قازاقستان رەسپۋبليكاسى قارجى مينيسترلىگىنىڭ بۇيرىعى  №270

2015 جىلعى 13 ءساۋىر, استانا قالاسى «قازاقستان رەسپۋبليكاسى قارجى مينيسترلىگىنىڭ مەملەكەتتىك ساتىپ الۋ كوميتەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى − قازاقستان رەسپۋبليكاسى قارجى ءمينيسترىنىڭ 2014 جىلعى 23 ساۋىردەگى № 182 بۇيرىعىنا وزگەرىستەر ەنگىزۋ تۋرالى «مەملەكەتتىك ساتىپ الۋ تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنىڭ 1-بابى 19-1) تارماقشاسىنا جانە «قازاقستان رەسپۋبليكاسى قارجى مينيسترلىگىنىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2008 جىلعى 24 ساۋىردەگى № 387 قاۋلىسىنا سايكەس بۇيىرامىن: 1. «قازاقستان رەسپۋبليكاسى قارجى مينيسترلىگىنىڭ مەملەكەتتىك ساتىپ الۋ كوميتەتى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى − قازاقستان رەسپۋبليكاسى قارجى ءمينيسترىنىڭ 2014 جىلعى 23 ساۋىردەگى № 182 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9405 بولىپ تىركەلگەن, 2014 جىلعى 13 مامىردا «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن قازاقستان رەسپۋبليكاسى قارجى مينيسترلىگىنىڭ مەملەكەتتىك ساتىپ الۋ كوميتەتى تۋرالى ەرەجەدە: 1-تارماق جاڭا رەداكتسيادا جازىلسىن: «1. قازاقستان رەسپۋبليكاسى قارجى مينيسترلىگىنىڭ مەملەكەتتىك ساتىپ الۋ كوميتەتى (بۇدان ءارى − كوميتەت) ورتالىق اتقارۋشى ورگاننىڭ قۇزىرەتى شەگىندە بيۋدجەتتىك باعدارلامالار نە تاۋارلار, جۇمىستار, كورسەتىلەتىن قىزمەتتەر بويىنشا بىرىڭعاي مەملەكەتتىك ساتىپ الۋدى ۇيىمداستىرۋ جانە وتكىزۋ راسىمدەرىن ورىنداۋ سالاسىنداعى ىسكە اسىرۋ فۋنكتسيالارىن جۇزەگە اسىراتىن قازاقستان رەسپۋبليكاسى قارجى مينيسترلىگىنىڭ ۆەدومستۆوسى بولىپ تابىلادى.»; 12, 13 جانە 14-تارماقتار جاڭا رەداكتسيادا جازىلسىن: «12. كوميتەتتىڭ ميسسياسى بيۋدجەتتىك باعدارلامالار نە تاۋارلار, جۇمىستار, كورسەتىلەتىن قىزمەتتەر بويىنشا بىرىڭعاي مەملەكەتتىك ساتىپ الۋدى ۇيىمداستىرۋ جانە وتكىزۋ راسىمدەرىن ورىنداۋ بولادى. 13. بيۋدجەتتىك باعدارلامالار نە تاۋارلار, جۇمىستار, كورسەتىلەتىن قىزمەتتەر بويىنشا بىرىڭعاي مەملەكەتتىك ساتىپ الۋدى ۇيىمداستىرۋ جانە وتكىزۋ راسىمدەرىن ورىنداۋدى قامتاماسىز ەتۋ كوميتەتتىڭ مىندەتى بولىپ تابىلادى. 14. كوميتەتتىڭ فۋنكتسيالارى: 1) بيۋدجەتتىك باعدارلامالار نە تاۋارلار, جۇمىستار, كورسەتىلەتىن قىزمەتتەر بويىنشا بىرىڭعاي مەملەكەتتىك ساتىپ الۋدى ۇيىمداستىرۋ جانە وتكىزۋ راسىمدەرىن ورىنداۋدى جۇزەگە اسىرۋ; 2) مەملەكەتتىك ساتىپ الۋدى ۇيىمداستىرۋعا جانە وتكىزۋگە تاپسىرىس بەرۋشى ۇسىنعان, ەلەكتروندىق مەملەكەتتىك ساتىپ الۋدى جۇرگىزۋ قاعيدالارىندا بەلگىلەنگەن قۇجاتتاردى قامتيتىن تاپسىرمانى قاراۋ; 3) كونكۋرستىق نەمەسە اۋكتسيوندىق قۇجاتتامانى تاپسىرىس بەرۋشى ۇسىنعان تاپسىرما نەگىزىندە ازىرلەۋ جانە بەكىتۋ; 4) تاپسىرىس بەرۋشىنىڭ وكىلدەرى كىرەتىن كونكۋرستىق نە اۋكتسيوندىق كوميسسيانىڭ قۇرامىن انىقتاۋ جانە بەكىتۋ; 5) كونكۋرستىق نەمەسە اۋكتسيوندىق قۇجاتتاماعا وزگەرىستەر جانە (نەمەسە) تولىقتىرۋلار ەنگىزۋ; 6) مەملەكەتتىك ساتىپ الۋدى وتكىزۋ تۋرالى حابارلاندىرۋدى ورنالاستىرۋ; 7) تاپسىرىس