قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  № 13 

2016 جىلعى 28 قاڭتار, الماتى قالاسى ۇيىمداستىرىلعان جانە ۇيىمداستىرىلماعان باعالى قاعازدار رىنوگىندا جاسالعان باعالى قاعازدارمەن جانە وزگە دە قارجى قۇرالدارىمەن مامiلەلەردi ايلا-شارعى جاساۋ ماقساتىندا جاسالدى دەپ تانۋ, قور بيرجاسىنىڭ ساراپتامالىق كوميتەتىن جاساقتاۋ جانە ونىڭ جۇمىس جاساۋ قاعيدالارىن, سونداي-اق ونىڭ ساندىق قۇرامىن بەكىتۋ تۋرالى «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان ۇيىمداستىرىلعان جانە ۇيىمداستىرىلماعان باعالى قاعازدار رىنوگىندا جاسالعان باعالى قاعازدارمەن جانە وزگە دە قارجى قۇرالدارىمەن مامىلەلەردى ايلا-شارعى جاساۋ ماقساتىندا جاسالدى دەپ تانۋ, قور بيرجاسىنىڭ ساراپتامالىق كوميتەتىن جاساقتاۋ جانە ونىڭ جۇمىس جاساۋ قاعيدالارى, سونداي-اق ونىڭ ساندىق قۇرامى بەكىتىلسىن (بۇدان ءارى - قاعيدالار). 2. «ۇيىمداستىرىلعان جانە ۇيىمداستىرىلماعان باعالى قاعازدار نارىقتارىندا جاسالعان مامىلەلەردى ايلا-شارعى جاساۋ ماقساتىندا جاسالعان دەپ تانۋ, قور بيرجاسىنىڭ ساراپتامالىق كوميتەتىن قۇرۋ جانە ونىڭ جۇمىس ىستەۋ قاعيدالارىن, سونداي-اق ونىڭ ساندىق قۇرامىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 23 ساۋىردەگى № 70 قاۋلىسىنىڭ (2014 جىلعى 6 ماۋسىمدا قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 9488 تىركەلگەن, 2014 جىلعى 4 شىلدەدە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) كۇشى جويىلدى دەپ تانىلسىن. 3. باقىلاۋ جانە قاداعالاۋ ءادىسناماسى دەپارتامەنتى ء(ابدىراحمانوۆ ن.ا.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (سارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا: قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا; قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونى قازاقستان رەسپۋبليكاسىنىڭ ۇلتتىق بانكى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن. 4. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن. 6. وسى قاۋلى 2016 جىلعى 1 قازاننان باستاپ قولدانىسقا ەنگىزىلەدى جانە رەسمي جاريالانۋعا جاتادى. ۇلتتىق بانك توراعاسى د.اقىشەۆ قازاقستان رەسپۋبليكاسى ۇلتتىق بانكى باسقارماسىنىڭ 2016 جىلعى 29 قاڭتارداعى № 13 قاۋلىسىمەن بەكىتىلگەن ۇيىمداستىرىلعان جانە ۇيىمداستىرىلماعان باعالى قاعازدار رىنوگىندا جاسالعان باعالى قاعازدارمەن جانە وزگە دە قارجى قۇرالدارىمەن مامىلەلەردى ايلا-شارعى جاساۋ ماقساتىندا جاسالدى دەپ تانۋ, قور بيرجاسىنىڭ ساراپتامالىق كوميتەتىن جاساقتاۋ جانە ونىڭ جۇمىس جاساۋ قاعيدالارى, سونداي-اق ونىڭ ساندىق قۇرامى 1. وسى ۇيىمداستىرىلعان جانە ۇيىمداستىرىلماعان