ەلوردالىق اجەيدىڭ اق تىلەۋى

ەلوردادان ارنايى جۇمىس ىزدەپ كەلۋشىلەر سانى كۇننەن-كۇنگە كوبەيۋدە. ولاردىڭ الاڭسىز ەڭبەك ەتىپ, وتانى ءۇشىن ادال قىزمەت جاساۋىنا قول ۇشىن بەرگەن قاريالارىمىز, بالالارى­نىڭ جانىندا قارا­شاڭىراقتىڭ وتاناسى بولىپ, جاستارعا كومەكتە­سىپ وتىراتىن اسىل انالارىمىز قانشا ما؟! وسى اسىل انالار­­دىڭ ءىشىن­دە وزىمە جاقىن جانى جاي­­ساڭ, كوڭىلى اشىق اياۋلى اجە باقىتتىلە ەسىمقىزى سەيسەن­باەۆا­نىڭ ەل­وردا تۋرالى اي­تاتىن شى­نايى پىكىرلەرى كوڭىل تولقىتا­دى. ەلى­مىزدىڭ ەرتەڭىنىڭ ەڭسەلى بولۋىن كۇنىنە مىڭ مارتە تىلەيتىن قازىنا قاريانىڭ اق نيەتىن وسى شاعىن لەبىزىنەن ايقىن كورۋگە بولادى. «استانا ەلوردامىز بول­­عا­نىنا ريزامىز. ن.نازار­باەۆتىڭ ارقاسىندا قالا­­مىز ۇلكەن شا­ھار­عا اينالدى. كۇننەن-كۇنگە ادەمى عي­ما­راتتار بوي كوتەرىپ, قا­لا­­مىز جاسىل جەلەككە ورانۋدا. ءبارى ەلباسىنىڭ ەڭبەگى. زەينەتاقىنى دەر كەزىندە الىپ وتىرامىز. ءدارى-دارمەگىمىزدى دە تەگىن بەرىپ جاتىر. وسىندا كەلگەلى 10 جىل بولدى. ۇيدەگى اقساقال قايتقان سوڭ, بالالارىم وسىندا الىپ كەلدى. قازىر بالالارىمنىڭ جانىندامىن. استانانىڭ بار­لىق مارتەبەلى جەرلەرىنە مەرەكە كۇندەرى اپارىپ تۇرادى. ريزامىن, – دەدى اياۋ­لى اجە اعى­نان جارىلىپ. – «ءوزىم ۇلى وتان سوعىسىنىڭ باستالار تۇسىنان, ءبىر جىل بۇرىن اقمولا وبلىسىنىڭ ستەپنياك اۋىلىندا تۋدىم. بالداۋرەن بالالىق شاعىمىز بولمادى دەسە دە بولادى. سۇم سوعىس قيان كەس­كى زاماننىڭ ءدامىن دە تاتقىزدى عوي. تاعدىردىڭ جازۋىمەن قىر­شىنىنان قيىلعان بالالار, باۋىرلار ءىز-ءتۇزسىز دە جوعالدى. اكەم دە سولاردىڭ قامىتىن كيدى. اكەمنىڭ بەينەسى جادىمدا جوق. ماعان باقىتتىلە دەگەن ەسىمدى اكەم ارنايى قويدىرعان ەكەن. قىرعىن سوعىستا امان-ساۋ كەلۋىمە باقىتتىلە بولادى, امان-ساۋ كەلمەسەم, وندا ءوز باقىتىن ءوزى تىلەسىن دەپ ارمانداعى قيالىن وزىمەن بىرگە الا كەتكەن ەدى», دەپ. كەيىن اكەمنىڭ ارتىنان قارا قاعاز كەلدى. انام قارا قاعاز كەلدى دەپ قاراپ وتىرمادى, بالالاردى ءوسىرۋ كەرەك, بارلىعىمىزدى بەيبىت كۇنگە امان-ەسەن جەتكىزدى. اكەم اۋليە ەكەن. بۇگىنگى ەگەمەن ەلىمىزدىڭ جۇرتىنا, جاسامپاز جاس­تارىنا باقىت تىلەيتىن انا بولسىن دەپ, اتىمدى سول كەزەڭدە-اق باقىتتىلە قويىپتى». «وسىدان 18 جىل بۇرىن­عى استانا قانداي ەدى؟ قازىر قان­داي؟ بۇل وركەنيەتتى ەلىمىز­دىڭ دارقان بولاشاعىن سوناۋ الىس­تان بولجاعان ەلباسىمىز­دىڭ قىراعىلى, ءبىلىمدارلى­عى, مىقتى ساياساتكەرلىگى دەر ەدىم. بىزگە تاۋەلسىزدىك جەمىسى, جەڭىسى وڭاي كەلگەن جوق. وسىندا تۇرىپ جاتقان ءار قازاق جەردىڭ, ەلدىڭ قادىرىن بىلەدى. بىلگەننەن كەيىن قازاقستانىمىز بەيبىت ومىردە. وسى جەمىستى ءبىز تارىداي شاشىپ الماۋىمىز كەرەك. قازاقستانىمىزدىڭ گۇلدەي جايناي بەرۋىنە ءبىز دە بار كۇشىمىز­دى سالۋىمىز كەرەك. بۇگىن­گى تول­قىن وسكەلەڭ ۇرپاققا تىلەرىم: ءبىلىمدى بولىڭدار! جىگەرلى, قاي­راتتى, نامىستى قولدان بەر­مەيتىن, الىسقا قانات قاعىپ سەر­مەيتىن قازاقستانىمىزدىڭ ماق­­تاۋلى تۇلعالارى بولىڭدار!». وسىلاي تەبىرەنىپ اق تىلەگىن ار­نا­عان انامىزدىڭ جۇزىنەن نۇر, جۇرە­گىنەن تولقىعان مەيىرىم ءىزىن كوردىم. جاستارعا ۇلاعات بولار, وسىنداي اسىل انالارىمىزدىڭ قاتارى كوپ بولسا ەكەن, لايىم!.. اق لەبىزدى جازىپ العان ەۋرازيا گۋمانيتارلىق ينستيتۋتىنىڭ ستۋدەنتى ايىم بولاتقىزى