جاڭارتىلعان مازمۇن – جاڭاشا باعىت

اپتا سوڭىندا پرەزيدەنت جانىن­داعى ورتالىق كوممۋني­كاتسيا­لار قىزمەتىندە ءبىلىم جانە عىلىم ۆيتسە-ءمينيسترى ە.سۋحانبەرديەۆا­نىڭ, ءبىلىم جانە عىلىم مينيستر­لىگى مەك­تەپكە دەيىنگى جانە ورتا ءبىلىم دەپارتامەنتىنىڭ ديرەك­­تورى ج.جونتاەۆانىڭ جانە ى.التىن­سارين اتىنداعى ۇلتتىق ءبىلىم اكا­دەمياسىنىڭ پرەزيدەنتى ج.جىل­باەۆتىڭ قاتىسۋىمەن «12 جىل­دىق ءبىلىم بەرۋدى كەزەڭ-كەزەڭ­مەن ەنگىزۋ, فۋنكتسيالىق ساۋات­تىلىقتى دامىتۋ ءۇشىن مەك­تەپتەگى وقىتۋ ستاندارتتارىن جاڭارتۋ» تاقى­رىبىندا بريفينگ ءوتتى. «مينيسترلىك «100 ناقتى قادام»: بارشاعا ارنالعان قازىرگى زامانعى مەملەكەت» ۇلت جوسپارىنىڭ 76, 79, 89-قادام­­­دارىن جانە ءبىلىم مەن عىلىم­دى دامىتۋدىڭ 2016-2019 جىل­دارعا ارنالعان مەم­لەكەتتىك باع­­دارلاماسىن ىسكە اسىرۋ ماق­ساتىندا ءبىلىم ماز­مۇنىنا كەزەڭ-كەزەڭىمەن كوشۋ جۇمىس­تارىن باستادى. جاڭا وقۋ جىلى­نان باس­تاپ رەسپۋبليكا­نىڭ بار­­لىق مەك­تەپ­تەرىنە نازارباەۆ زيات­­كەر­­­لىك مەكتەپتەرىنىڭ ءتاجى­ري­بەسى بو­يىن­شا جاڭارتىل­عان ءبىلىم ماز­­مۇ­نى 1-سىنىپتان باستاپ ەنگىزى­لە­دى. وقۋشىلاردىڭ فۋنكتسيا­لىق ساۋاتتىلىعىن دامىتۋعا باعىت­­­تالعان بۇل جا­ڭارتىلعان مازمۇن 30 قاناتقاقتى مەكتەپتە سىنامالاۋدان تابىس­تى ءوتتى. جاڭارتىلعان ءبىلىم مازمۇنى كەلەسى كەستەگە سايكەس كەزەڭ-كەزەڭىمەن ەنگىزىلەدى: بيىل –1-سىنىپ, 2017 جىلى – 2,5,7- سىنىپتار, 2018 جىلى – 3,6,8,10-سىنىپتار, 2019 جىلى – 4,9,11,12-سىنىپتار, ال 2020 جىلعا قاراي 12 جىلدىق قۇرى­لىممەن جاڭارتىلعان ءبىلىم مازمۇنىنا كوشۋ بارلىق سىنىپتاردا اياقتالادى», – دەدى ۆيتسە-مينيستر. جيىن سوڭىندا ە.سۋحان­بەر­ديەۆا ءۇش تىلدە ءبىلىم بەرۋدى دامى­تۋدىڭ 2015-2020 جىل­دارعا ارنالعان جول كارتاسى شەڭبەرىندە ءۇش تىلدە ءبىلىم بەرۋدى ەنگىزۋگە دايىندىق باستالعانىن اتاپ ءوتتى. راۋان قايدار, «ەگەمەن قازاقستان»