باعالى قاعازدار رىنوگىندا جاسالعان باعالى قاعازدارمەن جانە وزگە دە قارجى قۇرالدارىمەن مامىلەلەردى ايلا-شارعى جاساۋ ماقساتىندا جاسالدى دەپ تانۋ, قور بيرجاسىنىڭ ساراپتامالىق كوميتەتىن جاساقتاۋ جانە ونىڭ جۇمىس جاساۋ قاعيدالارى, سونداي-اق ونىڭ ساندىق قۇرامى (بۇدان ءارى – قاعيدالار) «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – باعالى قاعازدار رىنوگى تۋرالى زاڭ) سايكەس ازىرلەندى جانە قازاقستان رەسپۋبليكاسىنىڭ ۇيىمداستىرىلعان جانە ۇيىمداستىرىلماعان باعالى قاعازدار نارىقتارىندا باعالى قاعازدارمەن جانە وزگە دە قارجى قۇرالدارىمەن جاسالعان مامىلەلەردى ايلا-شارعى جاساۋ ماقساتىندا جاسالدى دەپ تانۋ ءتارتىبىن جانە تالاپتارىن, سونداي-اق باعالى قاعازدارمەن جانە وزگە دە قارجى قۇرالدارىمەن جاسالعان مامىلەلەردى ايلا-شارعى جاساۋ ماقساتىندا جاسالدى دەپ تانۋ ماسەلەلەرىن قاراۋ ماقساتىندا قۇرىلعان قور بيرجاسىنىڭ ساراپتامالىق كوميتەتىن جاساقتاۋ جانە ونىڭ جۇمىس جاساۋ ءتارتىبىن, سونداي-اق ونىڭ ساندىق قۇرامىن بەلگىلەيدى. 2. باعالى قاعازدارمەن مامىلە دەپ, ەگەر: 1) ۇيىمداستىرىلعان باعالى قاعازدار نارىعىندا اكتسيالارمەن مامىلە جاساعان كەزدە اكتسيالارمەن جاسالعان وسى مامىلە باعاسىنىڭ وسى اكتسيالاردىڭ, قاعيدالاردىڭ 4-تارماعىنا سايكەس ەسەپتەلگەن ورتاشا الىنعان باعاسىنان اۋىتقۋى 30 (وتىز) جانە ودان استام پايىز قۇراسا; 2) ۇيىمداستىرىلعان باعالى قاعازدار نارىعىندا وبليگاتسيالارمەن, مەملەكەتتىك ەميسسيالىق باعالى قاعازدارمەن مامىلە جاساعان كەزدە وسى مامىلەنىڭ باعاسىنا سايكەس وسى وبليگاتسيالاردىڭ وتەلەتىن كىرىستىلىگىنىڭ قاعيدالاردىڭ 5-تارماعىنا سايكەس ەسەپتەلگەن ورتاشا الىنعان نارىقتىق كىرىستىلىگىنەن اۋىتقۋى 5 (بەس) جانە ودان كوپ پايىزدىق تارماقتى قۇراسا, وسىنداي مامىلەنى جاساعانعا دەيىن ۇيىمداستىرىلعان باعالى قاعازدار نارىعىندا وسى باعالى قاعازدارعا قالىپتاسقان باعادان ايتارلىقتاي وزگەشەلەنەتىن باعا بويىنشا جاسالعان مامىلە تانىلادى. 3. ورىندالۋى وسى مامىلەلەردىڭ تاراپتارىنداعى وسىنداي باعالى قاعازدار سانىنىڭ ەلەۋلى وزگەرۋىنە اكەپ سوقتىرماعان باعالى قاعازداردى ساتىپ الۋ-ساتۋدىڭ مىناداي مامىلەلەرى ايلا-شارعى جاساۋ ماقساتىندا جاسالدى دەپ تانىلمايدى: 1) قور بيرجاسىنىڭ ساۋدا جۇيەسىنىڭ وسىنداي وپەراتسيالارعا ارنالعان سەكتورىندا جۇزەگە اسىرىلاتىن سول ءبىر «رەپو» وپەراتسياسىنا جاتاتىن «رەپونى» اشۋ جانە جابۋ مامىلەلەرى; 2) بىردەي كولەمدەگى جانە سول باعالى قاعازدارمەن جاسالعان ەكى مامىلە, ولاردىڭ ەكىنشىسى ۇيىمداستىرىلعان نارىقتا وسى مامىلەلەردىڭ ءبىرىنشىسىن جاساعان كەزدە جىبەرىلگەن تەحنيكالىق قاتەنى تۇزەتۋ ماقساتىندا جاسالعان بولسا; 