قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  № 11

2016 جىلعى 28 قاڭتار, الماتى قالاسى ورتالىق كونتراگەنتتىڭ تاۋەكەلدەردى باسقارۋ جۇيەسىنە, ورتالىق كونتراگەنتتىڭ تاۋەكەلدەرى مونيتورينگىنىڭ, ولاردى باقىلاۋ مەن باسقارۋدىڭ شارتتارى مەن تارتىبىنە قويىلاتىن تالاپتاردى بەكىتۋ تۋرالى «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان ورتالىق كونتراگەنتتىڭ تاۋەكەلدەردى باسقارۋ جۇيەسىنە, ورتالىق كونتراگەنتتىڭ تاۋەكەلدەرى مونيتورينگىنىڭ, ولاردى باقىلاۋ مەن باسقارۋدىڭ شارتتارى مەن تارتىبىنە قويىلاتىن تالاپتار بەكىتىلسىن. 2. باقىلاۋ جانە قاداعالاۋ ءادىسناماسى دەپارتامەنتى ء(ابدىراحمانوۆ ن.ا.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (Cارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا: قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا; قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونى قازاقستان رەسپۋبليكاسىنىڭ ۇلتتىق بانكى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن. 3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن. 5. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەننەن سوڭ قولدانىسقا ەنگىزىلەدى. ۇلتتىق بانك توراعاسى د.اقىشەۆ قازاقستان رەسپۋبليكاسىنىڭ ۇلتتىق بانكى باسقارماسىنىڭ 2016 جىلعى 28 قاڭتارداعى № 11 قاۋلىسىمەن بەكىتىلگەن ورتالىق كونتراگەنتتىڭ تاۋەكەلدەردى باسقارۋ جۇيەسىنە, ورتالىق كونتراگەنتتىڭ تاۋەكەلدەرى مونيتورينگىنىڭ, ولاردى باقىلاۋ مەن باسقارۋدىڭ شارتتارى مەن تارتىبىنە قويىلاتىن تالاپتار 1. وسى ورتالىق كونتراگەنتتىڭ تاۋەكەلدەردى باسقارۋ جۇيەسىنە, ورتالىق كونتراگەنتتىڭ تاۋەكەلدەرى مونيتورينگىنىڭ, ولاردى باقىلاۋ مەن باسقارۋدىڭ شارتتارى مەن تارتىبىنە قويىلاتىن تالاپتار (بۇدان ءارى – تالاپتار) «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – باعالى قاعاز­دار رىنوگى تۋرالى زاڭ) سايكەس ازىرلەندى جانە ورتالىق كونتراگەنتتىڭ تاۋەكەلدەردى باسقارۋ جۇيەسىنە, ورتالىق كونترا­گەنتتىڭ تاۋەكەلدەر مونيتورينگىنىڭ شارتتارى مەن تارتىبىنە, باقىلاۋ مەن باسقارۋعا قويىلاتىن تالاپتاردى بەلگىلەيدى. 2. تالاپتاردا مىناداي ۇعىمدار پايدالانىلادى: باعا تاۋەكەلi – قارجى قۇرالدارى قۇنىنىڭ قارجى قۇرالدارىنىڭ, تاۋارلاردىڭ نارىقتىق قۇنىنا اسەر ەتەتىن قارجى نارىعىنىڭ تالاپتارى وزگەرگەن جاعدايدا تۋىندايتىن وزگەرۋى سالدارىنان شىعىستاردىڭ (زياننىڭ) تۋىنداۋ تاۋەكەلى; بەدەل تاۋەكەلi – قوعامدا ورتالىق كونتراگەنتتىڭ قارجىلىق سەنىمدىلىگى, كورسەتىلەتىن قىزمەتتەردىڭ ساپاسى نەمەسە جالپى العاندا ورتالىق كونتراگەنت قىزمەتىنىڭ سيپاتى تۋرالى جاعىمسىز پىكىر قالىپتاسۋى سالدارىنان كليەنتتىك بازانىڭ تارىلۋى, وزگە دە دامۋ كورسەتكىشتەرىنىڭ تومەندەۋى ناتيجەسىندە زالالداردىڭ تۋىنداۋ, جوسپارلانعان كىرىستەردىڭ الىنباۋ ىقتيمالدىعى; ۆاليۋتالىق تاۋەكەل – ورتالىق كونتراگەنت ءوز قىزمەتiن جۇزەگە اسىرعان كەزدە شەتەل ۆاليۋتالارى باعامدارىنىڭ جاعىمسىز وزگەرiستەرى سالدارىنان قارجىلاي شىعىنداردىڭ تۋىنداۋ ىقتيمالدىعى; ەسەپ ايىرىسۋ ۇيىمى – قارجى قۇرالدارىمەن مامىلەلەر بويىنشا ەسەپ ايىرىسۋلاردى (تولەمدەردى) ۇيىمداستىرۋدى جۇزەگە اسىراتىن ۇيىم; كەپىلدىك بەرۋ قورى – ورتالىق كونتراگەنتتىڭ كليەنتتەرى اكتيۆتەرىنىڭ ەسەبىنەن قالىپتاستىرىلعان قاراجات; كرەديتتىك تاۋەكەل – كونتراگەنتتىڭ كەلىسىلگەن تالاپتارعا سايكەس ءوز مىندەتتەمەلەرىن ورىنداماۋى سالدارىنان تۋىندايتىن زالالداردىڭ تۋىنداۋ ىقتيمالدىعى; قۇقىقتىق تاۋەكەل – مىنالاردىڭ: كونتراگەنتتىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەردىڭ تالاپتارىن, سونداي-اق جاساسقان شارتتاردىڭ تالاپتارىن بۇزۋى; قۇقىقتىق جۇيەنىڭ جەتىلدىرىلمەۋى (زاڭناما قايشىلىعى, ورتالىق كونتراگەنت قىزمەتىنىڭ بارىسىندا تۋىندايتىن جەكەلەگەن ماسەلەلەردى رەتتەۋ بويىنشا قۇقىقتىق نورمالاردىڭ بولماۋى); قىزمەتىن جۇزەگە اسىرۋ كەزىندە قۇقىقتىق قاتەلەر جىبەرۋ (دۇرىس ەمەس زاڭدىق كونسۋلتاتسيالار نەمەسە قۇجاتتاردى دۇرىس جاساماۋ, ونىڭ ىشىندە سوت ورگاندارىندا داۋلى ماسەلەلەردى قاراۋ كەزىندە); ورتالىق كونتراگەنتتىڭ قازاقستان رەسپۋبليكاسى زاڭناماسىنىڭ, ال قازاقستان رەسپۋبليكاسىنىڭ بەيرەزيدەنتتەرىمەن قاتىناستاردا – باسقا مەملەكەتتەردىڭ قولدانىلاتىن زاڭناماسىنىڭ تالاپتارىن ساقتاماۋى; ورتالىق كونتراگەنتتىڭ جاساسقان شارتتاردىڭ تالاپتارىن ساقتاماۋى سالدارىنان زالالداردىڭ تۋىنداۋ ىقتيمالدىعى; وپەراتسيالىق تاۋەكەل – بارابار ەمەس نەمەسە جەتكىلىكسىز ىشكى پروتسەستەر, ادام رەسۋرستارى مەن جۇيەلەرى نەمەسە سىرتقى وقيعالار ناتيجەسىندە زالالداردىڭ تۋىنداۋ ىقتيمالدىعى, ونىڭ ىشىندە: اقپاراتتىق تەحنولوگيالار سالاسىنداعى بارابار ەمەس ستراتەگيالار, ساياساتتار جانە (نەمەسە) ستاندارتتار, باعدارلامالىق قامتاماسىز ەتۋدى پايدالانۋداعى كەمشىلىكتەر ناتيجەسىندە تۋىنداعان تاۋەكەل; بارابار ەمەس