فۋتبول. «ەۋرو-2016». ماجارستان چەمپيوناتپەن قوش ايتىستى

[caption id="attachment_48758" align="aligncenter" width="700"] فوتو: sport-express.ru[/caption] بۇگىن تۋلۋزا قالاسىندا فۋتبولدان ەۋروپا چەمپيوناتىنىڭ تاعى ءبىر كەزدەسۋى ءوتتى.  فينالدىڭ 8/1 بولىگىندە بەلگيا ماجارستان قۇراماسىنىڭ قاقپاسىنا ءتورت دوپ سوعىپ, شيرەك فينالعا شىقتى. كەزدەسۋ 4:0 ەسەبىمەن اياقتالدى. ەندى «قىزىل پەرىلەر» فينالدىڭ 4/1 بولىگىندە پورتۋگاليامەن كەزدەسەدى. بۇل ويىن 30 ماۋسىمدا مارسەل قالاسىندا بولادى. ال ماجارستانمەن ويىندا بەلگيالىقتار قينالماي جەڭىسكە جەتتى. ولار ماجار ەلىنىڭ قۇراماسىن تۋ-تالاقاي شىعارىپ, سوڭعى ءۇش گولدى ويىننىڭ بىتۋىنە 12 مينۋت قالعاندا سوقتى. ءسويتىپ, بۇكىل كۇشىن توپتىق تۋرنيرگە جۇمساعان بەرند شتوركتىڭ كومانداسى بەلگياعا كەلگەندە دارمەنسىزدىك تانىتىپ, ەۋرو دوداسىمەن قوش ايتىستى. ماجارلار 1964 جىلى يسپانيادا وتكەن چەمپيوناتتا قولا جۇلدەگەر اتانعان بولاتىن. ودان كەيىن 1972 جىلى بەلگيادا وتكەن دودادا جارتىلاي فينالعا شىعىپ, كسرو قۇراماسىنان 0:1 ەسەبىمەن, ءۇشىنشى ورىن ءۇشىن ويىندا الاڭ يەلەرىنەن 1:2 ەسەبىمەن جەڭىلگەن. ۆەنگريا – بەلگيا – 0:4 (0:1) گولدار: الدەرۆەيرەلد 10’ – 0:1, باچۋاي 78’ – 0:2, ازار 80’ – 0:3, كارراسكو 90’ – 0:4 ماجارستان: كيراي, كادار, يۋحاس (بيودە 79’), گۋزميچ, لانگ, گەرا (ەلەك 46’), ناد, لوۆرەنچيچ, پينتەر (نيكوليچ 75’), دجۋدجاك, ستسالاي. بەلگيا: كۋرتۋا, مەنە, الدەرۆەيرەلد, ۆەرمالەن, ۆەرتونگەن, ناينگگولان, ۆيتسەل, مەرتەنس (كارراسكو 70’), دە بريوينە, ازار (فەللايني 81’), لۋكاكۋ (باچۋاي 76’) ەسكەرتۋ: كادار 35’, لانگ 47’, ەلەك 61’, ستسالاي 90’ — ۆەرمالەن 68’, باچۋاي 90’, فەللايني 90’ تورەشى: ماجيچ ميلوراد. 26 ماۋسىم. «تۋلۋزا ستاديونى»  (تۋلۋزا). داستان كەنجالين