3) مىنا تالاپتارعا نەمەسە مىنا تالاپتاردىڭ بىرەۋىنە سايكەس كەلەتىن, قور بيرجاسىنىڭ ساۋدا جۇيەسىندە باعالى قاعازدارمەن اشىق ساۋدا-ساتتىق ادىسىمەن جاسالعان مامىلەلەر: مامىلە جاسالعان كۇنىنىڭ الدىنداعى سوڭعى 30 (وتىز) جۇمىس كۇنى ىشىندە, بىراق وسى كەزەڭنىڭ كەمىندە 10 (ون) جۇمىس كۇنى ىشىندە وسى اتاۋداعى باعالى قاعازدارمەن قور بيرجاسىنىڭ كەمىندە 10 (ون) مۇشەسى تاراپتارى بولىپ تابىلاتىن, جيىنتىق كولەمى 50 000 000 (ەلۋ ميلليون) تەڭگەدەن كەم ەمەس, كەمىندە 20 (جيىرما) مامىلە جاسالعان; مامىلە جاسالعان ساتتە وسى باعالى قاعازدار وسى قور بيرجاسىندا اينالىسقا جىبەرىلگەن ەڭ ءوتىمدى اكتسيالاردىڭ باعاسى بويىنشا قور بيرجاسىنىڭ ىشكى قۇجاتتارىنا سايكەس ەسەپتەلەتىن قور بيرجاسى ينديكاتورىنىڭ (يندەكسىنىڭ) وكىلدىك تىزىمىنە ەنگىزىلگەن. وسى تارماقتىڭ ماقساتتارى ءۇشىن باعالى قاعازدار سانىنىڭ ەلەۋلى وزگەرۋى بولىپ مامىلەلەر تاراپتارىنداعى باعالى قاعازداردىڭ باستاپقى سانىنان 10 (ون) جانە ودان كوپ پايىزعا ايىرماشىلىعى تانىلادى. 4. اكتسيالاردىڭ ورتاشا الىنعان نارىقتىق باعاسى قور بيرجاسى سوڭعى وتكەن 5 (بەس) جۇمىس كۇن ىشىندە اشىق ساۋدا ادىسىمەن وتكىزگەن ساۋدا-ساتتىقتاردا اكتسيالارمەن (اقشالاي) جاسالعان مامىلەلەردىڭ جيىنتىق كولەمىنىڭ وسىنداي مامىلەلەردىڭ جيىنتىق مولشەرىنە (باعالى قاعازدارمەن) قاتىناسى رەتىندە ەسەپتەلەدى (قاعيدالاردىڭ وسى تارماعىنىڭ ەكىنشى جانە ءۇشىنشى بولىكتەرىندە بەلگىلەنگەن ەرەكشەلىكتەردى ەسكەرە وتىرىپ). ەگەر كورسەتىلگەن كەزەڭ ىشىندە اكتسيالارمەن جاسالعان مامىلەلەر سانى 5 (بەستەن) كەم بولسا, وسى اكتسيالاردىڭ ورتاشا الىنعان نارىقتىق باعاسى قور بيرجاسى سوڭعى وتكەن كۇنتىزبەلىك 60 (الپىس) كۇن ىشىندە اشىق ساۋدا ادىسىمەن وتكىزگەن ساۋدا-ساتتىقتاردا وسى اكتسيالارمەن (اقشالاي) جاسالعان سوڭعى 5 (بەس) مامىلەنىڭ جيىنتىق كولەمىنىڭ مۇنداي سوڭعى 5 (بەس) مامىلەنىڭ (باعالى قاعازدارمەن) جيىنتىق مولشەرىنە قاتىناسى رەتىندە ەسەپتەلەدى. ەگەر سوڭعى وتكەن كۇنتىزبەلىك 60 (الپىس) كۇن ىشىندە اكتسيالارمەن جاسالعان مامىلەلەردىڭ سانى 5 (بەستەن) كەم بولسا, وندا وسى اكتسيالاردىڭ ورتاشا الىنعان نارىقتىق باعاسى ەسەپتەلمەيدى. 5. وتەلەتىن وبليگاتسيالاردىڭ ورتاشا الىنعان نارىقتىق كىرىستىلىگى مىنا فورمۋلا بويىنشا ەسەپتەلەدى: , مۇندا: Y - وتەلەتىن وبليگاتسيالاردىڭ ورتاشا الىنعان نارىقتىق كىرىستىلىگى, جىلدىق پايىزبەن; Yi - وسى وبليگاتسيالارمەن جاسالعان ءى-ءشى مامىلەنىڭ باعاسىنا سايكەس وتەلەتىن وبليگاتسيالاردىڭ كىرىستىلىگى, جىلدىق پايىزبەن; Vi - وبليگاتسيالارمەن جاسالعان ءى-ءشى مامىلەنىڭ كولەمى, اقشالاي; n - قور بيرجاسى سوڭعى وتكەن 5 (بەس) جۇمىس كۇن