ەلىمىزدە تۇركياداعى جايلارعا وراي «اقپار جەلىسى» اشىلدى

 

قازاقستاندا تۇركياداعى وقيعالارعا بايلانىستى 16 شىلدەدەن بەرى «اقپار جەلىسى»  اشىلىپ, جۇمىس ىستەي باستادى. بۇل تۋرالى قازاقستان سىرتقى ىستەر مينيسترلىگىنىڭ ءباسپاسوز قىزمەتى حابارلادى. «قر ءسىم استانادا تۇركياداعى جاعدايلارعا بايلانىستى جەدەل اقپاراتتار بەرىپ تۇرۋ ءۇشىن «اقپار جەلىسى» اشتى», - دەلىنگەن حابارلامادا. تۇركياداعى قازاقستان ازاماتتارىنىڭ قاۋىپسىزدىك شارالارى, قازاقستان مەن تۇركيا اراسىنداعى اۋە قاتىناسىن رەتتەۋ ماسەلەلەرى بويىنشا تۇرعىنداردىڭ مىنا تەلەفوندارعا حابارلاسۋلارىنا بولادى: +7-717-272-0486 (دو 19.00), +7-702-306-3417, +7-701-382-9890. سول سياقتى تۇركياداعى اعىمداعى جاعدايلارعا بايلانىستى سۇراقتارعا جاۋاپتاردى مىنا تەلەفوننان الا الاسىزدار: +7-717-272-0250 (دو 19.00), +7-701-777-6447. مۇنداي جەلىلەر سونداي-اق قازاقستاننىڭ تۇركياداعى ديپلوماتيالىق جانە كونسۋلدىق مەكەمەلەرىندە دە اشىلدى: قازاقستان ەلشىلىگى رك (انكارا): +90-533-600-6092; قازاقستان باس كونسۋلدىعى (ىستانبۇل): +90-542-471-2211; قازاقستان كونسۋلدىعى (انتاليا): +90-535-418-3532. ەسكە سالا كەتەيىك, تۇركيادا 16-شىلدەگە قاراعان ءتۇنى مەملەكەتتىك توڭكەرىس جاساۋعا ارەكەت ەتىلدى. قارۋلى قاقتىعىستار بارىسىندا 200-گە جۋىق ادام قازا تاپقان بولاتىن. مۇرات ايتقوجا