قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى  № 10 

  2016 جىلعى 28 قاڭتار, الماتى قالاسى ورتالىق كونتراگەنتتىڭ قىزمەتىن جۇزەگە اسىرۋ قاعيدالارىن بەكىتۋ تۋرالى «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان ورتالىق كونتراگەنتتىڭ قىزمەتىن جۇزەگە اسىرۋ قاعيدالارى بەكىتىلسىن. 2. باقىلاۋ جانە قاداعالاۋ ءادىسناماسى دەپارتامەنتى ء(ابدىراحمانوۆ ن.ا.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (Cارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا: قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا; قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونى قازاقستان رەسپۋبليكاسىنىڭ ۇلتتىق بانكى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن. 3. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 4. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن. 5. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەننەن سوڭ قولدانىسقا ەنگىزىلەدى. ۇلتتىق بانك توراعاسى د.اقىشەۆ قازاقستان رەسپۋبليكاسى ۇلتتىق بانكى باسقارماسىنىڭ 2016 جىلعى 28 قاڭتارداعى № 10 قاۋلىسىمەن بەكىتىلدى ورتالىق كونتراگەنتتىڭ قىزمەتىن جۇزەگە اسىرۋ قاعيدالارى 1. جالپى ەرەجەلەر 1. وسى ورتالىق كونتراگەنتتىڭ قىزمەتىن جۇزەگە اسىرۋ قاعيدالارى (بۇدان ءارى - قاعيدالار) «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى - باعالى قاعازدار نارىعى تۋرالى زاڭ) سايكەس ازىرلەندى جانە قازاقستان رەسپۋبليكاسىندا ورتالىق كونتراگەنتتىڭ قىزمەتىن جۇزەگە اسىرۋ شارتتارى مەن ءتارتىبىن بەلگىلەيدى. قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىمەن رەتتەلمەگەن بولىگىندە ورتالىق كونتراگەنتتىڭ قىزمەتى, ەگەر ورتالىق كونتراگەنتتىڭ ىشكى قۇجاتتارى, ورتالىق كونتراگەنت پەن ونىڭ كليەنتتەرى اراسىندا جاسالعان قىز­مەت كورسەتۋ شارتتارى قازاقستان رەسپۋبليكاسىنىڭ زاڭناماسىنا قايشى كەلمەسە, سولارعا سايكەس جۇزەگە اسىرىلادى. 2. ورتالىق كونتراگەنت فۋنكتسيالارىن, قۇقىقتارىن جۇزەگە اسىرۋ جانە ءوزىنىڭ كونتراگەنت رەتىندەگى مىندەتتەرىن ورىنداۋ ءۇشىن باسقا تۇلعالاردى تارتپايدى. 3. ورتالىق كونتراگەنتتىڭ ۇيىمداستىرۋ قۇرىلىمىنا, مىنالار: 1) تاۋەكەلدەردى باسقارۋ جۇيەسىن قۇرۋدى جانە ونىڭ جۇمىس ىستەۋىن قامتاماسىز ەتۋ; 2) ورتالىق كونتراگەنتتىڭ ارنايى كەپىلدىك بەرىلگەن جانە رەزەرۆتىك قورلارىن باسقارۋ; 3) قارجى قۇرالدارىمەن مامىلەلەر بويىنشا كليرينگ قىزمەتىن جۇزەگە اسىرۋ; 4) اقپاراتتى وڭدەۋ جانە تاراتۋ; 5) ورتالىق كونتراگەنت قىزمەتىن باعدارلامالىق-تەحنيكالىق قامتاماسىز ەتۋ; 6) ساۋدا-ساتتىققا كليرينگتىك قاتىسۋشىلاردىڭ قارجىلىق جاي-كۇيىنە, سونداي-اق ولاردىڭ ورتالىق كونتراگەنتتىڭ ىشكى قۇجاتتارىنا سايكەس كەلۋىنە مونيتورينگ; 7) ىشكى اۋديت جانە باقىلاۋ; 8) قارجى قۇرالدارىمەن مامىلەلەر بويىنشا ەسەپ ايىرىسۋلاردى (تولەمدەردى) ۇيىمداستىرۋ (ورتالىق كونتراگەنتتە قاعيدالاردىڭ 4-تارماعىنىڭ ەكىنشى بولىگىندە كوزدەلگەن ەسەپ ايىرىسۋ ۇيىمىمەن شارت بولماعان جاعدايدا) فۋنكتسياسى بولىپ تابىلاتىن بولىمشەلەر كىرەدى. 