ىشىندە اشىق ساۋدا ادىسىمەن وتكىزگەن ساۋدا-ساتتىقتاردا وبليگاتسيالارمەن جاسالعان مامىلەلەر سانى. ەگەر سوڭعى وتكەن بەس جۇمىس كۇن ىشىندە وبليگاتسيالارمەن جاسالعان مامىلەلەر سانى 5 (بەستەن) كەم بولسا, قور بيرجاسى سوڭعى تولىق وتكەن كۇنتىزبەلىك 60 (الپىس) كۇن ىشىندە اشىق ساۋدا ادىسىمەن وتكىزگەن ساۋدا-ساتتىقتاردا وبليگاتسيالارمەن جاسالعان مامىلەلەر سانى 5 (بەس) جانە ودان استامىن قۇراۋ تالابىمەن, n 5 (بەسكە) تەڭ بولادى. ەگەر سوڭعى تولىق وتكەن كۇنتىزبەلىك 60 (الپىس) كۇن ىشىندە وبليگاتسيالارمەن جاسالعان مامىلەلەردىڭ سانى 5 (بەستەن) كەم بولسا, وسى وتەلەتىن وبليگاتسيالاردىڭ ورتاشا الىنعان نارىقتىق كىرىستىلىگى ەسەپتەلمەيدى. 6. باعالى قاعازدار نارىعى تۋرالى زاڭىنىڭ 56-بابىنىڭ 5-تارماعىندا اتالعان تالاپتاردىڭ بىرەۋىنە سايكەس كەلەتىن مامىلەلەردى قوسپاعاندا, ۇيىمداستىرىلعان نەمەسە ۇيىمداستىرىلماعان باعالى قاعازدار نارىقتارىندا ايلا-شارعى جاساۋ ماقساتىندا جاسالعان باعالى قاعازدارمەن مامىلەلەردى انىقتاۋ ءمانى بويىنشا مىناداي مامىلەلەر مونيتورينگكە جانە تالداۋعا جاتادى: 1) قاعيدالاردىڭ 2-تارماعىندا كوزدەلگەن مامىلە; 2) قور بيرجاسىنىڭ ساۋدا جۇيەسىندە نەمەسە ۇيىمداستىرىلماعان باعالى قاعازدار نارىعىندا جاسالعان, دەربەس نە قارجى نارىعىن جانە قارجى ۇيىمدارىن رەتتەۋ, باقىلاۋ مەن قاداعالاۋ جونىندەگى ۋاكىلەتتى مەملەكەتتىك ورگاننىڭ (بۇدان ءارى - ۋاكىلەتتى ورگان) بروكەرلىك جانە (نەمەسە) ديلەرلىك قىزمەتتى جۇزەگە اسىرۋعا ليتسەنزياسى بار ۇيىمىنىڭ مامىلە جاساۋ جونىندەگى بۇيرىقتارىن تاپسىرۋ ارقىلى ارەكەت جاسايتىن سول ءبىر تۇلعا باعالى قاعازداردى ساتۋشى جانە ساتىپ الۋشى رەتىندە بولاتىن مامىلە; 3) باعالى قاعازدارمەن جانە وزگە دە قارجى قۇرالدارىمەن جاي, زاڭدى سالدارىن تۋعىزۋعا نيەتىسىز جاسالعان مامىلە نە بىرنەشە مامىلە (جالعان مامىلەلەر); 4) باعالى قاعازدارمەن جانە وزگە دە قارجى قۇرالدارىمەن باسقا مامىلەنى جاسىرۋ ماقساتىندا جاسالعان مامىلە نە بىرنەشە مامىلە (بۇركەمە مامىلەلەر). 7. قور بيرجاسى 1 ء(بىر) ساۋدا كۇنى ىشىندە جاسالعان ۆاليۋتالىق جۇپ اقش دوللارىمەن جانە تەڭگەمەن ەكى جانە ودان كوپ مامىلەلەر سەريالارىنا ولار مىنا تالاپتارعا سايكەس كەلگەن كەزدە مونيتورينگتى جانە تالداۋدى جۇزەگە اسىرادى: 1) مامىلەلەر قور بيرجاسىنىڭ ساۋدا جۇيەسىنە قارسى 2 (ەكى) جانە ودان كوپ ءوتىنىشتى اۆتوماتتى تۇردە قاناعاتتاندىرۋعا الىپ كەلگەن ساتىپ الۋعا نەمەسە ساتۋعا 1 ء(بىر) ءوتىنىش بەرۋ ناتيجەسىندە جاسالدى, بۇل رەتتە وسىنداي مامىلەلەردىڭ بىرەۋىنىڭ باعاسى وسىنداي ءوتىنىمدى بەرگەنگە دەيىن جاسالعان سوڭعى مامىلە باعاسىنان 10 (ون) پايىزدان كوپكە شەگەرىلەدى; 