قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №36

  2016 جىلعى 20 قاڭتار, استانا قالاسى مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ قاعيدالارىن بەكىتۋ تۋرالى «بۇقارالىق اقپارات قۇرالدارى تۋرالى» 1999 جىلعى 23 شىلدەدەگى قازاقستان رەسپۋبليكاسى زاڭىنىڭ 4-3-بابىنىڭ 13-3) تارماقشاسىنا سايكەس, بۇيىرامىن: 1. قوسا بەرىلىپ وتىرعان مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتى (ت.ب. قaزaنعaپ): 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن باسپا جانە ەلەكتروندى تۇردە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1) جانە 2) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىنا باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا. يسەكەشەۆ قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ بۇيرىعىمەن بەكىتىلگەن 2016 جىلعى 20 قاڭتارداعى №36 مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ قاعيدالارى 1. جالپى ەرەجە 1. وسى مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ قاعيدالارى (بۇدان ءارى - قاعيدالار) «بۇقارالىق اقپارات قۇرالدارى تۋرالى»1999 جىلعى 23 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 4-3-بابىنىڭ 13-3) تارماقشاسىنا سايكەس ازىرلەندى جانە مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ ءتارتىبىن انىقتايدى. 2. وسى قاعيدالاردا مىناداي ۇعىمدار قولدانىلادى: 1) بۇقارالىق اقپارات قۇرالدارى (بۇدان ءارى - باق) - مەرزiمدi ءباسپاسوز باسىلىمى, تەلە-, راديوارنا, كينوقۇجاتتاما, دىبىس-بەينە جازباسى جانە ينتەرنەت-رەسۋرستاردى قوسا العاندا, بۇقارالىق اقپاراتتى مەرزiمدi نەمەسە ۇزدiكسiز بۇقارالىق تاراتۋدىڭ باسقا دا نىسانى; 2) بۇقارالىق اقپارات قۇرالىنىڭ ءونىمى – مەرزiمدi ءباسپاسوز باسىلىمىنىڭ جەكە ءنومiرiنiڭ نەمەسە دىبىس-بەينە باعدارلاماسىنىڭ تارالىمى نەمەسە تارالىمىنىڭ بiر بولiگi, راديو-, تەلە-, كينوحرونيكالىق باعدارلامالاردىڭ جەكە شىعارىلىمى, ينتەرنەت-رەسۋرستا ورنالاستىرىلعان اقپارات; 3) بۇقارالىق اقپارات قۇرالى ءونىمىن تاراتۋ - مەرزiمدi ءباسپاسوز باسىلىمدارىن ساتۋ (جازىلۋ, جەتكiزۋ, ۇلەستiرۋ), راديو-, تەلەباعدارلامالاردى ەفيرگە شىعارۋ, كينوحرونيكالىق باعدارلامالاردى كورسەتۋ جانە ينتەرنەت-رەسۋرستاردا اقپاراتتى ورنالاستىرۋ; 4) مەرزىمدى ءباسپاسوز باسىلىمدارىنىڭ مەنشىك يەسى – مەرزىمدى ءباسپاسوز باسىلىمدارىن يەلەنۋ, پايدالانۋ جانە باسقارۋ قۇقىعىن جۇزەگە اسىراتىن جەكە نەمەسە زاڭدى تۇلعا, نە جەكە جانە (نەمەسە) زاڭدى تۇلعالاردىڭ بىرلەستىگى; 5) بۇقارالىق اقپارات قۇرالدارى سالاسىنداعى ۋاكىلەتتى ورگان (بۇدان ءارi - ۋاكiلەتتi ورگان) - بۇقارالىق اقپارات قۇرالدارى سالاسىندا مەملەكەتتiك رەتتەۋدi جۇزەگە اسىراتىن مەملەكەتتiك ورگان; 6) مەرزiمدi ءباسپاسوز باسىلىمى – تۇراقتى اتاۋى, اعىمداعى ءنومiرi بار جانە كەمiندە ءۇش ايدا بiر رەت شىعارىلاتىن گازەت, جۋرنال, الماناح, بيۋللەتەن, ولاردىڭ قوسىمشاسى; 7) وپەراتور – ۋاكىلەتتى ورگاننىڭ مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن تولتىقتىرۋعا جانە سۇيەمەلدەۋگە جاۋاپتى قىزمەتكەرى. 3. مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز جانە ەلەكتروندىق ارحيۆتەرىن قالىپتاستىرۋ بۇدان ءارى بۇقارالىق اقپارات قۇرالدارىنىڭ قازاقستان رەسپۋبليكاسىنىڭ زاڭنامالارىن ساقتاۋ مانىنە ولاردىڭ مونيتورينگ جۇرگىزۋى ماقساتىندا جۇزەگە اسىرىلادى. 4. مەرزىمدى ءباسپاسوز باسىلىمدارىنىڭ مەنشىك يەسىمەن مiندەتتi تەگiن دانالارىن بەرۋ مەرزىمىن بۇزۋ «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 454-بابىندا كوزدەلگەن اكىمشىلىك جاۋاپكەرشىلىككە اكەپ سوعادى. 2. مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز ءارحيۆىن قالىپتاستىرۋ ءتارتىبى 5. مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز ءارحيۆىن قالىپتاستىرۋ ءتارتىبى قاعاز ءارحيۆى ۋاكىلەتتى ورگاننىڭ مەكەنجايىنا جىبەرىلگەن مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ نەگىزىندە قالىپتاستىرىلادى. 6. مەرزىمدى ءباسپاسوز باسىلىمدارىنىڭ مىندەتتى تەگىن دانالارى مەرزىمدى ءباسپاسوز باسىلىمدارىنىڭ مەنشىك يەسى ۋاكىلەتتى ورگاننىڭ زاڭدى مەكەنجايىنا پوشتالىق بايلانىس ارقىلى جىبەرىلەدى. 7. دانا ۋاكىلەتتى ورگانعا تۇسكەن كەزدە وپەراتور مەرزىمدى ءباسپاسوز باسىلىمى ءونىمىنىڭ جىبەرۋ كۇنىن جانە تاراتۋىن باستاۋ كۇنىن سالىستىرادى. 8. سالىستىرعاننان كەيىن وپەراتور مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ قاعاز نۇسقاسىن تسيفرلەۋدەن وتكىزەدى جانە ونىڭ نىسانىن مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ ەلەكتروندىق ارحيۆىنە ەنگىزەدى. 3. مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ ەلەكتروندىق ءارحيۆىن قالىپتاستىرۋ ءتارتىبى 9. ەلەكتروندىق ارحيۆ ۋاكىلەتتى ورگاننىڭ archive@mid.gov.kz ەلەكتروندىق پوشتاسىنىڭ مەكەنجايىنا جىبەرىلەتىن باس رەداكتوردىڭ (رەداكتوردىڭ) ەلەكتروندىق تسيفرلىق قولىمەن كۋالاندىرىلعان جانە وپەراتور دانالاردىڭ قاعاز نۇسقالارىن تسيفرلاعان مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ ەلەكتروندىق-تسيفرلىق نىساندارى نەگىزىندە قالىپتاستىرىلادى. 10. مەرزىمدى ءباسپاسوز باسىلىمدارىنىڭ مىندەتتى تەگىن دانالارىنىڭ ەلەكتروندىق-تسيفرلىق نىسانى ۋاكىلەتتى ورگاننىڭ وعان ارنالعان archive-press@mid.gov.kz ەلەكتروندىق پوشتالىق مەكەنجايىنا جىبەرىلەدى. 11. مەرزىمدى ءباسپاسوز باسىلىمدارىنىڭ مىندەتتى تەگىن داناسى ۋاكىلەتتى ورگانعا تۇسكەن كەزدە وپەراتور مەرزىمدى ءباسپاسوز باسىلىمى ءونىمىنىڭ جىبەرۋ كۇنىن جانە ونى تاراتۋدى باستاۋ كۇنىن سالىستىرۋدى جۇزەگە اسىرادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 18 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13126 بولىپ ەنگىزىلدى.