اقپاراتقا نە ونى تيىسىنشە پايدالانباۋعا بايلانىستى تاۋەكەل; بيزنەس-پروتسەستەردىڭ بارابار ەمەس قۇرىلۋىنا نە ىشكى قۇجاتتار مەن قاعيدالاردىڭ ساقتالۋىنىڭ ءالسىز باقىلانۋىنا بايلانىستى تاۋەكەل; جاۋاپكەرشىلىكتى ءبولۋدى, ەسەپتىلىك پەن باسقارۋدىڭ قۇرىلىمىن قوسا العاندا, ورتالىق كونتراگەنتتىڭ بەلگىسىز, بارابار ەمەس ۇيىمدىق قۇرىلىمىمەن بايلانىستى تاۋەكەل; قىزمەتكەرلەردى تيىسىنشە باسقارماۋعا جانە (نەمەسە) ورتالىق كونتراگەنتتىڭ بىلىكسىز قىزمەتكەرلەرىنە بايلانىستى تاۋەكەل; ورتالىق كونتراگەنتتىڭ ىشكى قۇجاتتارىنىڭ زاڭنامانىڭ تالاپتارىنا سايكەس كەلمەۋىنە بايلانىستى تاۋەكەل; ورتالىق كونتراگەنتتىڭ قىزمەتىنە تەرىس اسەر ەتۋى مۇمكىن بانك قىزمەتكەرلەرىنىڭ ءىس-ارەكەتتەرىنە, الاياقتىققا بايلانىستى تاۋەكەل; ورتالىق كونتراگەنتتىڭ وپەراتسيالارىنا سىرتقى ىقپال ەتۋدىڭ بولجانباعان نەمەسە باقىلانبايتىن فاكتورلارى تۋدىرعان تاۋەكەل; ورتالىق كونتراگەنتتىڭ – كليرينگتىك ۇيىم, ورتالىق دەپوزيتاري, قور بيرجاسى نەمەسە قور بيرجاسىنىڭ ساۋدا جۇيەسىندە مامىلەلەر جاساۋ كەزىندە ورتالىق كونتراگەنتتىڭ فۋنكتسيالارىن جۇزەگە اسىراتىن وزگە ۇيىم; ورتالىق كونتراگەنتتىڭ مەنشىكتى اكتيۆتەرى – ورتالىق كونتراگەنتتىڭ جارعىلىق كاپيتالىن, ورتالىق كونتراگەنتتىڭ رەزەرۆتىك قورىن قوسا العاندا, ورتالىق كونتراگەنتتىڭ اكتيۆتەرى, سونداي-اق ورتالىق كونتراگەنتتىڭ كليەنتتەرىنىڭ اقشاسى مەن قارجى قۇرالدارىن قوسپاعاندا, ورتالىق كونتراگەنتتىڭ قىزمەتىنە تۇسەتىن پايدا ەسەبىنەن قالىپتاستىرىلعان اكتيۆتەر; وتiمدiلiكتى جوعالتۋ تاۋەكەلi – ورتالىق كونتراگەنتتىڭ ءوز مىندەتتەمەلەرىن ايتارلىقتاي شىعىندار شەكپەستەن بەلگىلەنگەن مەرزىمدە ورىنداۋعا قابىلەتسىزدىگى ناتيجەسىندە زالالداردىڭ تۋىنداۋ ىقتيمالدىعى; پايىزدىق تاۋەكەل – اكتيۆتەر, پاسسيۆتەر مەن بالانستان تىس قۇرالدار بويىنشا نارىقتىق پايىزدىق مولشەرلەمەلەردىڭ جاعىمسىز وزگەرۋى سالدارىنان قارجىلاي زالالداردىڭ تۋىنداۋ ىقتيمالدىعى; رەزەرۆتىك قور – ورتالىق كونتراگەنتتىڭ مەنشىكتى اكتيۆتەرىنىڭ ەسەبىنەن قالىپتاستىرىلعان جانە ورتالىق كونتراگەنت قىزمەتىنىڭ تاۋەكەلدەرىن تومەندەۋگە ارنالعان قاراجات; سترەسس-تەستينگ – ورتالىق كونتراگەنتتىڭ قىزمەتىنە ىقپال ەتەتىن ورتالىق كونتراگەنتتىڭ قارجىلىق جاعدايىنا ەرەكشە بولاتىن, بىراق ىقتيمال وقيعالاردىڭ الەۋەتتى ىقپال ەتۋدى ولشەۋ ادىستەرى; تاۋەكەل – كۇتىلەتىن نەمەسە بولجانباعان وقيعالار ورتالىق كونتراگەنتكە, ونىڭ كاپيتالىنا نەمەسە كىرىستەرىنە جاعىمسىز اسەر ەتەتىن ىقتيمالدىق; ۋاكىلەتتى ورگان – قارجى نارىعى مەن قارجى ۇيىمدارىن رەتتەۋ, باقىلاۋ جانە قاداعالاۋ جونىندەگى ۋاكىلەتتى ورگان. 3. ورتالىق كونتراگەنتتىڭ ديرەكتورلار كەڭەسى تاۋەكەلدەردى باسقارۋ جۇيەسىنىڭ تالاپتارعا سايكەس كەلۋىن قامتاماسىز ەتەدى جانە ورتالىق كونتراگەنت ورگاندارىنىڭ, بولىمشەلەرىنىڭ جانە قىزمەتكەرلەرىنىڭ ولارعا تاۋەكەلدەردى باسقارۋ سالاسى بويىنشا جۇكتەلگەن مىندەتتەردى ورىنداۋى ءۇشىن جاعدايلار جاسايدى. 4. ورتالىق كونتراگەنتتىڭ تاۋەكەلدەردى باسقارۋ جۇيەسىنە قويىلاتىن تالاپتار بىلايشا بولىنەدى: 1) تاۋەكەلدەردى باسقارۋ جۇيەسىنىڭ بولۋىنا قويىلاتىن بازالىق تالاپتار; 2) ۇيىمدىق قۇرىلىمىنا قويىلاتىن تالاپتار; 3) مونيتورينگكە, باقىلاۋعا جانە تاۋەكەلدەردى باسقارۋ تارتىبىنە قويىلاتىن تالاپتار; 4) مەنشىكتى اكتيۆتەر ەسەبىنەن قارجى قۇرالدارىمەن مامىلەلەردى جۇزەگە اسىرۋ بويىنشا قىزمەتىن ۇيىمداستىرۋعا قويىلاتىن تالاپتار; 5) ىشكى باقىلاۋ جۇيەسىنىڭ بولۋىنا قويىلاتىن تالاپتار. 5. ورتالىق كونتراگەنت جىل سايىن ەسەپتى جىلدان كەيىنگى جىلدىڭ 1 ء(بىرىنشى) شىلدەسىنەن كەشىكتىرمەي ۋاكىلەتتى ورگانعا تالاپتارعا قوسىمشاعا سايكەس نىسان بويىنشا تاۋەكەلدەردى باسقارۋ جۇيەسىنە قويىلاتىن تالاپتاردىڭ ورىندالۋىن باعالاۋ بويىنشا ەسەپ بەرەدى. 6. ورتالىق كونتراگەنت تالاپتاردىڭ 30-تارماعىنىڭ 1), 2), 3), 4), 5) جانە 6) تارماقشالارىندا كورسەتىلگەن تاۋەكەلدەردىڭ تۇرلەرى بويىنشا ورتالىق كونتراگەنتتىڭ تاۋەكەلدەردى باسقارۋ جونىندەگى ساياساتىندا كوزدەلگەن تارتىپپەن اي سايىن سترەسس-تەستينگ جۇرگىزەدى. 7. تالاپتاردىڭ 30-تارماعىنىڭ 1), 2), 3), 4) جانە 5) تارماقشالارىندا كورسەتىلگەن تاۋەكەلدەر بويىنشا سترەسس-تەستينگ ناتيجەلەرى ورتالىق كونتراگەنتتىڭ تاۋەكەلدەردى باسقارۋ جونىندەگى ساياساتىندا بەلگىلەنگەن تارتىپپەن رەسىمدەلەدى جانە توقسانىنا كەمىندە ءبىر رەت, ەسەپتى توقساننان كەيىنگى ايدىڭ 5 (بەسىنشى) جۇمىس كۇنىنەن كەشىكتىرمەيتىن مەرزىمدە ۋاكىلەتتى ورگانعا ۇسىنىلادى. 8. وپەراتسيالىق تاۋەكەل بويىنشا سترەسس-تەستينگ ناتيجەلەرى ورتالىق كونتراگەنتتىڭ تاۋەكەلدەردى باسقارۋ جونىندەگى ساياساتىندا بەلگىلەنگەن تارتىپپەن رەسىمدەلەدى جانە جارتىجىلدىقتا كەمىندە ءبىر رەت, ەسەپتى جارتىجىلدىقتان كەيىنگى ايدىڭ 5 (بەسىنشى) جۇمىس كۇنىنەن كەشىكتىرمەيتىن مەرزىمدە ۋاكىلەتتى ورگانعا ۇسىنىلادى. 