2) ورىندالۋى ءاربىر وسىنداي مامىلە ساۋدا-ساتتىقتىڭ 2 (ەكى) قاتىسۋشىسى قارسى وتىنىمدەر بەرۋ ناتيجەسىندە جاسالۋ تالابىمەن وسى مامىلەلەردىڭ تاراپتاردا بار شەتەل ۆاليۋتاسى سانىنىڭ ايتارلىقتاي وزگەرۋىنە اكەلمەگەن, 5 (بەس) پايىزدان كوپ ەمەس جانە بەرۋ ۋاقىتى بويىنشا 1 ء(بىر) سەكۋندتان كوپ ەمەس كولەمدەگى ايىرما كوتەرىلەتىن نەمەسە تومەندەيتىن باعا بويىنشا مامىلە; 3) ناتيجەسىندە ساۋدا-ساتتىق قاتىسۋشىسىنىڭ برۋتتو-اينالىمى ساۋدا كۇنىنىڭ قورىتىندىسى بويىنشا وسى شەتەل ۆاليۋتاسى بويىنشا بارلىق قاتىسۋشىنىڭ جالپى برۋتتو-اينالىمنىڭ كەمىندە 30 (وتىز) پايىزدى قۇرايدى جانە اتالعان شەتەل ۆاليۋتاسى بويىنشا ساۋدا-ساتتىق قاتىسۋشىسىنىڭ برۋتتو-اينالىمى مەن نەتتو-اينالىم اراسىنداعى ايىرما وسى قاتىسۋشىنىڭ برۋتتو-اينالىمىنىڭ 70 (جەتپىس) جانە ودان كوپ پايىزىن قۇرايدى. وسى تارماقتىڭ ماقساتى ءۇشىن: شەتەل ۆاليۋتاسى سانىنىڭ ايتارلىقتاي وزگەرۋى مامىلەلەردىڭ تاراپتارىندا تۇرعان شەتەل ۆاليۋتاسىنىڭ باستاپقى سانىنان 10 (ون) جانە ودان كوپ پايىزعا ايىرماشىلىق تانىلادى; برۋتتو-اينالىم دەپ ساۋدا-ساتتىق قاتىسۋشىسىنىڭ ساتىپ الۋ جانە ساتۋ كولەمىنىڭ شەتەل ۆاليۋتاسىمەن كورسەتىلگەن سوماسى تۇسىنىلەدى; نەتتو-اينالىم دەپ ساۋدا-ساتتىق قاتىسۋشىسىنىڭ ساتىپ الۋ كولەمى مەن ساتۋ كولەمى اراسىنداعى ساۋدا كۇنى ىشىندە شەتەل ۆاليۋتاسىمەن بەلگىلەنگەن شەتەل ۆاليۋتاسىمەن كورسەتىلگەن ايىرمانىڭ ابسوليۋتتىك ءمانى تۇسىنىلەدى; كوتەرىلەتىن باعا بويىنشا مامىلەلەر سەرياسى دەپ وسى سەريانىڭ الدىڭعى مامىلەسىنىڭ ارقايسىسىنىڭ باعاسىنان جوعارى مامىلەلەر تۇسىنىلەدى. تومەندەيتىن باعا بويىنشا مامىلەلەر سەرياسى دەپ وسى سەريانىڭ الدىڭعى مامىلەسىنىڭ ارقايسىسىنىڭ باعاسىنان تومەن مامىلەلەر تۇسىنىلەدى. وسى تارماقتىڭ ءبىرىنشى بولىگىندە كوزدەلگەن مونيتورينگكە جانە تالداۋعا قازاقستان رەسپۋبليكاسى ۇلتتىق بانكىنىڭ مامىلەلەر جاساۋعا بايلانىستى ءىس-ارەكەتتەرى جاتپايدى. 8. قور بيرجاسى اي سايىن ەسەپتى ايدان كەيىنگى ايدىڭ 15 (ون بەسىنەن) كەشىكتىرمەي ۋاكىلەتتى ورگانعا قاعيدالاردىڭ 7-تارماعىنىڭ تالاپتارىنا سايكەس كەلەتىن مامىلەلەردىڭ تالداۋىن ۇسىنادى. 9. قور بيرجاسىنىڭ ىشكى قۇجاتتارىندا باعالى قاعازدار نارىعى تۋرالى زاڭىنىڭ 56-بابىنىڭ جانە قاعيدالاردىڭ تالاپتارىنا قاراما-قايشى كەلمەيتىن قوسىمشا تالاپتار كوزدەلۋى مۇمكىن, وسىعان سايكەس وسى قور بيرجاسىنىڭ ساۋدا جۇيەسىندە جاسالعان مامىلەلەر ۇيىمداستىرىلعان باعالى قاعازدار نارىعىندا ايلا-شارعى جاساۋ ماقساتىندا جاسالعان باعالى قاعازدارمەن جانە باسقا دا قارجى قۇرالدارىمەن مامىلەلەردى انىقتاۋ ءۇشىن مونيتورينگكە جانە تالداۋعا جاتادى. 