[caption id="attachment_48739" align="aligncenter" width="700"]
فوتو: life.ru[/caption]
فۋتبولدان فرانتسيادا ءوتىپ جاتقان ەۋروپا چەمپيوناتىنىڭ فينالدىڭ 8/1 بولىگىندە گەرمانيا قۇراماسى سلوۆاكيا كومانداسىن 3:0 ەسەبىمەن ۇتتى.
كەزدەسۋدە گەرمانيا 8 مينۋتتا ەكى رەت قاۋىپتى جاعداي جاساپ, تەز گول سوقتى. 8 مينۋتتا جەروم بواتەنگ العاشقى گولدىڭ اۆتورى اتاندى. سودان كەيىن دوپتى ۇستاپ, سلوۆاكتارعا وزدەرىنە كەلۋگە مۇمكىندىك بەردى. بۇل ماتچتا سولتۇستىك يرلانديامەن ويىندا دوپ سوققان ماريو گومەس نەگىزگى قۇرامدا شىعىپ, تاعى دا ءبىر دوپتى قارسىلاستار قاقپاسىنا توعىتتى. ول 43 مينۋتتا تابلوداعى ەسەپتى وزگەرتتى.
ەكىنشى تايمدا سلوۆاكيانىڭ ايىپ دوپ الاڭىندا جالعىز ءوزى قالعان يۋليان دراكسلەر بۇرىشتامادان اۋەلەتىپ بەرىلگەن دوپتى پايدالانىپ, ءۇشىنشى گولدى سوقتى. وسى گول قالىڭ ۇيقىعا كەتىپ بارا جاتقان سلوۆاكيانىڭ قورعاۋشىلارىن وياتتى. بىراق, ولارعا تابلوداعى ەسەپ 3:0-ءدى كورسەتىپ تۇرعاندا 25 مينۋتتا ەسەپتى تەڭەستىرۋ مۇمكىن بولمادى. وسىدان كەيىن گەرمانيانىڭ باس جاتتىقتىرۋشىسى يواحيم لەۆ كوماندانىڭ ارداگەرلەرى لۋكاس پودولسكي مەن باستيان شۆاينشتايمگەردى الاڭعا شىعاردى. ولار سامي حەديرا, مەسۋت وزيل, توماس ميۋللەر, توني كروسستىڭ ويىندارىنا تەز ىلەسىپ, ويىندى قىزدىردى. كەزدەسۋدىڭ سوڭعى مينۋتتارىندا «نەمىس ماشيناسىنىڭ» ءتورتىنشى گولدى سوعۋعا مۇمكىندىگى بولعان. الايدا, بارعا قاناعات قىلاتىن گەرمانيا سلوۆاكياعا بولا كوپ كۇش جۇمساماي ءۇش گولمەن شەكتەلدى. ماتچ سوڭىندا يواحيم لەۆ: «ويىن جاقسى بولدى. ەڭ باستىسى شيرەك فينالدىڭ جولداماسى قالتادا. ودان ارتىق تاعى نە كەرەك؟» دەدى. سوعان قاراعاندا, «نەمىس ماشيناسىنىڭ» سلوۆاكيانى اسا قينالماي ۇتاتىنىن ءوزى دە بىلگەن بولۋ كەرەك. بۇل كەزدەسۋدە سلوۆاكيا قارسىلاستارىنان بارلىق جاعىنان ۇتىلدى. گەرمانيا دوپتى ۇستاۋ, الاڭدى يەلىك ەتۋ, قاقپاعا دوپتى ءدال باعىتتاۋ, ءدال پاس بەرۋ بويىنشا باسىمدىق تانىتتى.
ەندى يواحيم لەۆتىڭ كومانداسى يتاليا مەن يسپانيا ويىنىندا جەڭگەن قۇرامامەن كەزدەسەدى. بۇل كەزدەسۋ بۇگىن كەشكى ساعات 22.00-دە وتەدى. ال شيرەك فينالدىق ماتچ 2 شىلدە كۇنى بوردو قالاسىندا بولادى.
گەرمانيا – سلوۆاكيا – 3:0 (2:0)
گولدار: بواتەنگ 8’ – 1:0, گومەس 43’ – 2:0, دراكسلەر 63’ – 3:0
گەرمانيا: نويەر, كيمميح, بواتەنگ (پودولسكي 72’), حۋممەلس, حەكتور, حەديرا (شۆاينشتايگەر 76’), كرووس, وزيل, دراكسلەر (حيوۆەدەس 72’), ميۋللەر, گومەس.
سلوۆاكيا: كوزاچيك, پەكاريك, شكرتەل, ديۋريتسا, دومبەر, گروشوۆسكي, شكرينيار, گامشيك, كۋتسكا, ۆايسس (گرەگۋش 46’), ديۋريش (شەستاك 64’).
ەسكەرتۋ: كيمميح 46’, حۋممەلس 67’ — شكرتەل 13’
تورەشى: مارتسينياك شيمون.
26 ماۋسىم. «پەر مورۋا» ستاديونى (ليلل).
