ۇشقوڭىردا بال شىرىن شىعادى

[caption id="attachment_51680" align="aligncenter" width="700"] فوتو: ەرلان الياسقاروۆ[/caption] الماتى وبلىسى, قاراساي   اۋدانىندا اۆستراليالىق قوندىرعىنىڭ كومەگىمەن  جەمىستى  سىعۋ ارقىلى قازاقستاندا  ەڭ  ءبىرىنشى  بولىپ    «ECO JUICE»  شىرىنى   شىعارىلۋدا.  ءدامى ءتىل ۇيىرەتىن بال شىرىننىڭ   ەرەكشەلىگى قۇتىسىندا بولىپ تۇر. قانت پەن   بوياۋدى جولاتپاي تەك جەمىستىڭ   ءسولىن   عانا سىعىپ قۇيىلعان     ىدىسىن اشىپ, ءشولىڭىزدى  باسقان  سوڭ  قالعانىن  ۇش ايعا دەيىن ساقتاۋعا بولادى.  وسى ۋاقىت ارالىعىندا سۋسىننىڭ ءدامى باستاپقى قالپىنان وزگەرمەي   بالعىن قالپىن ساقتايدى. رەسپۋبليكامىزدا   العاش رەت قولدانىسقا ەنگەن بۇل تەحنولوگيانىڭ باستى ەرەكشەلىگى نەمەسە ۇتىمدى تۇسى سۋسىن قۇيىلاتىن بەگينبوكس - قوراپتاعى قالتا   دەپ اتالاتىن پاكەتتە شاعىن   شولمەك  ورناتىلعان.  تۇتىنۋشىلار الما, المۇرت, ءسابىز جانە قىزىلشا شىرىنىن وزگە تەتروپاكەتتەر سياقتى ەمەس, تەك قوراپتاعى بەلگىلەنگەن ورىننان وسى   شولمەكتى شىعارۋ ارقىلى ىدىسقا قۇيىپ ىشەدى. «اۋدانىمىزداعى 100   جۋىق باۋ-باقشا بىرلەستىگىنەن جينالعان ءونىم  ىرىكتەلىپ,  وڭدەلىپ    وسى  ءبىر  ءوندىرىس  ورنىندا  ءبىر ساعاتتا 500 ليتر شىرىن شىعارىلادى. سونىمەن قاتار 150 كەلى الما توسابى الىنادى. نەگىزى 2008 جىلى «Kazakh Cool» دەگەن اتاۋمەن ءوز ءىسىن باستاعان سەرىكتەستىكتىڭ نەگىزگى ماقساتى جەمىستى وڭدەپ, ساقتاۋ بولاتىن. بىردەن 2200 توننا ءونىمدى گەرمانيالىق تەحنولوگيا ارقىلى ۇزاق مەرزىمگە دەيىن ساقتاي الاتىن كامەرالارىمەن ەرەكشەلەنەدى.  زاماناۋي جوعارى تەحنولوگيالى جەمىس-جيدەك قويماسى قازىرگى تاڭدا تەك اتاۋىن وزگەرتىپ قانا قويماي, جاڭا سەرپىلىستەر مەن مۇمكىندىكتەرگە جول اشىپ وتىر. وسىلايشا, نارىققا جاڭا جىلدان باستاپ شىعىپ, ەشقانداي قانتسىز, قوسپاسىز ءدامى ءتىل ۇيىرەتىن  شىرىنى الداعى ۋاقىتتا قازاقستاندىق دۇكەن سورەلەرىنەن عانا ورىن الىپ قويماي, الىس-جاقىن شەتەلدەرگە دە ەكسپورتتالماق»  دەدى   قاراساي   اۋدانىنىڭ   اكىمى  ماحابات  بيگەلديەۆ. نۇربول الدىباەۆ الماتى وبلىسى, قاراساي اۋدانى