[caption id="attachment_47310" align="alignleft" width="250"]
SPL1033808_001[/caption]
ءۇش جاسار قىزدىڭ كيىم-كەشەگى – 1 ملن. دوللار
امەريكالىق بەلگىلى مودەل كيم كارداشيان ءۇش جاسار قىزى نورتتىڭ بارلىق كيىم-كەشەگىنىڭ گاردەروبى قازىردىڭ وزىندە 1 ملن. دوللارعا بارادى.
Life & Style باسىلىمى كىشكەنتاي قىزدىڭ سونداي-اق, ءوز ءستيليسى مەن تىرناق جونىندەگى شەبەرى بار ەكەنىن, وسى ءۇشىن اناسى اپتاسىنا ولارعا 5 مىڭ دوللار اقشا تولەپ تۇراتىنىن جەتكىزدى. ايتقانداي, كيم كارداشيان التى ايعا ەندى تولعان ۇلى سەينت ءۇشىن دە ارنايى گاردەروب دايىنداپ جاتىر.
مايمىلدار دا كامەرامەن سۋرەتكە ءتۇسۋدى بىلەدى
امەريكانىڭ كاليفورنيا شتاتىنداعى مانۋەل انتونو ۇلتتىق پاركىندە اق يىقتى كاپۋتسين تەكتى مايمىلدار بىرەۋدىڭ كامەراسىن ۇرلاپ اكەتىپ, ءوز دوستارىمەن بىرگە بىرنەشە رەت سۋرەتكە تۇسكەن.
وسىندا 18 جاسار بوزبالا كوۋل ۆەبەر مايمىلداردى جاسىرىن كامەرامەن ۆيدەوعا ءتۇسىرىپ الماق بولادى. سول ماقساتتا GoPro ماركالى كامەراسىن ىسكە قوسىپ, اعاشتىڭ باسىنا قالدىرىپ كەتەدى. سول كەزدە مايمىلداردىڭ ءبىرى گادجەتتى الا قاشىپ, جانىنداعى اڭدارمەن بىرگە سۋرەتكە تۇسە باستاپتى. امەريكالىق جىگىتتىڭ تەلەفونى كامەراعا جالعانىپ قويىلعان ەكەن, سوندىقتان ول بولىپ جاتقان وقيعالاردى سمارتفوننان تىكەلەي ەفير جۇزىندە كورىپ وتىرعان.
«ۆەلوسيپەدىم پەدالى – التىننان-ءدۇر»
يتاليانىڭ La Strana Officina اتتى ديزاين-بيۋروسى ۆەلوسيپەدتىڭ Cellini Uomo ليۋكس مودەلىن جاساپ شىعاردى.
كولىك قۇرالىنىڭ ەرەكشە بولاتىن سەبەبى, ونىڭ ءرۋلىنىڭ ءبىر بولىگى مەن تيتاندى وزەگىنە جالعانعان پەدالىنىڭ بەتىنە 999 ولشەمدى التىن جالاتىلعان. قىمبات مەتالل ولارعا انودتالعان جولمەن بەرىلگەن. سونىمەن بىرگە, ءرۋلدىڭ سول جاعى مەن ەرشىگى جىلان تەرىسىنە ۇقساس ماتەريالمەن قاپتالعان. ديزايننىڭ قوسىمشا ەلەمەنتى رەتىندە دوڭعالاقتىڭ «شىرماتىلىپ قالعان» سىمدارى الىنعان. تەجەگىش دجويستيكتىڭ كومەگىمەن باسىلادى. ۆەلوسيپەدتىڭ بەرىلىس قوراپشاسى بار, ول بولات بەلدىككە ورنالاسقان.
نەسيە العىڭ كەلسە, جالاڭاش سۋرەتىڭدى تاپسىر
قىتايدا بانكتەر ستۋدەنت قىزداردىڭ جالاڭاش تۇسكەن سۋرەتتەرىن كەپىلگە قويىپ, كرەديت بەرە باستادى.
