جاس تالاپتى جالاقىمەن ىنتالاندىرسا...

جاستار گازەتى بولعاندىقتان شىعار, ءبىزدىڭ رەداكتسياعا ءون­دىرىستىك ءىس-تاجىريبەدەن وتۋگە كەلەتىن ستۋدەنتتەر قاتارى وتە كوپ. ءتىپتى, قايبىر جىلى سوناۋ استانادان ءبىر ستۋدەنت قىز ارنايى كەلىپ, قازاق ءتىلىن تەرەڭىرەك ءبىلۋ ماقساتىندا ەكى ايداي جۇمىس ىستەپ كەتتى. قازىر دە رەداكتسيامىزعا وننان استام ستۋدەنتتەر كۇندەلىكتى كەلىپ, تاجىريبە جيناقتاۋدا. نە­گىزىنەن م.ح. دۋلاتي اتىنداعى تاراز مەملەكەتتىك ۋني­ۆەر­سي­تەتىنىڭ ستۋدەنتتەرى جانە ل.ن.گۋ­ميلەۆ اتىنداعى ەۋرازيا ۇلتتىق ۋنيۆەرسيتەتىنەن كەلگەن ءبىر ستۋدەنت بار. ولار وسى ماۋسىم ايى­نىڭ اياعىنا دەيىن جۇمىس ىستەيدى. ارالارىندا وتە بەلسەندى, مامان­دىعىن جان-تانىمەن سۇيەتىن, بو­لاشاعىنان ءۇمىت كۇتتىرەتىن جاس­تار بار. جالپى, بۇل ءۇردىس بولاشاقتا جۋرناليست بولسام دەگەن جاستار ءۇشىن وتە پايدالى. شىنىن ايتۋ كەرەك, تاجىريبەدەن وتۋگە كەلگەن ستۋدەنتتەر اراسىندا رەداكتسيا مەن باسپاحانانى ايىرا المايتىن, گازەتتىڭ دايىندالۋ, باسىلۋ ۇدەرىسىن مۇلدەم بىلمەيتىندەرى دە بارشىلىق. ءوزىمنىڭ جەكە پىكىرىم, جۋرناليستيكا ماماندىعىن وقىتاتىن وقۋ ورىندارى ءوز ستۋدەنتتەرىن العاشقى كۋرستاردا مىندەتتى تۇردە گازەتتە ءىس-تاجىريبەدەن ءوتۋدى مىندەتتەۋ كەرەك سياقتى. بۇل تەلەارنا ۇجىمى جاس جۋرناليستەرگە باعىت-باعدار بەرە المايدى دەگەن ءسوز ەمەس. تەلەارنانىڭ دا ستۋدەنتتەردىڭ بىلىكتىلىگىن ارتتىرۋداعى ءرولى وتە زور. بىراق, ەندى قالىپتاسىپ كە­­لە جاتقان جاس ءتىلشى اقپارات دايىنداۋدا وپەراتور, مونتاجەر, رەجيسسەرگە تاۋەلدى بولماي, دەربەس جۇمىس ىستەپ, ءوز ويىن, ءوز پىكىرىن تياناقتاپ, دامىتۋدى ۇيرەنۋى قاجەت. جاسىراتىنى جوق, قازىر بار­­­­لىق اقپارات قۇرالدارىن­^­دا وندىرىستىك ءىس-تاجىريبەدەن وتۋگە كەلگەن جاستارعا ەشقانداي جال­اقى تولەنبەيدى. ءتىپتى, قالاماقى تولەي­تىندەرى دە نەكەن-ساياق. بۇل ەندى وتە قيىن ماسەلە. قازىر جۋرناليست ماماندىعىن دايارلايتىن وقۋ ورىندارى كوپ. جالاقى تولەيمىن دەسەڭىز, سولاردىڭ بار­لىعى ءوز ستۋدەنتتەرىن ارنايى جولدامامەن قاپتاتايىن دەپ وتىرعانى انىق. ارينە, جالاقى تولەۋ ستۋدەنتتەردىڭ قىزىعۋشىلىعىن ارتتىراتىنى ءسوزسىز. ەكى اي ىشىندە ولار كادىمگى شتاتتاعى قىزمەتكەر سياقتى ەڭ­بەك ەتىپ, وسى سالادا كۇن كورىپ كەتە الاتىنىنا سەنىمدەرى بەكي تۇسەر ەدى. بالكىم, مەملەكەتتىك تاپسىرىسپەن بە, الدە بيۋدجەت ارقىلى ءبولۋ كەرەك پە, ايتەۋىر, جىل سايىن ءار رەداكتسيادا ەڭ بولماعاندا 4-5 ستۋدەنتتىڭ ءتاجى­ريبەدەن وتۋىنە قارجى قاراس­تىرۋ كەرەك سياقتى. مۇمكىن, بۇل قارجىنى سول وقۋ ورىندارىنا ءبولۋ قاجەت شىعار. سوندا سول ليميتكە ىلىگۋ ءۇشىن ستۋدەنتتەردىڭ ءوز ماماندىقتارىنا دەگەن قۇل­شىنىستارى ارتا تۇسەر ەدى. ءاري­نە, وقۋ ورنىنىڭ باسشى­لىعى ول قارجىنى جۋرناليستيكا سالاسىندا تالاپتانىپ جۇرگەن ەڭ ۇزدىك ستۋدەنتتەرگە بەرۋى ءتيىس. داۋلەت تولەندى, جامبىل وبلىستىق «اراي» جاستار گازەتى باس رەداك­تورى­نىڭ ورىنباسارى جامبىل وبلىسى