تەحنولوگيالىق ىلگەرىلەۋ – زامان تالابى

قازاقستانداعى بىرەگەي تەلەكوم­مۋنيكاتسيالىق كومپانيا رەتىندە تانىمال «قازاقتەلەكوم» اق بۇقارا حالىققا كومپانيا مەن بيزنەستى دامىتۋدىڭ جاڭا ستراتەگياسىن تانىستىردى. مەملەكەتتىك ورگاندار وكىلدەرى, باسقارما مۇشەلەرى مەن كونسالتينگتىك كومپانيا قىز­مەتكەرلەرى جانە شەتەلدىك ساراپشىلار قاتىس­قان ءىس-شارا اتالعان كومپانيانىڭ ەكى جىل بۇرىن باستالعان اۋقىمدى ترانسفورما­تسيا ناتيجەلەرىن تۇجىرىمداپ, ونىڭ پەرس­پەكتيۆالىق تەحنولوگيالار مەن يننوۆاتسيالىق شەشىمدەرىن ايقىنداۋعا باعىتتالدى. جيىن بارىسىندا اقپارات جانە كوممۋنيكاتسيالار ءمينيسترى داۋرەن اباەۆ ءسوز سويلەپ, كومپانيانىڭ باسقارما  توراعاسى قۋانىشبەك ەسەكەەۆ بايانداما جاسادى. بۇل رەتتە اقپاراتتىق-كوممۋنيكاتسيالىق تەحنولوگيالاردىڭ دامۋى مەملەكەتتىك قۇرىلىمدار مەن ازاماتتىق قوعام ينستيتۋتتارىنىڭ جۇمىسىن عانا ەمەس, سونىمەن قاتار الەۋمەتتىك, عىلىم, ءبىلىم جانە مادەنيەت سالالارىنداعى ۇدەرىستەردى, جالپى العاندا ادامداردىڭ ءومىر ءسۇرۋ سالتىن ترانسفورماتسيالايتىنىن اتاپ وتكەن د.اباەۆ «قازاقتەلەكومنىڭ» ءوز قىزمەتىن جۇزەگە اسىرا وتىرىپ, ونىڭ ازاماتتار, مەملەكەت جانە ارىپتەستەرى الدىنداعى جاۋاپكەرشىلىگىن بۇدان كەيىن دە اقتاي بەرۋى, بايلانىس وپەراتورى بولىپ قانا قويماي, سونداي-اق يننوۆاتسيالار ەنگىزۋدىڭ ساراپتامالىق جانە تەحنولوگيالىق الاڭىنا اينالۋى ماڭىزدى ەكەندىگىن جەتكىزدى. سونىمەن قاتار XXI عاسىرداعى مەملە­كەتتىڭ باسەكەگە قابىلەتتىلىگى تەحنولوگيالىق ىلگەرىلەۋ دەڭگەيىنە بايلانىستى بولا­تىن­دىعىن, وسى رەتتە «اقپاراتتى قازاقستان» مەملەكەتتىك باعدارلاماسىن جۇزەگە اسىرۋ جىلدارىندا بۇل باعىتتا ەلەۋلى جەتىستىكتەرگە قول جەتكىزىلگەنىن باياندادى. ونىڭ ايتۋىنا قاراعاندا, بۇگىندە حالىقتى موبيلدىك بايلانىسپەن, كەڭ جولاقتى ينتەرنەتكە قولجەتىمدىلىكپەن جانە ساندىق ەفيرلى حابار تاراتۋمەن كەڭىنەن قامتۋ قامتاماسىز ەتىلدى. قازىرگى ۋاقىتتا تەلەكوممۋنيكاتسيالىق قىزمەتتەر نارىعى ماڭىزدى سەكتورلاردىڭ ءبىرى بولىپ وتىر جانە دە ەكونوميكانىڭ كوپتەگەن سالالارى ءۇشىن ايرىقشا ماڭىزدىلىققا يە. ونىڭ كولەمى 600 ملرد. تەڭگەدەن استى. وسى باعىتتا كەڭىنەن قاتىسۋى,  ىسكە اسىرىلىپ وتىرعان جوبالار مەن ورىندالعان ماقساتتار تۇرعىسىندا «قازاقتەلەكوم» سالانىڭ كوشباسشىسى بولىپ تابىلادى, دەدى مينيستر. كەلەسى ءسوز كەزەگىن العان كومپانيانىڭ باسقارما توراعاسى ق.ەسەكەەۆ كومپانيا كوممەرتسيا, «ينتەرنەت زاتتار», م2م الەۋەتتى شەشىمىن دامىتۋ ءتارىزدى جاڭا قىزمەت سالاسىن مەڭگەرۋدى كوزدەپ وتىرعانىن كولدەنەڭ تارتتى. بۇل رەتتە ول كومپانيا ستراتەگيا مىندەتتەرىن ىسكە اسىرۋ  ءۇشىن تەحنيكالىق, ادامي رەسۋرستار – ساراپشىلار مەن تەحنيكالىق ماماندارعا يە ەكەندىگىن,  سونداي-اق, كومپانيانىڭ ينفراقۇرىلىمى جاڭا شەشىم ەنگىزۋگە دايىندالعانىن اتاپ ءوتتى.  20 جىل ۋاقىت ىشىندە كومپانيا كوپتەگەن بەلەستەردى باعىندىرىپ,  اۋقىمدى جەتىستىكتەرگە قول جەتكىزدى.  ءبىز قازىرگى تاڭدا بىرقاتار نارىقتاردا كوشباسشى بولىپ كەلەمىز, دەدى كومپانيا باسشىسى. سونىمەن قاتار, اتالعان كومپانيا نارىعىنىڭ جالپى كولەمى 92 پايىزدى قۇرايتىنىن جەتكىزدى. تانىستىرىلعان جاڭا ستراتەگيانىڭ باس­تى بازالىق ەلەمەنتتەرىنىڭ ءبىرى رەتىندە تۇراقتىلىقتى اتاپ وتۋگە بولادى. ياعني, كومپانيا وپەراتورى تۇراقتى ينفراقۇرىلىممەن جۇمىس جاسايدى. ەكىنشىسى – يننوۆاتسيالىق باعىت بولسا, ءۇشىنشىسى ساندىق ەكونوميكاعا كوشۋ بولىپ تابىلادى. ءىس-شارا بارىسىندا «قازاقتەلەكوم» اق قىزمەتكەرلەرىن سالالىق «ۇزدىك بايلانىسشى» توسبەلگىسىمەن سالتاناتتى تۇردە ماراپاتتاۋ وتكىزىلىپ, بۇل رەتتە اقپارات جانە كوممۋنيكاتسيالار ءمينيسترى د.اباەۆ كومپانيانىڭ ايماقتارداعى 32 قىزمەتكەرىنە بايلانىس سالاسىنىڭ جوعارى ماراپاتىن تابىس ەتتى. ەلميرا ماتىباەۆا, «ەگەمەن قازاقستان»