9. ورتالىق كونتراگەنتتە تاۋەكەلدەردى باسقارۋ جۇيەسىنىڭ بولۋى ورتالىق كونتراگەنت قىزمەتىنىڭ كورپوراتيۆتىك باسقارۋ تالاپتارىنا سايكەس كەلۋىن, باعالى قاعازدار نارىعىندا قىزمەتتىڭ كاسىبي ءتۇرىن جۇزەگە اسىرۋ شەڭبەرىندە وپەراتسيالار جۇرگىزۋ تاجىريبەسىنىڭ بولۋىن كوزدەيدى. 10. ورتالىق كونتراگەنتتىڭ تاۋەكەلدەردى باسقارۋ جۇيەسى ءوز قىزمەتىندە مىناداي باعىتتاردى قامتيدى: 1) ساۋدا-ساتتىق, قور بيرجاسى, ورتالىق دەپوزيتاري جانە (نەمەسە) وزگە ەسەپ ايىرىسۋشى ۇيىم قاتىسۋشىلارى ۇسىناتىن اقپاراتتى جيناۋ, ەنگىزۋ, ساقتاۋ جانە تاراتۋ; 2) قور بيرجاسىنىڭ ساۋدا جۇيەسىندە جاسالعان ساۋدا-ساتتىق جانە مامىلەلەر, سونداي-اق كليرينگ بويىنشا اقپارات جيناۋ, تالداۋ جانە ساقتاۋ; 3) ورتالىق كونتراگەنتتىڭ مۇددەلى ورگاندارىنىڭ شەشىمدەر قابىلداۋى جانە ورتالىق كونتراگەنتتىڭ ورگاندارى مەن بولىمشەلەرى اراسىندا اقپارات الماسۋ ءۇشىن اقپارات ۇسىنۋ; 4) ورتالىق كونتراگەنتتىڭ مەنشىكتى اكتيۆتەرىن قارجى قۇرالدارىنا ينۆەستيتسيالاۋ; 5) ارنايى رەزەرۆتىك جانە (نەمەسە) كەپىلدىك بەرۋ قورلارىن قۇرۋ جانە پايدالانۋ; 6) ورتالىق كونتراگەنتتى باسقارۋدىڭ ۇيىمدىق قۇرىلىمىن قۇرۋ جانە جەتىلدىرۋ; 7) ساۋدا-ساتتىققا قاتىسۋشىلارمەن جۇمىستى ۇيىمداستىرۋ ءتارتىبىن انىقتاۋ, ونىڭ ىشىندە داۋلاردى قاراۋ جانە شەشۋ, سونداي-اق ساۋدا-ساتتىققا قاتىسۋشىلاردىڭ ءوز مىندەتتەمەلەرىن ورىنداماعان جاعدايىندا ءتيىستى شارالار قولدانۋ راسىمدەرىن ايقىنداۋ; 8) مىناداي ادىستەردىڭ كومەگىمەن تاۋەكەلدەردى انىقتاۋ جانە سايكەستەندىرۋ: پروتسەستىڭ ۇزدىكسىز, ءۇزىلىسسىز بولۋىن قامتاماسىز ەتۋ ماقساتىندا ورتالىق كونتراگەنتتىڭ جۇيەسىنە تۇراقتى مونيتورينگ جۇرگىزۋ; ورتالىق كونتراگەنتتىڭ پايدالانىلاتىن باعدارلامالىق-تەحنيكالىق قامتاماسىز ەتۋىنىڭ ءاۋديتى; ورتالىق كونتراگەنتتىڭ قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىندا جانە ورتالىق كونتراگەنتتىڭ تاۋەكەلدەردى باسقارۋ سالاسى جونىندەگى ساياساتىندا بەلگىلەگەن تالاپتاردى ساقتاۋ مونيتورينگى; ساۋدا-ساتتىققا كليرينگ قاتىسۋشىلارىنىڭ قارجىلىق جاي-كۇيىنىڭ, سونداي-اق ولاردىڭ ورتالىق كونتراگەنتتىڭ ىشكى قۇجاتتار تالاپتارىنا سايكەس كەلۋ مونيتورينگى; ورتالىق كونتراگەنتتىڭ تاۋەكەلدەردى باسقارۋ سالاسى جونىندەگى ساياساتىندا كوزدەلگەن تارتىپپەن سترەسس-تەستينگ وتكىزۋ; 9) ىشكى قۇجاتتاردى ازىرلەۋ جانە بەكىتۋ. 11. تاۋەكەلدەردى باسقارۋ جۇيەسىندە مىناداي ىشكى قۇجاتتاردىڭ بولۋى كوزدەلەدى, بىراق ونىمەن شەكتەلمەيدى: 1) ورتالىق كونتراگەنتتىڭ تاۋەكەلدەردى باسقارۋ جونىندەگى ساياساتتارى; 2) ورتالىق كونتراگەنتتىڭ مەنشىكتى اكتيۆتەرىن ينۆەستيتسيالاۋ ءتارتىبى; 3) ارنايى رەزەرۆتىك جانە (نەمەسە) كەپىلدىك بەرۋ قورلارىن قالىپتاستىرۋ, سونداي-اق پايدالانۋ ءتارتىبى مەن تالاپتارى; 4) ىشكى باقىلاۋدى جانە ىشكى ءاۋديتتى جۇزەگە اسىرۋ راسىمدەرى; 5) ورتالىق كونتراگەنتتە ورىن العان جانە الەۋەتتى مۇددەلەر قاقتىعىسىن باسقارۋ راسىمدەرى; 6) ورتالىق كونتراگەنتتىڭ باسشى جانە وزگە قىزمەتكەرلەرىنىڭ ينسايدەرلىك اقپاراتتى جانە باعالى قاعازدار نارىعىندا كوممەرتسيالىق قۇپيانى قۇرايتىن اقپاراتتى پايدالانۋىنا جول بەرمەۋگە باعىتتالعان راسىمدەر; 7) ساۋدا-ساتتىققا قاتىسۋشىلاردىڭ ساۋدا-ساتتىققا قاتىسۋشىلار رەتىندەگى قىزمەتىنىڭ ءتارتىبىن رەتتەيتىن قازاقستان رەسپۋبليكاسىنىڭ باعالى قاعازدار نارىعى تۋرالى زاڭناماسىنىڭ, ورتالىق كونتراگەنتتىڭ ىشكى قۇجاتتارىنىڭ تالاپتارىنا جانە ساۋدا-ساتتىق قاتىسۋشىلاردىڭ قارجىلىق جاعدايىنا قويىلاتىن تالاپتارعا سايكەس كەلۋ مونيتورينگى مەن باقىلاۋ تالاپتارى جانە ءتارتىبى; 8) ساۋدا-ساتتىققا قاتىسۋشىلارعا قويىلاتىن تالاپتار; 9) ورتالىق كونتراگەنتتىڭ اقپاراتتىق ساياساتى. 12. ورتالىق كونتراگەنتتىڭ تاۋەكەلدەردى باسقارۋ جونىندەگى ساياساتى: 1) ورتالىق كونتراگەنتتىڭ ديرەكتورلار كەڭەسىنىڭ, باسقارماسىنىڭ, ورتالىق كونتراگەنتتىڭ تاۋەكەلدەردى باسقارۋ جونىندەگى جاۋاپتى بولىمشەسىنىڭ جانە ورتالىق كونتراگەنتتىڭ ساۋدا-ساتتىققا قاتىسۋشىلارعا مونيتورينگ جانە باقىلاۋ جاساۋ جونىندەگى جاۋاپتى بولىمشەسىنىڭ وكىلەتتىلىكتەرى مەن فۋنكتسيونالدىق مىندەتتەرىن, سونداي-اق وسى ورگاندار مەن بولىمشەلەردىڭ اراسىندا اقپارات الماسۋ ءتارتىبىن; 2) ورتالىق كونتراگەنتتىڭ قىزمەتىنە جانە ونىڭ جۇيەسىنىڭ جۇمىس ىستەۋىنە بايلانىستى تاۋەكەلدەر كورسەتكىشتەرىنىڭ ساندىق ءمانىن انىقتاۋ ءتارتىبىن قوسا العاندا, تاۋەكەلدەردى سايكەستەندىرۋ جانە باعالاۋ جونىندەگى راسىمدەردى; 3) سترەسس-تەستينگ جۇرگىزۋ جونىندەگى راسىمدەردى, سونداي-اق تاۋەكەلدەر كورسەتكىشتەرىنىڭ بارىنشا جوعارى قولجەتىمدى ءمانىن بەلگىلەۋ جونىندەگى راسىمدەردى; 4) ورتالىق كونتراگەنتتىڭ قىزمەتىنە جانە ونىڭ جۇيەسىنىڭ جۇمىس ىستەۋى بارىسىندا تۋىندايتىن تاۋەكەلدەردى باسقارۋ جونىندەگى شارالاردى; 5) وسى تارماقتىڭ 2) تارماقشاسىندا بەلگىلەنگەن راسىمدەر