2. ورتالىق كونتراگەنتتىڭ قىزمەتىن جۇزەگە اسىرۋ شارتتارى 4. ورتالىق كونتراگەنت ول بويىنشا ورتالىق كونتراگەنت قىزمەت كورسەتۋدى جۇزەگە اسىراتىن مامىلەلەر بويىنشا اقپاراتتى جينايدى, وڭدەيدى جانە ساقتايدى, الشاقتىقتار بولعان كەزدە, ونى سالىستىرىپ تەكسەرەدى جانە تۇزەتەدى, مامىلە تاراپتارىن (دەرەكتەمەلەرىن) وزگەرتەدى نەمەسە قاعيدالاردا جانە ورتالىق كونتراگەنتتىڭ ىشكى قۇجاتتارىندا ايقىندالعان تالاپتاردا جانە تارتىپپەن مامىلە بويىنشا دەفولتتى رەتتەۋ كەزىندە وزگە ءىس-قيمىلداردى جاسايدى. ورتالىق كونتراگەنتتىڭ قارجى قۇرالدارمەن مامىلەلەر بويىنشا قىزمەتىن جۇزەگە اسىرۋ ءۇشىن ورتالىق كونتراگەنت ەسەپ ايىرىسۋ ۇيىمىمەن, ساۋدا-ساتتىقتى ۇيىمداستىرۋشىمەن, كليرينگتىك ۇيىممەن شارت جاسايدى, ونىڭ تالاپتارى شارت تاراپتارى اراسىندا اقپاراتپەن الماسۋ جانە شارت تاراپتارى ءوز قۇقىقتارى مەن مىندەتتەرىن ىسكە اسىرۋ بارىسىندا كەلىسىلگەن راسىمدەردى جاساۋ ءتارتىبىن كوزدەيدى. 5. ورتالىق كونتراگەنت ءوتىنىم بەرۋ جانە ساۋدا-ساتتىققا كليرينگتىك قاتىسۋشىنىڭ اتىنان قور بيرجاسىنىڭ ساۋدا جۇيەسىندەگى قارجى قۇرالدارىمەن مامىلەلەردى جاساۋ (ونىڭ اشىق پوزيتسيالارىن ماجبۇرلەپ تاراتۋ ماقساتىندا) جانە (نەمەسە) ورتالىق كونتراگەنتتىڭ ىشكى قۇجاتتارىندا ايقىندالعان تارتىپپەن جانە تالاپتاردا وزگە ءىس-قيمىلداردى جاساۋ ارقىلى وسى ساۋدا-ساتتىققا كليرينگتىك قاتىسۋشىنىڭ دەفولتىن رەتتەۋ بويىنشا راسىمدەردى جۇزەگە اسىرادى. 6. ورتالىق كونتراگەنت ورتالىق كونتراگەنتتىڭ قىزمەتىمەن بايلانىستى اقپارات پەن قۇجاتتاردى ساقتاۋدى جانە وسىنداي اقپارات پەن قۇجاتتاردىڭ رەزەرۆتىك كوشىرمەسىن كۇندەلىكتى جاساۋدى جۇزەگە اسىرادى. رەزەرۆتىك كوشىرمەلەر اقپاراتقا سانكتسيالانباعان كىرۋ رۇقساتىنان قورعالۋعا ءتيىس جانە ولاردى جاڭارتىلعان رەزەرۆتىك كوشىرمەلەرمەن اۋىستىرعانعا دەيىن ورتالىق كونتراگەنتتىڭ رەزەرۆتىك تەحنيكالىق ورتالىعىندا ساقتالادى. 7. ورتالىق كونتراگەنت رەزەرۆتىك تەحنيكالىق ورتالىقتىڭ دەرەۋ ىسكە قوسىلۋىنا تۇراقتى دايىن بولۋىن قامتاماسىز ەتەدى. رەزەرۆتىك تەحنيكالىق ورتالىق مىناداي تالاپتارعا سايكەس كەلەدى: 1) ورتالىق كونتراگەنتتىڭ قىزمەتىمەن بايلانىستى, نەگىزگى اقپاراتپەن بىردەي اقپاراتتىڭ رەزەرۆتىك كوشىرمەلەرى بار; 2) ورتالىق كونتراگەنتتىڭ قارجى قۇرالدارمەن مامىلەلەر بويىنشا قىزمەتىن جۇزەگە اسىرۋ بارىسىندا پايدالانىلاتىن ورتالىق كونتراگەنتتىڭ باعدارلامالىق-تەحنيكالىق قامتاماسىز ەتۋىنىڭ كوشىرمەسى بار; 3) ورتالىق كونتراگەنت ورنالاسقان جەردەن جيىرما بەس كيلومەتردەن كەم بولمايتىن جەردە ورنالاسادى; 4) ورتالىق كونتراگەنتتىڭ قىزمەتىن جۇزەگە اسىرۋ ءۇشىن قاجەتتى كوممۋنيكاتسيالارمەن قامتاماسىز ەتىلەدى. 