اگرارلىق ءبىلىمدى جاڭعىرتۋ ارنالارى

الماتىداعى قازاق ۇلتتىق اگرارلىق ۋنيۆەرسيتەتىندە قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆانىڭ قاتىسۋىمەن تمد-نىڭ جەتەكشى اگرارلىق جوعارى وقۋ ورىندارى رەكتورلارى كەڭەسىنىڭ قورىتىندى وتىرىسى ءوتتى. كەڭەس جۇمىسىنا تاۋەلسىز مەم­لەكەتتەر دوستاستىعى ايما­عى­نىڭ 10 ەلىنەن كەلگەن 30-دان اسا جوعارى وقۋ ورىندارىنىڭ رەكتورلارى, قا­زاقستان رەسپۋبليكاسى اۋىل شا­رۋاشىلىعى مينيسترلىگىنىڭ جانە «ۇلتتىق اگرارلىق عىلىمي-ءبىلىم بەرۋ ورتالىعى» كوممەرتسيالىق ەمەس اكتسيونەرلىك قوعامىنىڭ وكىلدەرى, قازاقستاننىڭ جەتەك­شى اگرارلىق جوعارى وقۋ ورىن­دارىنىڭ رەكتورلارى, عىلىمي-زەرت­تەۋ ينستيتۋتتارىنىڭ دي­رەكتور­لارى, ەكسپەريمەنتالدىق-ءتاجىري­بەلىك شارۋاشىلىقتاردىڭ جانە اۋىل­شارۋاشىلىق ونىمدەرىن ءوندىرۋ­مەن اينالىساتىن كاسىپكەر­لەر قاتىستى. كەلەلى كەڭەس «اگرارلىق ءبىلىم­نىڭ تمد كەڭىستىگىندە جاڭعىرۋى» تاقىرىبىندا ءوتتى. اتاپ ايتقاندا, جاڭا اگرارلىق ماماندىقتاردى اشۋ جانە بىرلەسكەن ءبىلىم بەرۋ باعدارلامالارىن ازىرلەۋ بويىنشا جۇمىستاردى ۇيىمداستىرۋ, اگروونەركاسىپتىك كەشەندە جاڭا تەحنولوگيالاردى ازىرلەۋ جانە تاراتۋدىڭ زاماناۋي, ءتيىمدى جانە باسەكەگە قابىلەتتى جۇيەسىن قۇرۋ, الەمدىك ءبىلىم بەرۋ كەڭىستىگىنە ينتەگراتسيالانۋ سەكىلدى بۇگىنگى تاڭدا اسا ماڭىزدى ماسەلەلەر  تالقىلاندى. مەملەكەتتىك حاتشى ءوزىنىڭ كى­رىسپە سوزىندە ەلباسى نۇرسۇل­تان نازارباەۆتىڭ «قازاق­ستان-2050» ستراتەگياسى: قالىپ­تاس­­قان مەملەكەتتىڭ جاڭا ساياسي باعىتى» اتتى جولداۋىندا ءححى عاسىردىڭ جاھاندىق 10 سىن-قاتەرى قاتارىنا جاھاندىق ازىق-ت ۇلىك قاۋىپسىزدىگىنە تونەتىن قاتەر جاتاتىندىعىن ايتقاندىعىن جەت­كىزدى. سوندىقتان, ۇلتتىق قاۋىپ­­سىزدىكتىڭ قۇرامداس بولىگى رەتىن­دە ازىق-ت ۇلىك قاۋىپسىزدىگىن قام­تا­ماسىز ەتۋ قازاقستاننىڭ ءتاۋ­ەل­سىز مەملەكەت رەتىندە دامۋى­نىڭ باستى شارتى بولىپ تابىلادى. تمد ەلدەرىنىڭ اگرو­ونەر­كاسىپتىك كەشەنىنىڭ يننوۆاتسيا­لىق دامۋىندا عىلىمي ازىرلە­مەلەر مەن زەرتتەۋلەرگە ۇلكەن ءمان بەرىلەدى. بۇل جەردە 2003 جىلى قۇرىلعان تمد اگرارلىق جوعارى وقۋ ورىندارى رەكتورلارى كەڭەسىنىڭ ماڭىزى زور. اتالعان كەڭەس كادرلاردىڭ كاسىبي بىلىكتىلىگىن ارتتىرۋ جانە ولاردى قايتا دايىنداۋ, تمد-نىڭ جەتەكشى اگرارلىق جوعارى وقۋ ورىندارى وقۋ-ادىستەمەلىك بىرلەستىكتەرىنىڭ ءوزارا قارىم-قاتىناسىن جانە باسقا دا حالىقارالىق ۇيىمدارمەن بايلانىس ورناتۋ ارقىلى جو­عارى وقۋ ورىندارىنىڭ ءوزارا ىنتى­ماق­تاستىعىن ۇيىمداستىرۋ اۋما­عىنداعى جۇمىستاردى رەتتەيدى. اگرارلىق جوعارى وقۋ ورىندارىنىڭ باسشىلارى جوعارى وقۋ ورنىن ۇلتتىق زەرتتەۋ ۋنيۆەرسيتەتىنە ترانسفورماتسيالاۋ, اگرارلىق ونەركاسىپ سالاسىندا عىلىم, ءبىلىم جانە ءوندىرىس ينتەگراتسياسى مەحانيزمدەرىن دامىتۋ, مەملەكەتتىك-جەكەمەنشىك ارىپتەستىگىن دامىتۋ جانە تاعى دا باسقا ماڭىزدى ماسەلەلەر تۇر­عى­سىندا تاجىريبەلەرىمەن الماستى. گ.ابدىقالىقوۆا كەڭەس بارىسىندا اۋىل شارۋاشىلىعىنداعى جاڭا تەحنولوگيالاردى دامىتۋ مەن الماستىرۋ ءۇشىن نىسانالى ىزدەنىسپەن اينالىساتىن ۋنيۆەرسيتەت جانىنان قۇرىلعان اگروتەحنيكالىق حابتى باسقارۋدىڭ ۇيىمداستىرۋشىلىق قۇرىلىمىمەن تانىستى. اۋىل شارۋاشىلىعى عىلىمىنىڭ تەورياسى مەن تاجىريبەسى اراسىنداعى بايلانىستىرۋشى بۋىن رەتىندە تانىلعان مۇنداي حابتار بۇگىنگى تاڭدا اقش, ارگەنتينا, برازيليا, يزرايل جانە اۆستراليا ەلدەرىندە تابىستى جۇمىس ىستەپ تۇر. سونىمەن قاتار, مەملەكەتتىك حاتشى ۇشقىشسىز ۇشاتىن اپپاراتتار – دروندارمەن اۋىل شارۋاشىلىعى القاپتارىن الدىن الا تەكسەرۋمەن اينالىساتىن تۇراقتى ەگىن شارۋاشىلىعى ورتالىعىنىڭ اشىلۋ سالتاناتىنا قاتىستى. قانات ەسكەندىر, «ەگەمەن قازاقستان» الماتى