«قازاقستان بارىسى-2016». ءتۋرنيردىڭ جۇلدە قورى – 42 ملن. تەڭگە

بۇگىن استانادا  «قازاقستان بارىسى» تۋرنيرىنە ارنالعان جيىندا «قازاقستان بارىسى» قازاق كۇرەسىن دامىتۋ قورى قامقورشىلار كەڭەسىنىڭ توراعاسى ارمان شوراەۆ اتالعان جارىستىڭ جۇلدە قورىنىڭ 42 ملن. تەڭگە بولاتىنىن, ال ءتۋرنيردىڭ جەڭىمپازىنا 25 ملن. تەڭگە, جەڭىل اۆتوكولىك پەن استانادان پاتەر بەرىلەتىنىن ايتتى. «سوڭعى كەزدەرى وزدەرىڭىز بىلەتىندەي, قارجىلىق داعدارىس بۇكىل الەمدە بولىپ جاتىر. ەلىمىزدىڭ ەكونوميكالىق جاعدايى دا جارىستاردى كوپتەپ وتكىزىپ, جۇلدە قورىن كوبەيتۋگە قول بايلاۋ بولىپ تۇر. سوعان قاراماستان بيىلعى ءتۋرنيردى لايىقتى وتكىزۋ ءۇشىن بار كۇشىمىزدى سالىپ, سامۇرىق-قازىنا» ءال-اۋقات قورىنىڭ ارقاسىندا جۇلدە قورىن 42 ملن. تەڭگەگە جەتكىزىپ وتىرمىز. ونىمەن قوسا ءتۋرنيردىڭ جەڭىمپازىنا اقشالاي سىيلىق, اۆتوكولىكپەن بىرگە استانادان پاتەر بەرىلەدى», دەدى ول. «قازاقستان بارىسى-2016» ءتۋرنيرىنىڭ فينالى 3 شىلدە كۇنى «سارىارقا» ۆەلوترەگىندە وتەدى. كورەرمەندەر اراسىندا اۆتوكولىك ويناتىلادى. بالۋاندار جارىسىن ««KazSport»» ارناسى, تۇركيانىڭ «TRT Avaz» ارناسى مەن رەسەيدىڭ «ماتچ! بوەتس» تەلەارناسى تىكەلەي ەفيردەن كورسەتەدى. داستان كەنجالين. فوتو: اۆتور.