10. قور بيرجاسىنىڭ ىشكى قۇجاتتارىندا باعالى قاعازدار نارىعى تۋرالى زاڭىنىڭ 56-بابىنىڭ 5-تارماعىنىڭ 1) تارماقشاسىنا سايكەس كەلەتىن مامىلەلەرگە سايكەس قوسىمشا كريتەريلەر بەلگىلەنەدى, ايلا-شارعى جاساۋ ماقساتىندا جاسالعان باعالى قاعازدارمەن جانە باسقا دا قارجى قۇرالدارىمەن مامىلەلەردى انىقتاۋ ءۇشىن مونيتورينگكە جانە تالداۋعا جاتاتىن مامىلەلەر الىپ تاستالادى. 11. جاسالۋ پارامەترلەرى مەن تالاپتارى وسى مامىلەلەر ۇيىمداستىرىلعان جانە ۇيىمداستىرىلماعان باعالى قاعازدار نارىقتارىندا ايلا-شارعى جاساۋ ماقساتىندا جاسالعان دەپ بولجاۋعا نەگىزدەمە بەرەتىن باعالى قاعازدارمەن جانە باسقا دا قارجى قۇرالدارىمەن جاسالعان مامىلەلەردى (بۇدان ءارى - كۇماندى مامىلەلەر) انىقتاۋدى مىنالار جۇزەگە اسىرادى: 1) قور بيرجاسى مەن باعالى قاعازدار نارىعىنىڭ كاسىبي قاتىسۋشىلارىنىڭ ەسەپتەرىندە, باعالى قاعازدار نارىعى سۋبەكتىلەرىنىڭ, مەملەكەتتىك ورگانداردىڭ جانە وزگە جەكە جانە زاڭدى تۇلعالاردىڭ حاتتارىندا (ارىزدارىندا, شاعىمدارىندا, وتىنىشتەرىندە) بۇقارالىق اقپارات قۇرالدارىنداعى جاريالانىمداردا بار اقپاراتتىڭ نەگىزىندە, سونداي-اق باعالى قاعازدار نارىعى سۋبەكتىلەرىنىڭ قىزمەتىن تەكسەرۋ قورىتىندىسى بويىنشا ۋاكىلەتتى ورگان; 2) قور بيرجاسىنىڭ ساۋدا جۇيەسىندە باعالى قاعازدارمەن جانە باسقا دا قارجى قۇرالدارىمەن جاسالاتىن مامىلەلەردى قاداعالاۋ جونىندەگى قىزمەتتى جۇزەگە اسىراتىن قور بيرجاسىنىڭ قۇرىلىمدىق بولىمشەسى. ايلا-شارعى جاساۋ فاكتىسىن بولۋى نە بولماۋىن راستاۋ ماقساتىندا ۋاكىلەتتى ورگان باعالى قاعازدار نارىعىنىڭ سۋبەكتىلەرىنەن قاجەتتى اقپاراتتى سۇراتادى جانە (نەمەسە) باعالى قاعازدار نارىعى سۋبەكتىلەرىن تەكسەرۋدى جۇزەگە اسىرادى جانە (نەمەسە) كۇماندى مامىلەلەر تۋرالى اقپاراتتى ساراپتاما كوميتەتىنىڭ (بۇدان ءارى - ساراپتاما كوميتەتى) قاراۋىنا جىبەرەدى. 12. قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ جونىندەگى قىزمەتتى جۇزەگە اسىراتىن قۇرىلىمدىق بولىمشەسى قاعيدالاردىڭ 3-تارماعىندا جانە قور بيرجاسىنىڭ ىشكى قاعيدالارىندا بەلگىلەنگەن ەرەجەلەردى ەسكەرە وتىرىپ, قاعيدالاردىڭ 6-تارماعىنا سايكەس كەلەتىن مامىلەلەردى, سونداي-اق وسى مامىلەلەردىڭ ۇيىمداستىرىلعان باعالى قاعازدار نارىعىندا ايلا-شارعى جاساۋ ماقساتىندا جاسالدى دەپ پايىمداۋعا نەگىزدەر بولاتىن وزگە دە مامىلەلەردى انىقتاعان جاعدايدا, وسىنداي مامىلەلەر تۋرالى ەسەپ جاسالعان كۇنى ساراپتاما كوميتەتى مۇشەلەرىنىڭ قاراۋىنا تاپسىرىلادى. 