الماتى وبلىسىندا جوعالعان مەدبيكە ىزدەستىرىلىپ جاتىر

الماتى وبلىسىنا قاراستى قاراساي اۋداندىق ىشكى ىستەر ءبولىمىنىڭ قىزمەتكەرلەرى جۇمباق جاعدايدا جوعالىپ كەتكەن مەدبيكەنى ىزدەستىرىپ جاتىر. 7sunews.kz تەلەارناسىنىڭ حابارلاۋىنشا, اۋداندىق اۋرۋحانادا مەدبيكە بولىپ جۇمىس جاسايتىن ايەل كورپوراتيۆتى كەشتەن كەيىن ۇيىنە قايتىپ ورالماعان. «سودان بەرى ارادا ءبىر اپتا ۋاقىت ءوتتى. ارىپتەستەرى جاعدايدى تۇسىندىرگىلەرى كەلمەيدى. ال جوعالعان ايەلدى تەك بالالارى عانا ىزدەپ ءجۇر», - دەپ حابارلادى «31 ارنا». باقىتجان ەسەناليەۆ ءبىر اپتادان بەرى اناسىن ىزدەپ جۇرگەن كورىنەدى. ول سودان بەرى قاسكەلەڭ وزەنى ارناسىن تۇگەل ءسسۇزىپ شىققاان. جۇرت سوڭعى رەت گۇلنار ەسەناليەۆانى وسى جەردەن كورىپتى. ول 18 ماۋسىم كۇنى كورپوراتيۆكە كەتكەننەن قايتىپ ۇيىنە ورالماعان. «كەشە ونىڭ ءبىر ءتۋفليىن تاۋىپ الدىق. بىراق دەنەسى تابىلار ەمەس. ۇيدەگى كىشكەنتاي ءىنىم شىن مانىندە نە بولعانىن بىلمەيدى. ءبىز وعان مامامنىڭ ءبىر جاققا كەتىپ قالعانىن ايتتىق تا قويدىق. بىراق ول ءبارىن سەزەدى دەپ ويلايمىن», - دەيدى جوعالعان ايەلدىڭ ۇلكەن ۇلى باقىتجان. تۋعان-تۋىستارى گۇلنار سۋعا قۇلاپ كەتكەن بولۋى مۇمكىن دەگەندى ايتادى. مىنا سۋرەت مەدبيكە جوعالىپ كەتەتىن كۇنى ءتۇسىرىلىپتى. قاراساي اۋداندىق اۋرۋحاناسىنىڭ قىزمەتشىسىن ارىپتەستەرى سۋرەتكە باسىپ الىپتى. الايدا, سولاردىڭ بىردە-ءبىرى قازىر سول كۇنى نە بولعانىن ايتقىلارى كەلمەي وتىرعانعا ۇقسايدى. قازىر ايەلدى ىزدەستىرۋمەن پوليتسەيلەر جانە ەرىكتىلەر اينالىسا باستاپتى. نەگىزگى بولجام گۇلنار سۋعا باتىپ كەتۋى مۇمكىن دەگەنگە سايادى. «ءبىز قازىر بارلىق بولجامدار بويىنشا جۇمىس جاساپ جاتىرمىز. جوعالعان ايەلدى ىزدەستىرۋگە شىن مانىندە بولىمشە مەن توتەنشە جاعدايلاردىڭ بارلىق قىزمەتكەرلەرىن قوستىق. جاقىن ارادا ناتيجەسى بەلگىلى بولىپ قالادى دەپ ويلايمىن», - دەدى وبلىستىق ىشكى ىستەر دەپارتامەنتىندەگىلەر. گۇلنار ەسەناليەۆا ءبىر ءوزى ەكى بالا تاربيەلەپ وتىرعان. ونىڭ ۇلكەن ۇلى باقىتجان قازىر 22-دە, ال كىشىسى 11-دە. بالالارعا ءازىر تۋىستارى قاراسىپ جاتىر. نۇربول الدىباەۆ.