داستان كەنجالين.
فوتو: life.ru[/caption]
فۋتبولدان فرانتسيادا ءوتىپ جاتقان ەۋروپا چەمپيوناتىنىڭ فينالدىڭ 8/1 بولىگىندە گەرمانيا قۇراماسى سلوۆاكيا كومانداسىن 3:0 ەسەبىمەن ۇتتى.
كەزدەسۋدە گەرمانيا 8 مينۋتتا ەكى رەت قاۋىپتى جاعداي جاساپ, تەز گول سوقتى. 8 مينۋتتا جەروم بواتەنگ العاشقى گولدىڭ اۆتورى اتاندى. سودان كەيىن دوپتى ۇستاپ, سلوۆاكتارعا وزدەرىنە كەلۋگە مۇمكىندىك بەردى. بۇل ماتچتا سولتۇستىك يرلانديامەن ويىندا دوپ سوققان ماريو گومەس نەگىزگى قۇرامدا شىعىپ, تاعى دا ءبىر دوپتى قارسىلاستار قاقپاسىنا توعىتتى. ول 43 مينۋتتا تابلوداعى ەسەپتى وزگەرتتى.
ەكىنشى تايمدا سلوۆاكيانىڭ ايىپ دوپ الاڭىندا جالعىز ءوزى قالعان يۋليان دراكسلەر بۇرىشتامادان اۋەلەتىپ بەرىلگەن دوپتى پايدالانىپ, ءۇشىنشى گولدى سوقتى. وسى گول قالىڭ ۇيقىعا كەتىپ بارا جاتقان سلوۆاكيانىڭ قورعاۋشىلارىن وياتتى. بىراق, ولارعا تابلوداعى ەسەپ 3:0-ءدى كورسەتىپ تۇرعاندا 25 مينۋتتا ەسەپتى تەڭەستىرۋ مۇمكىن بولمادى. وسىدان كەيىن گەرمانيانىڭ باس جاتتىقتىرۋشىسى يواحيم لەۆ كوماندانىڭ ارداگەرلەرى لۋكاس پودولسكي مەن باستيان شۆاينشتايمگەردى الاڭعا شىعاردى. ولار سامي حەديرا, مەسۋت وزيل, توماس ميۋللەر, توني كروسستىڭ ويىندارىنا تەز ىلەسىپ, ويىندى قىزدىردى. كەزدەسۋدىڭ سوڭعى مينۋتتارىندا «نەمىس ماشيناسىنىڭ» ءتورتىنشى گولدى سوعۋعا مۇمكىندىگى بولعان. الايدا, بارعا قاناعات قىلاتىن گەرمانيا سلوۆاكياعا بولا كوپ كۇش جۇمساماي ءۇش گولمەن شەكتەلدى. ماتچ سوڭىندا يواحيم لەۆ: «ويىن جاقسى بولدى. ەڭ باستىسى شيرەك فينالدىڭ جولداماسى قالتادا. ودان ارتىق تاعى نە كەرەك؟» دەدى. سوعان قاراعاندا, «نەمىس ماشيناسىنىڭ» سلوۆاكيانى اسا قينالماي ۇتاتىنىن ءوزى دە بىلگەن بولۋ كەرەك. بۇل كەزدەسۋدە سلوۆاكيا قارسىلاستارىنان بارلىق جاعىنان ۇتىلدى. گەرمانيا دوپتى ۇستاۋ, الاڭدى يەلىك ەتۋ, قاقپاعا دوپتى ءدال باعىتتاۋ, ءدال پاس بەرۋ بويىنشا باسىمدىق تانىتتى.
ەندى يواحيم لەۆتىڭ كومانداسى يتاليا مەن يسپانيا ويىنىندا جەڭگەن قۇرامامەن كەزدەسەدى. بۇل كەزدەسۋ بۇگىن كەشكى ساعات 22.00-دە وتەدى. ال شيرەك فينالدىق ماتچ 2 شىلدە كۇنى بوردو قالاسىندا بولادى.
گەرمانيا – سلوۆاكيا – 3:0 (2:0)
گولدار: بواتەنگ 8’ – 1:0, گومەس 43’ – 2:0, دراكسلەر 63’ – 3:0
گەرمانيا: نويەر, كيمميح, بواتەنگ (پودولسكي 72’), حۋممەلس, حەكتور, حەديرا (شۆاينشتايگەر 76’), كرووس, وزيل, دراكسلەر (حيوۆەدەس 72’), ميۋللەر, گومەس.
سلوۆاكيا: كوزاچيك, پەكاريك, شكرتەل, ديۋريتسا, دومبەر, گروشوۆسكي, شكرينيار, گامشيك, كۋتسكا, ۆايسس (گرەگۋش 46’), ديۋريش (شەستاك 64’).
ەسكەرتۋ: كيمميح 46’, حۋممەلس 67’ — شكرتەل 13’
تورەشى: مارتسينياك شيمون.
26 ماۋسىم. «پەر مورۋا» ستاديونى (ليلل).
داستان كەنجالين.