13. ساراپتاما كوميتەتى جەتى ادامنان قۇرىلادى جانە قۇرامىندا توراعا مەن التى مۇشەسى بولادى. ساراپتاما كوميتەتىنىڭ توراعاسىن قور بيرجاسىنىڭ ديرەكتورلار كەڭەسى ساراپتاما كوميتەتى مۇشەلەرىنىڭ قاتارىنان سايلايدى. مىنالار: ۋاكىلەتتى ورگاننىڭ ەكى وكىلى, ولاردىڭ بىرەۋى باعالى قاعازدار نارىعى سۋبەكتىلەرىن قاداعالاۋعا بايلانىستى ماسەلەلەرى جونىندەگى وكىلى جانە بىرەۋى مونەتارلىق وپەراتسيالار ماسەلەلەرى جونىندەگى وكىلى; قور بيرجاسىنىڭ باعالى قاعازدارمەن ساۋدا-ساتتىقتى ۇيىمداستىرۋ ماسەلەلەرىنە جەتەكشىلىك ەتەتىن اتقارۋشى ورگانىنىڭ مۇشەسى; قور بيرجاسىنىڭ ديرەكتورلار كەڭەسىنىڭ ەكى مۇشەسى; قور بيرجاسىنىڭ ساۋدا جۇيەسىندە جاسالاتىن مامىلەلەرىن قاداعالاۋ جونىندەگى قىزمەتتى جۇزەگە اسىراتىن قور بيرجاسىنىڭ قۇرىلىمدىق بولىمشەسىنىڭ باسشىسى; «قازاقستان قارجىگەرلەرىنىڭ قاۋىمداستىعى» زاڭدى تۇلعالار بىرلەستىگىنىڭ وكىلى ساراپتاما كوميتەتىنىڭ مۇشەلەرى بولىپ تابىلادى. قور بيرجاسىنىڭ باعالى قاعازدارمەن ساۋدا-ساتتىقتى ۇيىمداستىرۋ ماسەلەلەرىنە جەتەكشىلىك ەتەتىن اتقارۋشى ورگانىنىڭ مۇشەسى جانە قور بيرجاسىنىڭ ساۋدا جۇيەسىندە جاسالاتىن مامىلەلەردى قاداعالاۋ جونىندەگى قىزمەتتى جۇزەگە اسىراتىن قور بيرجاسىنىڭ قۇرىلىمدىق بولىمشەسىنىڭ باسشىسى ساراپتاما كوميتەتىنىڭ توراعاسى بولىپ سايلانا المايدى. ساراپتاما كوميتەتىنىڭ قۇرامى قور بيرجاسىنىڭ ديرەكتورلار كەڭەسىنىڭ شەشىمىمەن بەكىتىلەدى جانە ۋاكىلەتتى ورگان كەلىسەدى. 14. ساراپتاما كوميتەتىنىڭ وتىرىستارى قاجەتتىلىگىنە قاراي وتكىزىلەدى. قاجەت بولعان جاعدايدا, ساراپتاما كوميتەتىنىڭ وتىرىسىنا قارالاتىن كۇماندى مامىلەنىڭ تاراپتارى بولىپ تابىلاتىن ۇيىمداردىڭ وكىلدەرى, جانە (نەمەسە) وسى ۇيىمدار مامىلە جاساۋ جونىندەگى بۇيرىقتارىنا سايكەس ارەكەت ەتكەن ولاردىڭ كليەنتتەرى شاقىرىلادى. 15. ساراپتاما كوميتەتىنىڭ شەشىمى ونىڭ مۇشەلەرىنىڭ جالپى سانىنىڭ جاي كوپشىلىك داۋىسىمەن قابىلدانادى جانە ساراپتاما كوميتەتىنىڭ قورىتىندىسى تۇرىندە رەسىمدەلەدى. قارالاتىن كۇدىكتى مامىلەنىڭ تاراپتارى بولىپ تابىلاتىن ۇيىمدارعا, باعالى قاعازدىڭ نەمەسە قارالاتىن كۇدىكتى مامىلەنىڭ ءمانى بولىپ تابىلاتىن باعالى قاعازدىڭ بازالىق اكتيۆىنىڭ ەميتەنتىنە قاتىستى ۇلەستەس ساراپتاما كوميتەتىنىڭ مۇشەلەرى داۋىس بەرۋگە قاتىسپايدى. 16. ساراپتاما كوميتەتىنىڭ قورىتىندىسى ونىڭ كۇدىكتى مامىلەلەر باعالى قاعازدار نارىعىندا ايلا-شارعى جاساۋ ماقساتىندا جاسالعان دەپ جورامالداۋىنا قاجەتتى جانە جەتكىلىكتى نەگىزدەردىڭ بولۋىنا قاتىستى پىكىرىنىڭ كورىنىسى بولىپ تابىلادى. ساراپتاما كوميتەتىنىڭ قورىتىندىسىنا ساراپتاما كوميتەتى توراعاسىنىڭ قولى قويىلادى جانە قور بيرجاسى كۇدىكتى مامىلە انىقتالعان كۇننەن باستاپ 15 (ون بەس) جۇمىس كۇنىنەن كەشىكتىرمەي ونى ۋاكىلەتتى ورگانعا جىبەرەدى. ساراپتاما كوميتەتىنىڭ قورىتىندىسىندا بار اقپاراتقا باعالى قاعازدار نارىعىنداعى كوممەرتسيالىق قۇپيادان تۇراتىن اقپارات كىرمەيدى 17. ساراپتاما كوميتەتىنىڭ مۇشەلەرى ساراپتاما كوميتەتىنىڭ جۇمىسىنا قاتىسۋ بارىسىندا العان اقپاراتتىڭ, ونىڭ ىشىندە كوممەرتسيالىق جانە قازاقستان رەسپۋبليكاسىنىڭ زاڭناماسىنا سايكەس زاڭمەن قورعالاتىن وزگە دە قۇپيا اقپاراتتىڭ كونفيدەنتسيالدىلىعىن قامتاماسىز ەتەدى. 