تيىمدىلىگى, ورتالىق كونتراگەنتتىڭ تاۋەكەلدەر كورسەت­كىشتەرىنىڭ ماندەرىن جانە تاۋەكەلدەردى باسقارۋ جونىندەگى شارالاردى باعالاۋدىڭ بارابارلىعى مونيتورينگىنىڭ تەتىگىن; 6) وسى تارماقتىڭ 2) تارماقشاسىندا بەلگىلەنگەن راسىمدەرگە جانە وسى تارماقتىڭ 3) تارماقشاسىندا شارالارعا سايكەس كەلمەگەن جاعدايدا قابىلداناتىن شارالار تيىمدىلىگى مونيتورينگىنىڭ تەتىگىن; 7) تاۋەكەلدەر مونيتورينگى, باعالاۋ جانە باقىلاۋ جونىندەگى راسىمدەردى, ونىڭ ىشىندە: ورتالىق كونتراگەنتتىڭ تاۋەكەلدەردى باسقارۋ جونىندەگى جاۋاپتى بولىمشەسىنىڭ ورتالىق كونتراگەنتتىڭ باسقا بولىمشەلەرىمەن بىرلەسە وتىرىپ, تاۋەكەلدەر مونيتورينگى بويىنشا قابىلدايتىن شارالارىن; تاۋەكەلدەردىڭ تۋىنداۋ جيىلىگىن باعالاۋدى, وسى تاۋەكەلدەردىڭ ىقپالىنان بولعان اسەرلەردى كەيىننەن رانجيرلەۋدى جانە تاۋەكەلدەر كورسەتكىشتەرىنىڭ جول بەرىلەتىن ەڭ جوعارى ماندەرىن بەلگىلەۋدى قوسا العاندا, ورتالىق كونتراگەنتتىڭ تاۋەكەلدەردى باسقارۋ جونىندەگى جاۋاپتى بولىمشەسى جۇزەگە اسىراتىن تاۋەكەلدەردى باعالاۋدى; ورتالىق كونتراگەنت تاۋەكەلدەرى كورسەتكىشتەرى ماندەرىنىڭ جانە وسى كورسەتكىشتەردىڭ جول بەرىلەتىن ەڭ جوعارى ماندەرىنىڭ وزگەرۋىنە, سونداي-اق تاۋەكەلدەر كورسەتكىشتەرىنىڭ ماندەرى تاۋەكەلدەر كورسەتكىشتەرىنىڭ جول بەرىلەتىن ەڭ جوعارى ماندەرىنە سايكەس كەلمەگەن جاعدايدا, تاۋەكەلدەردى بارىنشا ازايتۋ ماقساتىندا قابىلداناتىن شارالارعا مونيتورينگ جاساۋدى قامتيتىن, ورتالىق كونتراگەنتتىڭ تاۋەكەلدەردى باسقارۋ جونىندەگى جاۋاپتى بولىمشەسى جۇرگىزەتىن تاۋەكەلدەر مونيتورينگى; ديرەكتورلار كەڭەسىنە ورتالىق كونتراگەنتتىڭ ساۋدا-ساتتىققا قاتىسۋشىلار, فۋنكتسياسىنا وسىنداي جاعدايلاردى انىقتاۋ كىرەتىن بولىمشە قور بيرجاسىنىڭ ساۋدا جۇيەسىندە جاساعان مامىلەلەر بويىنشا جاۋاپكەرشىلىگىنە اكەلۋى مۇمكىن كەز-كەلگەن ماڭىزدى جاعدايلار تۋرالى دەرەۋ ەسەپتىلىك ۇسىنۋ تەتىگىن; ساۋدا-ساتتىققا قاتىسۋشىلار تاۋەكەلدەرىنىڭ كورسەتكىشتەرى ماندەرىنىڭ جانە تاۋەكەلدەردىڭ وسى كورسەتكىشتەرىنىڭ جول بەرىلەتىن ەڭ جوعارى ماندەرىنىڭ وزگەرۋىنە, سونداي-اق تاۋەكەلدەر كورسەتكىشتەرىنىڭ ماندەرى تاۋەكەلدەر كورسەت­كىشتەرىنىڭ جول بەرىلەتىن ەڭ جوعارى ماندەرىنە سايكەس كەلمەگەن جاعدايدا, تاۋەكەلدەردى بارىنشا ازايتۋ ماقساتىندا قابىلداناتىن شارالارعا مونيتورينگ جاساۋدى قامتيتىن, ورتالىق كونتراگەنتتىڭ ساۋدا-ساتتىققا قاتىسۋشىلارعا مونيتورينگ جانە باقىلاۋ جاساۋ جونىندەگى جاۋاپتى بولىمشەسى جۇرگىزەتىن تاۋەكەلدەر مونيتورينگىن ايقىندايدى. 13. ورتالىق كونتراگەنتتىڭ مەنشiكتi اكتيۆتەرiن ينۆەستيتسيالاۋدىڭ ءتارتiبi مەنشiكتi اكتيۆتەر ەسەبiنەن قارجى قۇرالدارىمەن مامiلەلەردi جۇزەگە اسىرۋدىڭ تالاپتارى مەن ءتارتiبiن, مەنشiكتi اكتيۆتەر ەسەبiنەن قارجى قۇرالدارىمەن مامiلەلەردi جۇزەگە اسىرۋ بارىسىندا قولدانىلاتىن قۇجاتتاردىڭ ۇلگى نىساندارىن بەلگiلەيدi جانە مىنالاردى: 1) ورتالىق كونتراگەنتتىڭ مەنشiكتi اكتيۆتەرiن ينۆەستيتسيالاۋ ساياساتىن ازiرلەۋ; 2) ورتالىق كونتراگەنتتىڭ مەنشiكتi اكتيۆتەرiنە قاتىستى, مىنالاردى: ۇسىنىمدار بەرۋگە ۋاكiلەتتi تۇلعالار لاۋازىمدارىنىڭ تiزبەسiن; ينۆەستيتسيالىق پورتفەلدiڭ جاي-كۇيiن تالداۋدى جۇزەگە اسىرۋ ءتارتiبiن; ينۆەستيتسيالاۋدى جۇزەگە اسىرۋ بولجاناتىن قارجى قۇرالدارىنىڭ بولۋىن, اينالىسى مەن كiرiستiلiگi تالاپتارىن تالداۋدى جۇزەگە اسىرۋ ءتارتiبiن; ينۆەستيتسيالاۋدى جۇزەگە اسىرۋ بولجاناتىن قارجى قۇرالدارىمەن بايلانىستى تاۋەكەلدەردى تالداۋدى جۇزەگە اسىرۋ ءتارتiبiن; ۇسىنىمداردى بەرۋگە ماڭىزدى فاكتورلاردى تالداۋدى جۇزەگە اسىرۋ ءتارتiبiن كوزدەيتiن ينۆەستيتسيالىق شەشiمدەر قابىلداۋ ءۇشiن ۇسىنىمدار دايىنداۋ; 3) ورتالىق كونتراگەنتتىڭ مەنشiكتi اكتيۆتەرiنە قاتىستى ينۆەستيتسيالىق كوميتەت جۇمىسىنىڭ سيپاتتاماسىن, وتىرىستاردى وتكiزۋدiڭ جانە راسiمدەۋدiڭ كەزەڭدiلiگiن قامتيتىن ينۆەستيتسيالىق شەشiمدەردi قابىلداۋ; 4) ورتالىق كونتراگەنت ورگاندارىنىڭ جانە بولىمشەلەرىنىڭ ينۆەستيتسيالىق شەشiمدەردi دايىنداۋ, قابىلداۋ جانە ورىنداۋ بارىسىندا, ونىڭ ىشىندە ورتالىق كونتراگەنت فۋنكتسيالارىن جۇزەگە اسىرۋ اراسىندا الەۋەتتى مۇددەلەر قاقتىعىسىن باسقارۋ جانە ورتالىق كونتراگەنتتىڭ مەنشىكتى اكتيۆتەرىن ينۆەستيتسيالاۋ بويىنشا ءوزارا ءىس-قيمىلى; 5) كومەگi ارقىلى مامiلە جاساۋ بولجاناتىن (وسىنداي بار بولسا) دەلدالمەن (بروكەرمەن) ءوزارا iس-ارەكەت جاساۋ پروتسەستەرiنiڭ سيپاتتاماسى بار مەنشiكتi اكتيۆتەر ەسەبiنەن قارجى قۇرالدارىمەن مامiلەلەردi جاساسۋ جانە ولاردىڭ ورىندالۋىنا باقىلاۋدى جۇزەگە اسىرۋ, مامiلەلەردi جاساسۋعا باقىلاۋ, اكتيۆتەردiڭ قۇرامىن جانە قوزعالىسىن سالىستىرىپ تەكسەرۋدi جۇزەگە اسىرۋ, جاسالعان مامiلەلەردi iشكi ەسەپكە الۋ جانە قۇجات اينالىمىن جۇرگiزۋ, سونداي-اق مەنشiكتi اكتيۆتەر ەسەبiنەن قارجى قۇرالدارىمەن مامiلەلەردi جاساسۋعا باقىلاۋدى جۇزەگە اسىراتىن لاۋازىمدى تۇلعالاردىڭ تiزبەسi; 6) ورتالىق كونتراگەنت باسقارماسىنىڭ مەنشiكتi اكتيۆتەرى ەسەبiنەن جاسالعان قارجى قۇرالدارىمەن وپەراتسيالار جونiندەگi قىزمەتتiڭ ناتيجەلەرى تۋرالى ەسەپتiلiكتi دايىنداۋ بويىنشا راسiمدەردi سيپاتتاۋدى قامتيدى. 