وسىدان باستاپ جوعارى وقۋ ورىندارىندا وقيتىن قىزدار بانكتەردەن كرەديت الۋ ءۇشىن سۋرەتكە نەمەسە ۆيدەوعا جالاڭاش ءتۇسىپ, ولاردىڭ فايلدارىن پاسپورتتارىمەن بىرگە QQ نەمەسە WeChat مەسسەندجەرلەرى ارقىلى كرەديتورعا جىبەرۋلەرى كەرەك. قارجىنى قايتارا الماسا فوتوگرافيالار مەن ۆيدەو نە الەۋمەتتىك جەلىدە جاريالانادى نەمەسە قىزداردىڭ اتا-انالارىنا جىبەرىلەدى.
ءۇندىستان سيىرلاردى قورعاۋ مينيسترلىگىن قۇرۋعا نيەتتى
ءۇندىستاندا ەلدىڭ ومىرىندە ەرەكشە ورىن الاتىن سيىر جانۋارىن ساقتاۋ مەن قورعاۋدى جۇزەگە اسىراتىن ارنايى مينيسترلىك قۇرىلعالى جاتىر.
بۇل جونىندەگى ۇسىنىستى بۇكىلالەمدىك يندۋيستەر كەڭەسى پرەمەر-مينيستر نارەندرا موديگە جەتكىزگەن. ەندى ونى پارلامەنتتىڭ شىلدە ايىندا وتەتىن جاڭا سەسسياسى قاراعالى وتىر. «سيىر ءبىزدىڭ ءومىرىمىزدىڭ سيمۆولى, مادەنيەتىمىزدىڭ جانى بولىپ تابىلادى. ال وعان قازىر جەتكىلىكتى كوڭىل ءبولىنىپ جاتقان جوق», – دەپ مالىمدەدى اتىن اتاماعان شەنەۋنىك. ونىڭ ايتۋىنشا, يدەيانىڭ ءمانى سيىرلاردى قىرىلىپ كەتۋدەن ساقتاپ قالۋعا ۇشتاسادى. سيىر كوبەيسە, ەلدىڭ سۇتپەن قامتاماسىز ەتىلۋ جايى دا جاقسارا تۇسەدى.
WSJ ءۇندىستاندا ءىرى قارا مالىن سويۋدىڭ كوپتەن بەرى ۇلكەن پروبلەمالىق ماسەلەگە اينالىپ كەلە جاتقانىن اتاپ وتەدى. مۇنداي ارەكەتتەر قوعامدا بىردەن قاتتى قارسىلىققا ۇشىرايدى. مىسالى, وتكەن جىلى سيىر ەتىن جەگەنى ءۇشىن مۇسىلمان كىسى جۇرتتىڭ تەپكىسى استىندا قالىپ, ازاپتالىپ ءولدى. وسىنىڭ سالدارىنان ەلدە ەكىجاقتى تەكەتىرەستەر بوي كورسەتتى.
ەرىككەندەردىڭ ءوز جارىستارى بار ەكەن
وڭتۇستىك كورەيانىڭ استاناسى – سەۋل قالاسىندا ەشتەڭە ىستەمەۋدەن Space Out جۇيەسى بويىنشا چەمپيونات بولىپ ءوتتى.
يچون حانگاگ پاركىندە ءۇشىنشى جىل ءوتىپ وتىرعان سايىسقا 70 ادام قاتىسقان. ولارعا بەلگىلەنگەن ۋاقىتتا ءموبيلدى قوندىرعىلاردى پايدالانۋعا, ءبىر-بىرىمەن سويلەسۋگە, كۇلۋگە, ۇيىقتاۋعا تىيىم سالىنعان. سۋ ءىشۋ ءۇشىن نەمەسە اجەتحاناعا بارعىلارى كەلسە, تورەشىدەن رۇقسات سۇرايتىن بولعان. ال قازىلار القاسى ءار15 مينۋت سايىن سايىسكەرلەردىڭ دەمالىسى مەن ءپۋلسىن تەكسەرىپ تۇرعان. جەڭىمپاز رەتىندە جۇرەك سوعىسى بارىنەن قالىپتى ادامدى تاڭداعان.