18. وسى قاعيدالاردا رەتتەلمەگەن ماسەلەلەر بويىنشا ساراپتاما كوميتەتىنىڭ جۇمىس ءتارتىبى قور بيرجاسىنىڭ ىشكى قۇجاتتارىمەن ايقىندالادى. 19. ۇيىمداستىرىلعان باعالى قاعازدار نارىعىندا باعالى قاعازدارمەن جانە باسقا دا قارجى قۇرالدارىمەن جاسالعان مامىلەنى باعالى قاعازدار نارىعىندا ايلا-شارعى جاساۋ ماقساتىندا جاسالعان دەپ تانۋ ۋاكىلەتتى ورگان ساراپتاما كوميتەتىنىڭ قورىتىندىسىن قاراۋ ناتيجەلەرى بويىنشا جۇزەگە اسىرادى جانە ۋاكىلەتتى ورگاننىڭ ءبىرىنشى باسشىسىنىڭ نەمەسە ونىڭ ورىنباسارىنىڭ بۇيرىعىمەن رەسىمدەلەدى. 20. ۇيىمداستىرىلماعان باعالى قاعازدار نارىعىندا باعالى قاعازدارمەن جانە باسقا دا قارجى قۇرالدارىمەن جاسالعان مامىلەنى باعالى قاعازدار نارىعىندا ايلا-شارعى جاساۋ ماقساتىندا جاسالعان دەپ تانۋ ۋاكىلەتتى ورگان: 1) ساراپتاما كوميتەتىنىڭ پىكىرىن قاراۋ (بار بولسا – ۇيىمداستىرىلماعان باعالى قاعازدار نارىعىندا جاسالعان مامىلە تۋرالى اقپارات ساراپتاما كوميتەتىنىڭ قاراۋىنا جىبەرىلگەن جاعدايدا); 2) باعالى قاعازدار نارىعىنىڭ كاسىبي قاتىسۋشىلارىنىڭ ەسەپتەرىندەگى, باعالى قاعازدار نارىعى سۋبەكتىلەرىنىڭ, مەملەكەتتىك ورگانداردىڭ نەمەسە جەكە جانە زاڭدى تۇلعالاردىڭ حاتتارىنداعى (ارىزدارىنداعى, شاعىمدارىنداعى, وتىنىشتەرىندەگى), بۇقارالىق اقپارات قۇرالدارىنىڭ جاريالانىمدارىنداعى اقپاراتتى قاراۋ قورىتىندىلارى بويىنشا, سونداي-اق باعالى قاعازدار نارىعى سۋبەكتىلەرىنىڭ قىزمەتىن تەكسەرۋ ناتيجەلەرى بويىنشا جۇزەگە اسىرادى. 21. ۇيىمداستىرىلماعان باعالى قاعازدار نارىعىندا باعالى قاعازدارمەن جانە باسقا دا قارجى قۇرالدارىمەن جاسالعان مامىلەنى باعالى قاعازدار نارىعىندا ايلا-شارعى جاساۋ ماقساتىندا جاسالعان دەپ تانۋ تۋرالى شەشىم ۋاكىلەتتى ورگاننىڭ ءبىرىنشى باسشىسىنىڭ نەمەسە ونىڭ ورىنباسارىنىڭ بۇيرىعىمەن رەسىمدەلەدى. 22. ۋاكىلەتتى ورگان باعالى قاعازدار نارىعىندا ايلا-شارعى جاساۋ ماقساتىندا جاسالعان دەپ تانىلعان باعالى قاعازدارمەن جانە باسقا دا قارجى قۇرالدارىمەن جاسالعان مامىلەنىڭ تاراپتارىن وسىنداي تانۋ تۋرالى قاعيدالاردىڭ 19 جانە 21-تارماقتارىندا كورسەتىلگەن بۇيرىققا قول قويىلعان كۇننەن باستاپ 10 (ون) جۇمىس كۇنى ىشىندە جازباشا حاباردار ەتەدى. قاۋلى قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13333 بولىپ ەنگىزىلدى.