14. ورتالىق كونتراگەنتتىڭ مەنشiكتi اكتيۆتەرى ەسەبiنەن قارجى قۇرالدارىمەن مامiلەلەردi جاساۋدى قامتاماسىز ەتۋ ماقساتىندا: مەنشiكتi اكتيۆتەردi ينۆەستيتسيالاۋدىڭ ماقساتتارى مەن ستراتەگياسىن; ينۆەستيتسيالاۋ وبەكتiلەرiنiڭ سيپاتتاماسى مەن تiزبەسiن; قارجى قۇرالدارىنىڭ تۇرلەرi بويىنشا مەنشiكتi اكتيۆتەردi ينۆەستيتسيالاۋ ليميتتەرiن; مەنشiكتi اكتيۆتەر ەسەبiنەن جاسالاتىن قارجى قۇرالدارىمەن مامىلەلەرگە قاتىستى بەلگىلەنگەن تالاپتار مەن شەكتەۋلەردى; حەدجيرلەۋ قۇرالدارىنىڭ تiزبەسiن جانە سيپاتتاماسىن كورسەتە وتىرىپ, مەنشiكتi اكتيۆتەردى حەدجيرلەۋ جانە ءارتاراپتاندىرۋ تالاپتارىن; مەنشiكتi اكتيۆتەردi ينۆەستيتسيالاۋمەن بايلانىستى نەگiزگi تاۋەكەلدەر تۋرالى اقپاراتتى قامتيتىن, بىراق ولارمەن شەكتەلمەيتىن مەنشىكتى اكتيۆتەردى ينۆەستيتسيالاۋ ساياساتى ازىرلەنەدى. 15. ورتالىق كونتراگەنتتىڭ مەنشiكتi اكتيۆتەرiن ينۆەستيتسيالاۋدىڭ ساياساتىن جانە وعان ەنگiزiلەتiن وزگەرiستەر مەن تولىقتىرۋلاردى ورتالىق كونتراگەنتتىڭ ديرەكتورلار كەڭەسi بەكiتەدi. 16. ارنايى رەزەرۆتىك جانە (نەمەسە) كەپىلدىك بەرۋ قورلارىن قالىپتاستىرۋ, سونداي-اق پايدالانۋ ءتارتىبى مەن شارتتارى: 1) ارنايى رەزەرۆتىك جانە (نەمەسە) كەپىلدىك بەرۋ قورلارىنىڭ مولشەرىن ايقىنداۋ جانە باعالاۋ ادىستەمەسىن; 2) ورتالىق كونتراگەنتتىڭ جانە ساۋدا-ساتتىققا قاتىسۋشىلاردىڭ ارنايى رەزەرۆتىك جانە (نەمەسە) كەپىلدىك بەرۋ قورلارىنا جارنالاردى جۇزەگە اسىرۋ ءتارتىبى مەن شارتتارىن; 3) ارنايى رەزەرۆتىك جانە (نەمەسە) كەپىلدىك بەرۋ قورلارىنىڭ تولەمدەرىن جۇزەگە اسىرۋ ءتارتىبى مەن شارتتارىن; 4) ارنايى رەزەرۆتىك جانە (نەمەسە) كەپىلدىك بەرۋ قورلارىنىڭ اكتيۆتەرىن ينۆەستيتسيالاۋ مۇمكىندىگىن, ءتارتىبىن جانە شارتتارىن قامتيدى. 17. جەكە اكتيۆتەر, ونىڭ ىشىندە رەزەرۆتىك قور ەسەبىنەن قارجى قۇرالدارىمەن مامىلەلەردى جۇزەگە اسىرۋ بويىنشا قىزمەتتى ۇيىمداستىرۋعا قويىلاتىن تالاپتار ورتالىق كونتراگەنتتىڭ فۋنكتسيالارىن جۇزەگە اسىراتىن تۇلعالاردىڭ قىزمەتىن رەتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىندا ايقىندالادى. 18. كەپىلدىك بەرۋ قورىنا جارنانىڭ مولشەرىن ورتالىق كونتراگەنت كليرينگكە ەكى قاتىسۋشىنىڭ كليرينگكە جىبەرىلگەن مىندەتتەمەلەرىن كورسەتىلگەن مىندەتەمەلەردىڭ ەڭ كوپ كولەمىمەن ورىنداماعان جاعدايدا, كەپىلدىك بەرۋ قورىنىڭ مولشەرىن ورتالىق كونتراگەنتتىڭ الەۋەتتى زياندارى مولشەرىنەن تومەن ەمەس دەڭگەيدە ۇستاۋ تۇرۋ قاجەتتىلىگىن ەسكەرە وتىرىپ ايقىندايدى. الەۋەتتى زيانداردىڭ مولشەرى توقسان توعىز پايىز سەنىمدىلىك دەڭگەيىنە سايكەس كەلەتىن ولاردىڭ تۋىنداۋ مۇمكىندىگىنە جول بەرىلە وتىرىپ ايقىندالادى. ورتالىق كونتراگەنت كەپىلدىك بەرۋ قورىن قۇرايتىن اقشانى وزىمەن ۇلەستەس ەمەس قازاقستان رەسپۋبليكاسىنىڭ ەكىنشى دەڭگەيدەگى بانكتەرىندەگى سالىمدارعا ورنالاستىرادى. ورتالىق كونتراگەنت قاتىسۋشىلاردىڭ پوزيتسيالارىن اعىمداعى نارىقتىق قۇنى بويىنشا باعالايدى جانە اعىمداعى تاۋەكەلدەردىڭ جيناقتالۋىن شەكتەۋ ءۇشىن كەمىندە كۇنىنە ءبىر رەت قوسىمشا كەپىلدىك بەرۋ دەپوزيتتەرىن (ۆارياتسيالىق مارجانى) الادى. 19. Iشكi اۋديتتi جانە iشكi باقىلاۋدى جۇزەگە اسىرۋ راسiمدەرi: 1) iشكi اۋديت قىزمەتiنiڭ قۇرامىن, ونىڭ فۋنكتسيالارىن, مiندەتتەرi مەن وكiلەتتiكتەرiن; 2) iشكi اۋديتتi جانە iشكi باقىلاۋدى جۇزەگە اسىراتىن قىزمەتكەرلەرگە قويىلاتىن تالاپتاردى; 3) iشكi اۋديت پەن iشكi باقىلاۋدىڭ ءمانiن جانە وبەكتiسىن; 4) iشكi اۋديت قىزمەتiنiڭ تەكسەرۋ جۇرگiزۋ اۋقىمىن جانە جيiلiگiن; 5) iشكi اۋديتتi جۇرگiزۋ كەزiندە تاۋەكەلدەردى باسقارۋ جۇيەسىنىڭ تيىمدىلىگىن باعالاۋ جۇيەسىن مiندەتتi تۇردە پايدالانۋدى; 6) iشكi اۋديتتi جۇرگiزۋ جوسپارىن جاساۋعا قويىلاتىن تالاپتاردى; 7) iشكi اۋديت قىزمەتiنiڭ ورتالىق كونتراگەنتتىڭ ديرەكتورلار كەڭەسىنە تەكسەرۋ ناتيجەلەرi تۋرالى ەسەپتەردى ۇسىنۋ مەرزiمدەرiن جانە نىسانىن ايقىندايدى. 