وڭتۇستىكتە «التىن بەلگى» يەگەرلەرى ماراپاتتالدى

[caption id="attachment_48305" align="aligncenter" width="700"] فوتو: ontustik.gov.kz[/caption] وڭتۇستىك قازاقستان وبلىسىنىڭ اكىمى بەيبىت اتامقۇلوۆ 2015-2016 وقۋ جىلىنداعى ەرەكشە ۇلگىدەگى «التىن بەلگى» يەگەرلەرىن ماراپاتتادى. وبلىس اكىمى وبلىستاعى مەكتەپ-ينتەرناتتاردى تامامداعان 116 تۇلەككە «التىن بەلگى» بەلگىسىن تاپسىرىپ, ۇبت-دا 125 بالل جيناعان 6 وقۋشىعا قارجىلاي سەرتيفيكات تابىس ەتتى. «بۇل قۋانىش – 11 جىلعى ۇزدىكسىز ەڭبەكتىڭ جەڭىسى. تاجىريبەلى ۇستازداردىڭ ەڭبەگى جانە اتا-انالاردىڭ اق تىلەگى. سىزدەردىڭ بيىلعى جەڭىستەرىڭىز تاۋەلسىزدىكتىڭ 25 جىلدىعىنا تۇسپا-تۇس كەلىپ وتىر. سول تاۋەلسىزدىگىمىزدىڭ تىرەگى, ەگەمەن ەلدىڭ ەرتەڭى رەتىندە سىزدەرگە بولاشاقتا ماڭگىلىك ەلدىڭ ءبىر كىرپىشى بولىپ قالانۋلارىڭىزعا شىن جۇرەكتەن تىلەكتەسپىن», دەدى بەيبىت باكىر ۇلى. ءسوز رەتى كەلگەندە ايتا كەتەيىك, رەسپۋبليكا بويىنشا 2534 «التىن بەلگى» يەگەرى بولسا, سونىڭ 581-ءى وقو تۇلەگى. ياعني, ەلىمىزدەن شىققان ءاربىر 4-ءشى «التىن بەلگى» ەگەسى ءبىزدىڭ وبلىسقا تيەسىلى بولىپ وتىر. سونىمەن بىرگە, ۇبت كەزىندە رەسپۋبليكادا 125 بالل جيناعان 19 تۇلەكتىڭ 6-ۋى, ياعني, ءاربىر ءۇشىنشىسى - وڭتۇستىكتەن. ەرەكشە ەسكەرەتىن جايت, بيىل ۇلتتىق بىرىڭعاي تەستىلەۋ كەزىندە ماقتارال اۋدانىنداعى ب.مومىش ۇلى مەكتەپ-گيمنازياسىنىڭ «التىن بەلگى» بەلگىسىنە ۇمىتكەر 57 وقۋشىنىڭ 40-ى نەمەسە 70,1% ءوز ءبىلىمىن راستاپ, وبلىستا جوعارى كورسەتكىشكە جەتىپ وتىر. باقتيار تايجان وڭتۇستىك قازاقستان وبلىسى