اقپارات اگەنتتىكتەرى ماتەريالدارى نەگىزىندە دايىندالدى
SPL1033808_001[/caption]
ءۇش جاسار قىزدىڭ كيىم-كەشەگى – 1 ملن. دوللار
امەريكالىق بەلگىلى مودەل كيم كارداشيان ءۇش جاسار قىزى نورتتىڭ بارلىق كيىم-كەشەگىنىڭ گاردەروبى قازىردىڭ وزىندە 1 ملن. دوللارعا بارادى.
Life & Style باسىلىمى كىشكەنتاي قىزدىڭ سونداي-اق, ءوز ءستيليسى مەن تىرناق جونىندەگى شەبەرى بار ەكەنىن, وسى ءۇشىن اناسى اپتاسىنا ولارعا 5 مىڭ دوللار اقشا تولەپ تۇراتىنىن جەتكىزدى. ايتقانداي, كيم كارداشيان التى ايعا ەندى تولعان ۇلى سەينت ءۇشىن دە ارنايى گاردەروب دايىنداپ جاتىر.
مايمىلدار دا كامەرامەن سۋرەتكە ءتۇسۋدى بىلەدى
امەريكانىڭ كاليفورنيا شتاتىنداعى مانۋەل انتونو ۇلتتىق پاركىندە اق يىقتى كاپۋتسين تەكتى مايمىلدار بىرەۋدىڭ كامەراسىن ۇرلاپ اكەتىپ, ءوز دوستارىمەن بىرگە بىرنەشە رەت سۋرەتكە تۇسكەن.
وسىندا 18 جاسار بوزبالا كوۋل ۆەبەر مايمىلداردى جاسىرىن كامەرامەن ۆيدەوعا ءتۇسىرىپ الماق بولادى. سول ماقساتتا GoPro ماركالى كامەراسىن ىسكە قوسىپ, اعاشتىڭ باسىنا قالدىرىپ كەتەدى. سول كەزدە مايمىلداردىڭ ءبىرى گادجەتتى الا قاشىپ, جانىنداعى اڭدارمەن بىرگە سۋرەتكە تۇسە باستاپتى. امەريكالىق جىگىتتىڭ تەلەفونى كامەراعا جالعانىپ قويىلعان ەكەن, سوندىقتان ول بولىپ جاتقان وقيعالاردى سمارتفوننان تىكەلەي ەفير جۇزىندە كورىپ وتىرعان.
«ۆەلوسيپەدىم پەدالى – التىننان-ءدۇر»
يتاليانىڭ La Strana Officina اتتى ديزاين-بيۋروسى ۆەلوسيپەدتىڭ Cellini Uomo ليۋكس مودەلىن جاساپ شىعاردى.
كولىك قۇرالىنىڭ ەرەكشە بولاتىن سەبەبى, ونىڭ ءرۋلىنىڭ ءبىر بولىگى مەن تيتاندى وزەگىنە جالعانعان پەدالىنىڭ بەتىنە 999 ولشەمدى التىن جالاتىلعان. قىمبات مەتالل ولارعا انودتالعان جولمەن بەرىلگەن. سونىمەن بىرگە, ءرۋلدىڭ سول جاعى مەن ەرشىگى جىلان تەرىسىنە ۇقساس ماتەريالمەن قاپتالعان. ديزايننىڭ قوسىمشا ەلەمەنتى رەتىندە دوڭعالاقتىڭ «شىرماتىلىپ قالعان» سىمدارى الىنعان. تەجەگىش دجويستيكتىڭ كومەگىمەن باسىلادى. ۆەلوسيپەدتىڭ بەرىلىس قوراپشاسى بار, ول بولات بەلدىككە ورنالاسقان.
نەسيە العىڭ كەلسە, جالاڭاش سۋرەتىڭدى تاپسىر
قىتايدا بانكتەر ستۋدەنت قىزداردىڭ جالاڭاش تۇسكەن سۋرەتتەرىن كەپىلگە قويىپ, كرەديت بەرە باستادى.