20. ورتالىق كونتراگەنتتىڭ قىزمەتiن جۇزەگە اسىرۋ بارىسىندا ونىڭ ورگاندارىمەن جانە (نەمەسە) بولiمشەلەرi اراسىندا تۋىندايتىن ورتالىق كونتراگەنتتەگى ورىن العان جانە الەۋەتتى مۇددەلەر قاقتىعىسىن باسقارۋ راسiمiنە: 1) تومەندەگىلەردى قامتاماسىز ەتۋگە باعىتتالعان ورتالىق كونتراگەنت ورگاندارىنىڭ شەشiم قابىلداۋ راسiمدەرi: ورتالىق كونتراگەنت ورگاندارىنىڭ مۇشەلەرى قابىلدايتىن شەشiمدەردiڭ تاۋەلسiزدiگiن; ورتالىق كونتراگەنت ورگاندارى مۇشەلەرىنىڭ قابىلداناتىن شەشىمدەرگە مۇددەلى بولماۋىن; ورتالىق كونتراگەنت ورگاندارى مۇشەلەرiنiڭ جانە قىزمەتكەرلەرiنiڭ ورتالىق كونتراگەنت ورگاندارىنىڭ وتىرىستارىن جۇرگىزۋ بارىسىندا الىنعان اقپاراتتى تۇلعالاردىڭ كوپشىلىك توبى اراسىندا وسى اقپاراتتى رەسمي جاريالاعانعا دەيiن, ونى ءوزiنiڭ جەكە ماقساتىندا نە ءۇشiنشi تۇلعالاردىڭ مۇددەسىندە پايدالانۋىن شەكتەۋ; 2) ورتالىق كونتراگەنت ورگاندارىنىڭ وتىرىستارىن جۇرگiزۋ قورىتىندىلارى بويىنشا حاتتامالاردى مiندەتتi جاساۋ مەن ساقتاۋ بويىنشا تالاپتار; 3) ورتالىق كونتراگەنتتىڭ بولiمشەلەرi اراسىندا, ورتالىق كونتراگەنتتىڭ ورگاندارى مەن بولiمشەلەرi اراسىندا, ورتالىق كونتراگەنتتىڭ بولىمشەلەرى اراسىندا ورىن العان جانە الەۋەتتى مۇددەلەر قاقتىعىسىن سيپاتتاۋ; 4) ورىن العان مۇددەلەر قاقتىعىسىن رەتتەۋ ماقساتىندا ورتالىق كونتراگەنتتىڭ جۇرگiزەتiن iس-شارالارى, سونداي-اق الەۋەتتى مۇددەلەر قاقتىعىسىن رەتتەۋگە باعىتتالعان الدىن الۋ شارالارى كىرەدى. 21. ينسايدەرلiك اقپاراتتى جانە باعالى قاعازدار نارىعىندا كوممەرتسيالىق قۇپيانى قۇرايتىن اقپاراتتى ورتالىق كونتراگەنتتىڭ باسشىلارى مەن وزگە قىزمەتكەرلەرىنىڭ پايدالانۋىن بولدىرماۋدى كوزدەيتىن راسىمدەر: 1) ينسايدەرلiك جانە وزگە كونفيدەنتسيالدىق اقپاراتتى ءوزiنiڭ مۇددەسى نەمەسە ءۇشiنشi تۇلعالاردىڭ مۇددەسى ءۇشىن پايدالالانا وتىرىپ مامiلەلەر جاساسۋدى بولدىرماۋعا; 2) قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا, ينسايدەرلiك نەمەسە وعان نەگىزدەلگەن اقپاراتتى ءۇشiنشi تۇلعالارعا بەرۋدى جانە تۇلعالاردىڭ كوپشىلىك توبى اراسىندا ونى تاراتۋدى بولدىرماۋعا; 3) ورتالىق كونتراگەنت قىزمەتكەرلەرiنiڭ ينسايدەرلiك جانە وزگە كونفيدەنتسيالدىق اقپاراتقا نەگىزدەلگەن قارجى قۇرالدارىمەن جاسالعان مامىلەلەر تۋرالى ۇسىنىمداردى ءۇشiنشi تۇلعالار بەرۋ مۇمكiندiگiن شەكتەۋگە; 4) باعالى قاعازدار تۋرالى زاڭنىڭ 56-1-بابىندا كوزدەلگەن ورتالىق كونتراگەنتتىڭ ينسايدەرلiك اقپاراتىنا يەلىك ەتۋگە جانە ونى پايدالانۋعا باقىلاۋ بويىنشا شارالارعا باعىتتالعان. 22. ساۋدا-ساتتىققا قاتىسۋشىلار رەتىندە ولاردىڭ قىزمەتىنىڭ ءتارتىبىن رەگلامەنتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭنامانىڭ تالاپتارىنا جانە ورتالىق كونتراگەنتتىڭ ىشكى قۇجاتتارىنا سايكەس بولۋ مانىنە ساۋدا-ساتتىققا قاتىسۋشىلاردىڭ مونيتورينگى جانە باقىلاۋ ءتارتىبى مەن تالاپتارى مىنالاردى قامتيدى: 1) ساۋدا-ساتتىققا قاتىسۋشىلاردىڭ ەسەپتەرىنىڭ جانە ولاردىڭ قارجىلىق جاي-كۇيىنىڭ مونيتورينگىنە قاجەتتى وزگە دە اقپاراتتىڭ تىزبەسى; 2) وسى تارماقتىڭ 1) تارماقشاسىندا كورسەتىلگەن ەسەپتەردى جانە وزگە اقپاراتتى ۇسىنۋ شارتتارى مەن مەرزىمدەرى; 3) ورتالىق كونتراگەنتتىڭ وسى تارماقتىڭ 1) تارماقشاسىندا كورسەتىلگەن ەسەپتەردى جانە وزگە اقپاراتتى قاراۋ ءتارتىبى مەن مەرزىمدەرى; 4) ساۋدا-ساتتىققا قاتىسۋشىلاردىڭ قارجىلىق جاي-كۇيىن باعالاۋ ادىستەمەسى; 5) ورتالىق كونتراگەنتتىڭ باسشى قىزمەتكەرلەرى مەن بولىمشەلەرى ساۋدا-ساتتىققا قاتىسۋشىلاردىڭ قارجىلىق جاي-كۇيى تۋرالى جيىنتىق ەسەپتەردى جاساۋ جانە ۇسىنۋ ءتارتىبى مەن مەرزىمدەرى; 6) ساۋدا-ساتتىققا قاتىسۋشىلاردىڭ قارجىلىق جاي-كۇيىنە بەلگىلەنگەن تالاپتارعا سايكەس كەلمەيتىن ساۋدا-ساتتىققا قاتىسۋشىعا قاتىستى شارالاردى قابىلداۋ ءتارتىبى مەن تالاپتارى; 7) ساۋدا-ساتتىققا قاتىسۋشىلار رەتىندە ولاردىڭ قىزمەتىنىڭ ءتارتىبىن رەگلامەنتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭنامانىڭ تالاپتارىنا جانە ورتالىق كونتراگەنتتىڭ ىشكى قۇجاتتارىنا سايكەس بولۋ مانىنە ساۋدا-ساتتىققا قاتىسۋشىلار مونيتورينگىنىڭ جىلدىق جوسپارى; 8) ساۋدا-ساتتىققا قاتىسۋشىلار رەتىندە ولاردىڭ قىزمەتىنىڭ ءتارتىبىن رەگلامەنتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭنامانىڭ تالاپتارىنا جانە ورتالىق كونتراگەنتتىڭ ىشكى قۇجاتتارىنا سايكەس بولۋ مانىنە ساۋدا-ساتتىققا قاتىسۋشىلارعا تەكسەرۋ جۇرگىزۋ ءتارتىبى مەن تالاپتارى; 9) ساۋدا-ساتتىققا قاتىسۋشىلار رەتىندە ولاردىڭ قىزمەتىنىڭ ءتارتىبىن رەگلامەنتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭنامانىڭ تالاپتارىنا جانە ورتالىق كونتراگەنتتىڭ ىشكى قۇجاتتارىنا ساۋدا-ساتتىققا قاتىسۋشىلاردىڭ سايكەستىگىن باعالاۋ ادىستەمەسى; 10) ساۋدا-ساتتىققا قاتىسۋشىلاردى تەكسەرۋ ناتيجەلەرىن رەسىمدەۋ جانە وسى اقپاراتتى ورتالىق كونتراگەنتتىڭ باسشى قىزمەتكەرى مەن بولىمشەلەرىنە ۇسىنۋ ءتارتىبى مەن مەرزىمدەرى; 11) ساۋدا-ساتتىققا قاتىسۋشىلار رەتىندە ولاردىڭ قىزمەتىنىڭ ءتارتىبىن رەگلامەنتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭنامانىڭ تالاپتارىنا جانە ورتالىق كونتراگەنتتىڭ ىشكى قۇجاتتارىنا سايكەس كەلمەيتىن ساۋدا-ساتتىققا قاتىسۋشىلارعا قاتىستى شارالاردى قولدانۋ ءتارتىبى مەن تالاپتارى. 23. ساۋدا-ساتتىققا قاتىسۋشىلارعا قويىلاتىن تالاپتار: 1) قارجىلىق جاعدايىنا; 2) تاۋەكەلدەردى باسقارۋدىڭ جانە ىشكى باقىلاۋدىڭ ءتيىستى جۇيەلەرىنىڭ بولۋىنا; 3) قور بيرجاسىنىڭ ساۋدا-ساتتىق جۇيەسىندە جاسالاتىن مامىلەلەر بويىنشا مىندەتتەمەلەردى قامتاماسىز ەتۋ, ونىڭ ىشىندە وسىنداي مامىلەلەر بويىنشا قاجەتتى قامتاماسىز ەتۋدى قالىپتاستىرۋ بويىنشا شارالاردى ساقتاۋىنا تالاپتاردى قامتيدى. 