[caption id="attachment_51685" align="aligncenter" width="698"] فوتو: رۋسلان قادىروۆ[/caption] تاۋەلسىزدىكتىڭ 25 جىلدىعىنا وراي تالدىقورعاندى     تۇرلەنتىپ قاراتال وزەنىنىڭ جاعالاۋىنان ۇزىندىعى 1414 مەترگە سوزىلعان جاڭا كوشە بوي تۇزەدى. تۇرعىنداردى قۋانىشىمەن قۇتتىقتاعان الماتى وبلىسىنىڭ اكىمى اماندىق باتالوۆ استاناعا قاراپ بوي تۇزەيتىن تالدىقورعانعا   قاراتال وزەنى ەرەكشە كورىك بەرەتىنىن ايتا كەلە دەمالىس اللەياسىنىڭ شامىن جاقتى. سامالاداي جارقىراعان شامدارمەن قاتار وت شاشۋلار اتىلدى. وزىندىك   قايتالانباس ەرەكشەلىگى   بار بولعاندىقتان وسىناۋ جاڭا   كوشە ءارى   دەمالىس  اللەياسى  سالتاناتتى  تۇردە  اشىلىپ  وتىر.  وندا «تالدىقورعان كەشە, بۇگىن»  اتتى  فوتو  جانە   قىلقالام  تۋىندىلارىنىڭ   كورمەسى   ۇيىمداستىرىلدى. ەلىمىزگە تانىمال  انشىلەر  مەن   «الاتاۋ  اۋەندەرى»,  «ۇشقوڭىر»  فولكلورلىق ەتنوگرافيالىق ءان-بي  ءانسامبلىنىڭ  ونەرپازدارى  ونەر  كورسەتتى. جاعالاۋدىڭ   ەرەكشەلىگى  -   ەرەسەكتەر  مەن  بالالاردىڭ   ەركىن  سەرۋەندەپ,  تىنىعۋىنا  بارلىق  جاعداي  جاسالعان.    وقتاي  ءتۇزۋ   كوشەنىڭ   قوس  قاپتالىنداعى  جاياۋلار    جولىنا   تەگىستەلە   توسەلگەن   تاس  جاسىل   الەممەن  قابىسىپ  جاتىر.  تىك   شانشىلا  ءارى  جايقالا    وسكەن   قاراعاي,    ارشا  سەكىلدى  قىلقان  جاپىراقتىلار   اراسىندا  بوي  تۇزەگەن  ارۋداي   اق  قايىڭ,  تەربەلگەن  كوك  تەرەك  تە      جاسىل  جاپىراعىن  جايقالتا   ادام    تىنىسىن   اشا  تۇسەدى.  سان  الۋان  تۇسىمەن  تۇرلەنە   تۇنىپ  تۇرعان  گۇلزارلار    قازاقى  ويۋلارداي  قۇلپىرىپ  ادام  قولىنىڭ  شەبەرلىگىن   ايقىن  كورسەتەدى. جالپى   جوبانىڭ اۆتورى   ساۋلەتشىلەر وداعىنىڭ توراعاسى اقمىرزا تۇستەمبەكوۆتىڭ  يدەياسى بويىنشا جاعالاۋ   اللەياسىنا   جايلى  ورىندىقتار  قويىلىپ, بالالارعا   ارنالعان ويىن الاڭدارى, بەلسەندى دەمالىستى جاقسى كورەتىندەر ءۇشىن سكەيت پەن روللدروم جانە قالقاندار,  شاتىرلار ورناتىلعان. ساحنالىق  الاڭ دا  وزىندىك   ۇيلەسىمىن   تاپقان. قاتارلاتا   تىگىلگەن   اعاشتار  مەن  ەگىلگەن  جاسىل وسكىندەردى  جاڭبىرلاتا  سۋعارۋ  ءۇشىن  رەتىمەن  جۇرگىزىلگەن   قۇبىرلار, بەتوندالعان  توعان,   جىپىرلاتا  ورناتىلىپ  جارقىراي  جانعان ەكونوميكالىق  ءتيىمدى    ەلەكتر  شامدارى,  ءتىپتى   اسفالت  توسەلگەن  تەپ-تەگىس  ۆەلوسيپەدشىلەر  جولى,  «RHINO»   فيرماسىنىڭ ساپالى جابدىقتارى  كوپ  جايدى  اڭعارتادى. اقىندار   «كۇندىز   كۇمىس,  تۇندە  التىن  بولىپ   اعادى»  دەپ  تە   تەڭەۋىن   اسىراتىن   قاراتالدىڭ    تالدىقورعان  قالاسىنىڭ  تۇسىنان  وتەتىن  وسى  ءبىر  تۇسى   تارامدانا   ارالدارى   كوگەرشىندەردىڭ   سۋاتىنا   اينالىپتى.  بەيبىتشىلىك  قۇسى     كوك   اسپانعا  قالىقتاي  كوتەرىلە  وڭ  قاپتالدا  بوي  جارىستىرا  بىرىنەن  ەكىنشىسىنىڭ    ءسانى  مەن  سالتاناتى  اسقان      كوپ  قاباتتى  ۇيلەرگە  قاراي  ۇشۋدا.   وسىناۋ   عالاماتتتى  تالدىقورعاندىقتارعا    تارتۋ  ەتكەن  جان  -   الماتى  وبلىسىنىڭ  اكىمى   اماندىق   باتالوۆ     وسىدان   ون  بەس    جىل  بۇرىن   قىزمەت  بابىمەن       قاراتال  وزەنىندەگى    كوپىر  تۇسىنا   كەلگەن   ساتىندە   جۋرناليستەرگە    ءبىر-ەكى  شاقىرىم   جەردەگى    تالدىقورعان  قالالىق   پەرزەنتحاناسىنا    دەيىن   سوزىلعان  جۋاندىعى  تۇيەنىڭ  بەلىندەي  قۇبىردى   كورسەتە  «وسى  اشىق  دالاعا  كوپ  قاباتتتى  تۇرعان  ۇيلەر  سالىنىپ,  تالدىقورعان  تۇرلەنە  تۇسەدى»  دەگەندە  بوس  جاتقان  دالاعا  قاراپ   سەنەرىمىزدى  دە  سەنبەسىمىزدى  دە  بىلمەگەن  ەدىك.  بىراق  ايتىلعان   ءسوز  تاسقا  باسىلىپ  قالعان  ەدى.   مىنە  بۇگىن   سول  ءسوز  ءىس-جۇزىنە  استى. نۇربول   الدىباەۆ تالدىقورعان. [caption id="attachment_51686" align="aligncenter" width="700"] فوتو: رۋسلان قادىروۆ[/caption] [caption id="attachment_51798" align="aligncenter" width="688"] فوتو: رۋسلان قادىروۆ[/caption] [caption id="attachment_51687" align="aligncenter" width="500"] فوتو: رۋسلان قادىروۆ[/caption] [caption id="attachment_51688" align="aligncenter" width="667"] فوتو: رۋسلان قادىروۆ[/caption]