بەرۋشىگە, مەملەكەتتىك ساتىپ الۋ ۆەب-پورتالىندا اۆتوماتتى تۇردە تىركەلگەن, مەملەكەتتىك ساتىپ الۋ تۋرالى شارتتىڭ جوباسىنا كونكۋرستىق نەمەسە اۋكتسيوندىق قۇجاتتامانى جانە (نەمەسە) كونكۋرستىق نەمەسە اۋكتسيوندىق قۇجاتتامانىڭ تەحنيكالىق ەرەكشەلىگىن العان تۇلعالاردى تىركەۋ جۋرنالىنا ەنگىزىلگەن تۇلعالار تاراپىنان ۇسىنىستار مەن ەسكەرتۋلەردى جىبەرۋ; 8) كونكۋرس نەمەسە اۋكتسيون تاسىلىمەن مەملەكەتتىك ساتىپ الۋ جەڭىمپازىن انىقتاۋ; 9) زاڭنامالاردا كوزدەلگەن جاعدايلاردا مەملەكەتتىك ساتىپ الۋدىڭ الەۋەتتى ءونىم بەرۋشىلەرىن جوسىقسىز قاتىسۋشىلار دەپ تانۋ تۋرالى سوتقا قۋىنۋ تالاپتارىن جىبەرۋ; 10) كونكۋرستىق قۇجاتتاما مەن اۋكتسيوندىق قۇجاتتامانىڭ ەرەجەلەرىن ءتۇسىندىرۋ; 11) جەكە جانە زاڭدى تۇلعالاردىڭ وتىنىشتەرىن قاراۋ فۋنكتسيالارىن جۇزەگە اسىرادى; 12) مەملەكەتتىك ساتىپ الۋ سالاسىندا تىزىلىمدەردى قالىپتاستىرۋدى جانە جۇرگىزۋدى جۇزەگە اسىرۋ; 13) قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ جانە حالىقارالىق شارتتارىنىڭ جوبالارىن قازاقستان رەسپۋبليكاسى قارجى مينيسترلىگىنىڭ قۇزىرەتى شەگىندە ازىرلەۋگە قاتىسۋ; 14) ادام مەن ازاماتتىڭ قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردى قوسپاعاندا, كوميتەتتىڭ قۇزىرەتىنە كىرەتىن ماسەلەلەر بويىنشا جانە قازاقستان رەسپۋبليكاسى قارجى مينيسترلىگىنىڭ اكتىلەرىندە ولاردى بەكىتۋ بويىنشا تىكەلەي قۇزىرەتى بولعان كەزدە نورماتيۆتىك قۇقىقتىق اكتىلەردى بەكىتۋ.»; 20-تارماق جاڭا رەداكتسيادا جازىلسىن: «20. كوميتەت توراعاسى: 1) ءوزىنىڭ ورىنباسارلارىنىڭ جانە كوميتەتتىڭ قۇرىلىمدىق بولىمشەلەرىنىڭ مىندەتتەرىن جانە وكىلەتتىكتەرىن ايقىندايدى; 2) زاڭناماعا سايكەس كوميتەت قىزمەتكەرلەرىن قىزمەتكە تاعايىندايدى جانە قىزمەتتەن بوساتادى; 3) زاڭنامادا بەلگىلەنگەن تارتىپپەن تارتىپتىك جازا قولدانادى; 4) كوميتەتتىڭ قۇرىلىمدىق بولىمشەلەرى تۋرالى ەرەجەنى بەكىتەدى; 5) كوميتەتتىڭ قۇقىقتىق قامتاماسىز ەتۋ باسقارماسىنا جەتەكشىلىك ەتەدى; 6) قازاقستان رەسپۋبليكاسى قارجى مينيسترلىگىنىڭ شتات سانىنىڭ ءليميتى شەگىندە كوميتەتتىڭ شتاتتىق كەستەسىن بەكىتەدى; 7) زاڭنامادا بەلگىلەنگەن تارتىپپەن كوميتەت قىزمەتكەرلەرىن ىسساپارعا جىبەرۋ, ولارعا دەمالىس بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, كوتەرمەلەۋ, ۇستەمە تولەۋ جانە سىيلىقاقى بەرۋ ماسەلەلەرىن شەشەدى; 8) كوميتەتتىڭ بۇيرىقتارىنا قول قويادى; 9) زاڭناماعا سايكەس كوميتەتتى بارلىق مەملەكەتتىك ورگانداردا جانە وزگە ۇيىمداردا بىلدىرەدى; 10) سىبايلاس جەمقورلىققا قارسى ءىس-قيمىل بويىنشا دەربەس جاۋاپكەرشىلىكتە بولادى; 11) قازاقستان رەسپۋبليكاسىنىڭ زاڭناماسىنا سايكەس وزگە دە وكىلەتتىكتەردى جۇزەگە اسىرادى.». 2. قازاقستان رەسپۋبليكاسى قارجى مينيسترلىگىنىڭ مەملەكەتتىك ساتىپ الۋ كوميتەتى (ك.ن. ابدۋللاەۆ) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن; 3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ قارجى ءمينيسترى ب.سۇلتانوۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 12 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11016 بولىپ ەنگىزىلدى.