24. ورتالىق كونتراگەنتتىڭ اقپاراتتىق ساياساتى مىنالاردان تۇرادى, بىراق مىنالارمەن شەكتەلمەيدى: 1) ورتالىق كونتراگەنتتىڭ اقپاراتتى جاريالاۋ ءتارتىبى مەن تالاپتارى; 2) ورتالىق كونتراگەنتتىڭ بەدەلىنە ىقپال ەتۋى مۇمكىن اقپاراتقا تۇراقتى مونيتورينگ جۇرگىزۋ بويىنشا تالاپتار; 3) ورتالىق كونتراگەنتتىڭ بەدەلىنە زيان كەلتىرۋى مۇمكىن اقپارات پايدا بولعان جانە تارالعان جاعدايدا قاجەتتى شارالاردى ۋاقىتىلى قابىلداۋ بويىنشا تالاپتار. 25. قاۋىپسىزدىك تەحنيكاسى بويىنشا نۇسقاۋلىق: 1) ءورت قاۋىپسىزدىگى بويىنشا نەگىزگى تالاپتاردان; 2) توتەنشە جاعدايلار جانە (نەمەسە) كۇتپەگەن جاعدايلار ورىن العان جاعدايدا ورتالىق كونتراگەنت قىزمەتكەرلەرىنىڭ ءىس-ارەكەتتەرى سيپاتتالعان توتەنشە جاعدايلار جانە (نەمەسە) كۇتپەگەن جاعدايلار تۋىنداعان جاعدايداعى ءىس-قيمىلدار جوسپارىنان; 3) ورتالىق كونتراگەنت قىزمەتكەرلەرىنىڭ باعدارلامالىق-تەحنيكالىق كەشەندەردى جانە وزگە جابدىقتاردى پايدالانۋ تارتىبىنەن; 4) ورتالىق كونتراگەنتتىڭ ءۇي-جايلاردى جابۋدىڭ الدىندا قاراۋدىڭ جۇيەلىلىگىنەن تۇرادى. 26. ورتالىق كونتراگەنتتىڭ تاۋەكەلدەردى باسقارۋ جۇيەلەرىن قۇرۋدى جانە ولاردىڭ ءتيىمدى جۇمىس ىستەۋىن قامتاماسىز ەتۋ ماقساتىندا ورتالىق كونتراگەنتتىڭ ۇيىمدىق قۇرىلىمىندا تاۋەكەلدەردى باسقارۋدى جۇزەگە اسىراتىن جەكە بولىمشە قۇرىلادى. 27. تاۋەكەلدەردى باسقارۋ بولىمشەسىنىڭ باسشىسى مەن قىزمەتكەرلەرى جوعارى ءبىلىمدى, كاسىبي قۇزىرەتى جانە تاۋەكەلدەردى باسقارۋ سالاسىندا كەم دەگەندە 3 ء(ۇش) جىل جۇمىس تاجىريبەسى بولادى, سونداي-اق قازاقستان رەسپۋبليكاسىنىڭ باعالى قاعازدار رىنوگى تۋرالى زاڭنامالارىن بىلەدى. 28. ورتالىق كونتراگەنتتىڭ ۇيىمدىق قۇرىلىمى وزىنە نەگىزگى فۋنكتسياسى ساۋدا-ساتتىققا قاتىسۋشىلار رەتىندە ولاردىڭ قىزمەتىنىڭ ءتارتىبىن رەگلامەنتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناما تالاپتارىنا جانە ورتالىق كونتراگەنتتىڭ ىشكى قۇجاتتارىنا سايكەستىگى مانىنە ساۋدا-ساتتىققا قاتىسۋشىلاردىڭ مونيتورينگى جانە باقىلاۋ بولىپ تابىلاتىن بولىمشەسىن ەنگىزەدى. 29. ورتالىق كونتراگەنتتىڭ قىزمەتىن جۇزەگە اسىرۋ بارىسىندا ونىڭ ورگاندارى جانە (نەمەسە) بولىمشەلەرى اراسىن­دا تۋىندايتىن مۇددەلەردىڭ ورىن العان جانە الەۋەتتى قاقتىعىسىن باسقارۋ ماقساتىندا مىناداي شارالار قابىلدانادى: 1) مۇددەلەر قاقتىعىسى ورىن العان نەمەسە تۋىنداۋى مۇمكىن بولىمشەلەردىڭ ورتالىق كونتراگەنتتىڭ ءتۇرلى باسشى قىزمەتكەرلەرىنە ەسەپتىلىگىن قامتاماسىز ەتەدى; 2) ورىن العان جانە الەۋەتتى مۇددەلەر قاقتىعىسىن ەسكەرە وتىرىپ, ورتالىق كونتراگەنتتىڭ بولىمشەلەرى مەن ورگاندارى اراسىندا اقپارات الماسۋ ءتارتىبى ازىرلەنەدى جانە ەنگىزىلەدى; 3) ىشكى اۋديت قىزمەتى ورتالىق كونتراگەنتتىڭ بولىمشەلەرى جانە قىزمەتكەرلەرىنىڭ قىزمەتىن ورىن العان جانە الەۋەت­تى مۇددەلەر قاقتىعىسىن باسقارۋ بويىنشا قابىلدانعان راسىمدەرگە سايكەستىگىنە تەكسەرۋدى ۇنەمى جۇزەگە اسىرادى. 30. ورتالىق كونتراگەنت ءوز قىزمەتىندە تاۋەكەلدەردىڭ مىناداي تۇرلەرىنە مونيتورينگتى جۇزەگە اسىرادى: 1) كرەديتتىك تاۋەكەل; 2) وتىمدىلىكتى جوعالتۋ تاۋەكەلى; 3) باعا تاۋەكەلى; 4) ۆاليۋتالىق تاۋەكەل; 5) پايىزدىق تاۋەكەل; 6) وپەراتسيالىق تاۋەكەل; 7) بەدەل تاۋەكەلى; 8) قۇقىقتىق تاۋەكەل; 9) ورتالىق كونتراگەنتتىڭ تاۋەكەلدەردى باسقارۋ جونىندەگى ساياساتىنا سايكەس وزگە تاۋەكەلدەر. 31. تاۋەكەلدەردى باسقارۋدى جۇزەگە اسىراتىن بولىمشە ورتالىق كونتراگەنتتىڭ ساۋدا-ساتتىققا قاتىسۋشىلاردىڭ مونيتورينگىن جانە باقىلاۋدى جۇزەگە اسىراتىن بولىمشەسىمەن جانە قۇقىقتىق قامتاماسىز ەتۋ بولىمشەسىمەن (زاڭ بولىمشەسى) بىرلەسە وتىرىپ ورتالىق كونتراگەنتتىڭ قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىنىڭ تالاپتارىن بۇزۋى, ونىڭ ىشىندە ورتالىق كونتراگەنتتىڭ ىشكى قۇجاتتارىنىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنە سايكەس كەلمەۋى, ورتالىق كونتراگەنتتىڭ قىزمەتى پراكتيكاسىنىڭ ونىڭ ىشكى قۇجاتتارىنا سايكەس كەلمەۋى سالدارىنان تۋىندايتىن قۇقىقتىق تاۋەكەلدەردى رەتتەۋدى مىنالار ارقىلى: 1) ورتالىق كونتراگەنت قىزمەتىنىڭ قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىنا, ورتالىق كونتراگەنتتىڭ ىشكى قاعيدالارىنا جانە راسىمدەرىنە سايكەس كەلۋىن باقىلاۋدى جۇزەگە اسىرۋ; 2) ورتالىق كونتراگەنت قىزمەتىنىڭ قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىمەن, ورتالىق كونتراگەنتتىڭ ىشكى قۇجاتتارىمەن بەلگىلەنگەن تالاپتارعا سايكەستىگىنە باقىلاۋدى جۇزەگە اسىرۋ; 3) ورتالىق كونتراگەنتتىڭ قىزمەتىن رەتتەيتىن قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىمەن ورتالىق كونتراگەنت قىزمەتكەرلەرىن تۇراقتى نەگىزدە تانىستىرىپ وتىرۋ; 4) ورتالىق كونتراگەنتتىڭ قازاقستان رەسپۋبليكاسىنىڭ باعالى قاعازدار رىنوگى تۋرالى زاڭناماسىمەن بەلگىلەنگەن تالاپتارىن, ونىڭ وزگەرۋىنە بايلانىستى ورىنداماۋ تاۋەكەلدەرىنە باعالاۋ جۇرگىزۋ ارقىلى قامتاماسىز ەتەدى. 