وسىدان باستاپ جوعارى وقۋ ورىندارىندا وقيتىن قىزدار بانكتەردەن كرەديت الۋ ءۇشىن سۋرەتكە نەمەسە ۆيدەوعا جالاڭاش ءتۇسىپ, ولاردىڭ فايلدارىن پاسپورتتارىمەن بىرگە QQ نەمەسە WeChat مەسسەندجەرلەرى ارقىلى كرەديتورعا جىبەرۋلەرى كەرەك. قارجىنى قايتارا الماسا فوتوگرافيالار مەن ۆيدەو نە الەۋمەتتىك جەلىدە جاريالانادى نەمەسە قىزداردىڭ اتا-انالارىنا جىبەرىلەدى.
ءۇندىستان سيىرلاردى قورعاۋ مينيسترلىگىن قۇرۋعا نيەتتى
ءۇندىستاندا ەلدىڭ ومىرىندە ەرەكشە ورىن الاتىن سيىر جانۋارىن ساقتاۋ مەن قورعاۋدى جۇزەگە اسىراتىن ارنايى مينيسترلىك قۇرىلعالى جاتىر.
بۇل جونىندەگى ۇسىنىستى بۇكىلالەمدىك يندۋيستەر كەڭەسى پرەمەر-مينيستر نارەندرا موديگە جەتكىزگەن. ەندى ونى پارلامەنتتىڭ شىلدە ايىندا وتەتىن جاڭا سەسسياسى قاراعالى وتىر. «سيىر ءبىزدىڭ ءومىرىمىزدىڭ سيمۆولى, مادەنيەتىمىزدىڭ جانى بولىپ تابىلادى. ال وعان قازىر جەتكىلىكتى كوڭىل ءبولىنىپ جاتقان جوق», – دەپ مالىمدەدى اتىن اتاماعان شەنەۋنىك. ونىڭ ايتۋىنشا, يدەيانىڭ ءمانى سيىرلاردى قىرىلىپ كەتۋدەن ساقتاپ قالۋعا ۇشتاسادى. سيىر كوبەيسە, ەلدىڭ سۇتپەن قامتاماسىز ەتىلۋ جايى دا جاقسارا تۇسەدى.
WSJ ءۇندىستاندا ءىرى قارا مالىن سويۋدىڭ كوپتەن بەرى ۇلكەن پروبلەمالىق ماسەلەگە اينالىپ كەلە جاتقانىن اتاپ وتەدى. مۇنداي ارەكەتتەر قوعامدا بىردەن قاتتى قارسىلىققا ۇشىرايدى. مىسالى, وتكەن جىلى سيىر ەتىن جەگەنى ءۇشىن مۇسىلمان كىسى جۇرتتىڭ تەپكىسى استىندا قالىپ, ازاپتالىپ ءولدى. وسىنىڭ سالدارىنان ەلدە ەكىجاقتى تەكەتىرەستەر بوي كورسەتتى.
ەرىككەندەردىڭ ءوز جارىستارى بار ەكەن
وڭتۇستىك كورەيانىڭ استاناسى – سەۋل قالاسىندا ەشتەڭە ىستەمەۋدەن Space Out جۇيەسى بويىنشا چەمپيونات بولىپ ءوتتى.
يچون حانگاگ پاركىندە ءۇشىنشى جىل ءوتىپ وتىرعان سايىسقا 70 ادام قاتىسقان. ولارعا بەلگىلەنگەن ۋاقىتتا ءموبيلدى قوندىرعىلاردى پايدالانۋعا, ءبىر-بىرىمەن سويلەسۋگە, كۇلۋگە, ۇيىقتاۋعا تىيىم سالىنعان. سۋ ءىشۋ ءۇشىن نەمەسە اجەتحاناعا بارعىلارى كەلسە, تورەشىدەن رۇقسات سۇرايتىن بولعان. ال قازىلار القاسى ءار15 مينۋت سايىن سايىسكەرلەردىڭ دەمالىسى مەن ءپۋلسىن تەكسەرىپ تۇرعان. جەڭىمپاز رەتىندە جۇرەك سوعىسى بارىنەن قالىپتى ادامدى تاڭداعان.
اقپارات اگەنتتىكتەرى ماتەريالدارى نەگىزىندە دايىندالدى
