Rolls-royce كومپانياسى

2040 جىلى شىعاتىن كولىكتەردى تانىستىردى بريتانيالىق Rolls-Royce Motor Cars كومپانياسى لوندون قالاسىندا 103EX ۇلگىسىندەگى كولىكتى تانىستىردى. بۇل – Vision Next 100 جوباسى بويىنشا, «بولاشاق اۆتوموبيلدەرى» دەگەن اتاۋعا يە بولعان ءتورت كولىكتىڭ ءبىرى. فيرما وكىلدەرى مۇنداي اۆتوموبيلدەر تەك 2040 جىلدان كەيىن عانا شىعارىلاتىنىن مالىمدەدى. كولىكتىڭ ءىشى كوزدىڭ جاۋىن الار­لىقتاي ەتىپ ساندەلگەن. ماماندار بۇل جۇمىسقا نەگىزىنەن ەبەن اعاشىن پايدالانىپتى. ال ورىندىقتارى جىبەكتەن دايىندالعان. اياق قوياتىن ورىندارىنا ارنايى جۇننەن تو­قىلعان كىلەمشە توسەلگەن. ءمالى­مەتتەر بويىنشا, كونتسەپت-كار جۇمىستارىمەن بەلگىلى ديزاينەر دجايلس تەيلور جەتەكشىلىك ەتە­تىن كومپانيانىڭ بىرقاتار قىز­مەتكەرلەرى اينالىسقان. –  ول كەزدە Rolls-Royce كومپانيا­سىنىڭ باسشىلارى لاۋازىمدى ادامدار بولادى دەپ سەنەمىن. بالكىم, مەم­لەكەت باسشىلارى, الەمدىك ليدەر­لەر, كاسىپكەرلەر, جۇلدىزدار بولۋى ءمۇم­كىن, – دەدى دجايلس تەيلور. ايتا كەتەيىك, ايگىلى كومپانيا­نىڭ شىعاراتىن كولىكتەرى بۇگىندە ءداۋ­لەتتى ادامداردىڭ اراسىندا ءۇل­كەن سۇرانىسقا يە. وسىعان سايكەس, باعاسى دا قىمبات. ماسەلەن, وسىدان ەكى-ءۇش جىل بۇرىن Wraith ۇلگىسىندە شىققان ءاۆتوموبيلدىڭ باستاپقى قۇنى 245 مىڭ ەۋرونى قۇرادى. ال كەيبىر مالىمەتتەردە كومپانيانىڭ ءبىر كولىگىن 20 ميلليون دوللارعا ساتىپ العاندار دا بولعانى ايتىلادى. ايان ءابدۋالي, «ەگەمەن قازاقستان»