32. تاۋەكەلدەر مونيتورينگىن جۇرگىزۋ, باقىلاۋ مەن باسقارۋدىڭ ماقساتى: 1) تاۋەكەلدەر مەن قاۋىپ-قاتەرلەردى ۋاقىتىلى ايقىنداۋ; 2) تاۋەكەلدەر كورسەتكىشىنىڭ ەڭ جوعارى رۇقسات ەتىلگەن ماندەرىن باعالاۋدىڭ ساپاسىن ارتتىرۋ; 3) تاۋەكەلدەردى باسقارۋدىڭ بالاما تەتىكتەرىن دامىتۋ; 4) تاۋەكەلدەردى بارىنشا ازايتۋ جانە باسقارۋ بويىنشا ۋاقىتىلى شارالار قابىلداۋدى قامتاماسىز ەتۋ; 5) تاۋەكەلدەردى باسقارۋ جونىندەگى بولىمشەنى قوسا العاندا, ورتالىق كونتراگەنتتىڭ جەكە بولىمشەلەرىن تاۋەكەلدەرگە مونيتورينگ جۇرگىزۋ جانە باعالاۋ پروتسەسىنە تارتۋ. 33. تاۋەكەلدەردى ايقىنداۋ ءراسىمى تاۋەكەلدەردى باسقارۋ جونىندەگى بولىمشەمەن بىرلەسە وتىرىپ جۇرگىزگەن بولىمشە قىزمەتىنە بايلانىستى ورتالىق كونتراگەنتتىڭ ءار بولىمشەسى جۇزەگە اسىراتىن مۇقيات شولۋ جانە مونيتورينگ جۇرگىزۋگە نەگىزدەلەدى. 34. ايقىندالعان تاۋەكەلدەر مىناداي سيپاتتامالار بويىنشا تالدانادى: 1) تاۋەكەلدەردىڭ ورىن الۋ جيىلىگى; 2) تاۋەكەلدەردىڭ ىقپال ەتۋ كولەمى. 35. تالداۋدىڭ ناتيجەلەرى نەگىزىندە رۇقسات ەتىلگەن تۇردە بەلگىلەنگەن تاۋەكەلدەردىڭ مانىنە قاراي, تاۋەكەلدەر قابىلداناتىن جانە قابىلدانبايتىن بوپ سارالانادى. 36. تاۋەكەلدەردى باعالاۋ جانە باقىلاۋدىڭ ناتيجەلەرى تاۋەكەل كورسەتكىشىنىڭ جالپى (ينتەگرالدى ءمانى), سول سياقتى ورتالىق كونتراگەنت قىزمەتىنىڭ ءار جەكە ءتۇرى ءۇشىن ساندىق ءمانىن ايقىنداۋ ءۇشىن پايدالانىلادى. 37. تاۋەكەلدەر كورسەتكىشىنىڭ ساندىق ءمانى تاۋەكەلدەر كورسەتكىشىنىڭ ەڭ جوعارى رۇقسات ەتىلگەن ءمانىن, تاۋەكەلدەردىڭ بەلگىلەنگەن رۇقسات ەتىلگەن كورسەتكىشتەرىنە سايكەستىگىن, سونداي-اق بەلگىلەنگەن رۇقسات ەتىلگەن كورسەتكىشتەرگە سايكەس كەلمەيتىن تاۋەكەلدەردى ازايتۋ جانە باسقارۋ ءۇشىن ءتيىستى شەشىمدەرى قابىلداۋ قاجەتتىگىن باعالاۋعا مۇمكىندىك بەرەدى. 38. ورتالىق كونتراگەنت قىزمەتىنىڭ ءاربىر جەكە تۇرىنە ءتان تاۋەكەلدەر كورسەتكىشىنىڭ ساندىق ءمانىن قىزمەتتىڭ وسى ءتۇرىن جۇزەگە اسىراتىن ورتالىق كونتراگەنتتىڭ بولىمشەسى تاۋەكەلدەردى باسقارۋ جونىندەگى بولىمشەمەن بىرلەسە وتىرىپ ەسەپتەيدى. 39. كليرينگ ۇيىمىنىڭ تاۋەكەلدەردى باسقارۋ جونىندەگى بولىمشەسى قور بيرجاسىنىڭ ساۋدا جۇيەسىندە قارجى قۇرالدارىمەن مامىلەلەر جاساۋدىڭ قورىتىندىلارى بويىنشا كليرينگ پروتسەسىنىڭ بۇزىلۋىن تۋعىزعان تەحنيكالىق ىركىلىستەر جانە وزگە جاعدايلار تۋرالى ديرەكتورلار كەڭەسى مەن باسقارماعا وسىنداي تەحنيكالىق ىركىلىستەر جانە وزگە جاعدايلار تۋىنداعان كۇنى حابارلايدى. 40. ورتالىق كونتراگەنتتىڭ ديرەكتورلار كەڭەسى پروتسەستىڭ بۇزىلۋىن تۋعىزعان تەحنيكالىق ىركىلىستەر جانە وزگە جاعدايلار تۋرالى اقپاراتتى ولار ورىن العان كۇننەن كەيىنگى كۇن ىشىندە ۋاكىلەتتى ورگانعا بەرۋدى قامتاماسىز ەتەدى. 41. ورتالىق كونتراگەنتتىڭ تاۋەكەلدەردى باسقارۋ جونىندەگى بولىمشەسى تۋىنداعان تاۋەكەلدەر جاعدايى جانە تاۋەكەلدەردىڭ تۋىنداۋى ناتيجەسىندە شەككەن زياننىڭ مولشەرى تۋرالى ديرەكتورلار كەڭەسى مەن باسقارماعا توقسان سايىن ەسەپ جاسايدى, سونداي-اق تاۋەكەلدەردىڭ ءوزى, سول سياقتى ولار تۋعىزعان سالدارلاردى ازايتۋ بويىنشا ءىس-شارالار جوسپارى ۇسىنىلادى. 42. ورتالىق كونتراگەنتتىڭ باسقارماسى ورتالىق كونتراگەنتتىڭ تاۋەكەلدەردى باسقارۋ جونىندەگى بولىمشەسىنىڭ تاۋەكەلدەر كورسەتكىشىنىڭ ساندىق ءمانىن باعالاۋ جونىندەگى قورىتىندى نەگىزىندە ورتالىق كونتراگەنتتىڭ ديرەكتورلار كەڭەسى بەكىتەتىن تاۋەكەلدەر كورسەتكىشتەرىنىڭ بارىنشا رۇقسات ەتىلگەن ماندەرىن ايقىندايدى. 43. جاڭا تاۋەكەلدەر تۋىنداعان جاعدايدا جانە (نەمەسە) تاۋەكەل كورسەتكىشتەرىنىڭ ماندەرى تاۋەكەلدەر كورسەتكىشتەرىنىڭ بارىنشا رۇقسات ەتىلگەن ماندەرىمەن سايكەس كەلمەگەن جاعدايدا تاۋەكەلدى جانە (نەمەسە) وسى سايكەسسىزدىكتى انىقتاعان ورتالىق كونتراگەنتتىڭ بولىمشەسى ديرەكتورلار كەڭەسىن جانە باسقارمانى حاباردار ەتەدى. 44. تاۋەكەلدەردى باعالاۋ ناتيجەلەرىنىڭ نەگىزىندە ولاردى بارىنشا ازايتۋعا باعىتتالعان ىقتيمال شارالار ايقىندالادى. 45. تاۋەكەلدەردى بارىنشا ازايتۋ تاۋەكەلدەردىڭ ءمانى تاۋەكەلدەر كورسەتكiشتەرiنiڭ جول بەرىلەتىن شەكتi مانiنە جۋىق بولعاندا نە شەكتەن اسىپ كەتكەن جاعدايلاردا قاجەتتى بولىپ تابىلادى. تاۋەكەلدەردى بارىنشا ازايتۋ مىنا شارالاردىڭ بىرەۋىن نەمەسە بىرنەشەۋىن قابىلداۋ ارقىلى جۇزەگە اسىرىلادى: 1) ورتالىق كونتراگەنتتىڭ قىزمەتى بارىسىندا ونىڭ ورگاندارى قابىلدايتىن بارلىق شەشiمدەرگە ءتان تاۋەكەلدەر تۋىنداعان جاعدايدا زالالدى انىقتاۋ جانە بارىنشا ازايتۋ بويىنشا راسiمدەردi جەتiلدiرۋ; 2) تاۋەكەلدەردى باسقارۋ سالاسىندا ورتالىق كونتراگەنت قىزمەتكەرلەرىنىڭ بىلىكتىلىگىن ارتتىرۋ; 3) ىشكى اۋديت قىزمەتىنىڭ ورتالىق كونتراگەنت جۇيەسىنىڭ جۇمى