8. ورتالىق كونتراگەنتكە كليرينگتىك ۇيىمنىڭ, ورتالىق دەپوزيتاريدىڭ نەمەسە قور بيرجاسىنىڭ رەزەرۆتىك ورتالىعىن پايدالانۋعا رۇقسات بەرىلەدى. ەگەر قور بيرجاسىنىڭ ىشكى قۇجاتتارىندا ورتالىق كونتراگەنتتىڭ فۋنكتسيالارىن قور بيرجاسىنىڭ ساۋدا جۇيەسىندە مامىلەلەر جاساۋ كەزىندە وزگە ۇيىمداردىڭ ورىنداۋ مۇمكىندىگى كوزدەلگەن جاعدايدا, وندا رەزەرۆتىك ورتالىقتى كليرينگتىك ۇيىم نەمەسە ورتالىق دەپوزيتاري پايدالانادى. 9. قارجى قۇرالدارىمەن مامىلەلەردى جاساۋ ناتيجەسىندە ساۋدا-ساتتىققا كليرينگتىك قاتىسۋشىلار اراسىندا كليرينگتى جۇزەگە اسىرۋ ماقساتىندا ورتالىق كونتراگەنت ساۋدا-ساتتىقتى ۇيىمداستىرۋشىنىڭ ساۋدا جۇيەسىندە جاسالعان مامىلەلەر ولشەمىنىڭ دۇرىس ەسەبىن قامتاماسىز ەتەدى. 10. ورتالىق دەپوزيتاري باعالى قاعازدارمەن مامىلەلەر بويىنشا ەسەپ ايىرىسۋ ۇيىمى بولىپ تابىلادى. 11. بيرجالىق ساۋدا-ساتتىقتاردا تۋىندى قارجى قۇرالدارمەن جانە (نەمەسە) ۆاليۋتامەن جاسالعان مامىلەلەر بويىنشا ەسەپ ايىرىسۋدى جۇزەگە اسىرۋ ءتارتىبى مەن تالابى قور بيرجاسىنىڭ ىشكى قۇجاتتارىندا ايقىندالادى. ورتالىق كونتراگەنت تۋىندى قارجى قۇرالدارمەن جانە (نەمەسە) ۆاليۋتامەن جاسالعان مامىلەلەر بويىنشا ەسەپ ايىرىسۋدى (تولەمدەردى) ۇيىمداستىرۋ ءۇشىن ورتالىق كونتراگەنتتىڭ ىشكى قۇجاتتارىنىڭ تالاپتارىنا سايكەس قارجى قۇرالدارىن ەسەپكە الۋ ءۇشىن شوتتار اشادى. 12. ورتالىق كونتراگەنت قور بيرجاسىندا جاسالعان مامىلەلەردەن تۋىندايتىن مىندەتتەمەلەر مەن تالاپتاردىڭ كوپجاقتى ءوزارا ەسكەرۋ ەسەبىنەن قاتىسۋشىلاردىڭ تاۋەكەلدەرىن كليرينگتىك ۇيىمنىڭ جانە ورتالىق كونتراگەنتتىڭ قىزمەتىن قولدانا وتىرىپ ازايتۋ بويىنشا ءوز قىزمەتىن جۇزەگە اسىرادى. 13. قاعيدالاردىڭ 12-تارماعىنىڭ تالاپتارى جاڭالىق, اشىق ساۋدا-ساتتىق ادىسىمەن قور بيرجاسىنىڭ ساۋدا جۇيەسىنە ءوتىنىم بەرۋ نەمەسە زاڭدى تۇردە مىندەتتەيتىن باسقا كەلىسىمنىڭ بولۋى ەسەبىنەن ورىندالادى. 14. كليرينگتىك قاتىسۋشىلار ءۇشىن ورتالىق كونتراگەنت قىزمەتىنىڭ ناتيجەلەرى بويىنشا ەسەپتى ورتالىق كونتراگەنتتىڭ ىشكى قۇجاتتارىندا ايقىندالعان تارتىپپەن جانە مەرزىمدە ورتالىق كونتراگەنت قالىپتاستىرادى. 15. كليرينگتىك ۇيىمداردان نەمەسە قور بيرجاسىنان (نە قارجى قۇرالدارىمەن مامىلەلەر بويىنشا كليرينگتىك قىزمەت شەڭبەرىندە فۋنكتسيالاردى جۇزەگە اسىراتىن بولىمشەدەن جانە ەگەر كليرينگتىك ۇيىم جانە (نەمەسە) قور بيرجاسى ەسەپ ايىرىسۋدى دەربەس جۇزەگە اسىرسا, نەگىزگى قىزمەتى قارجى قۇرالدارىمەن ساۋدا-ساتتىقتى ۇيىمداستىرۋ بولىپ تابىلاتىن بولىمشەدەن) الىنعان بۇيرىقتار نەگىزىندە ەسەپ ايىرىسۋ ۇيىمى ەسەپ ايىرىسۋدى (تولەمدەردى) جۇزەگە اسىرادى جانە بۇل جونىندە ورتالىق كونتراگەنتكە حابارلايدى. 16. كليرينگتىك قاتىسۋشى قارجى قۇرالدارىمەن مامىلەلەر بويىنشا مىندەتتەمەلەردى ورىنداماعان نەمەسە تيىسىنشە ورىنداماعان جاعدايدا, ورتالىق كونتراگەنت كليرينگتىك قاتىسۋشىنىڭ مىندەتتەمەلەرىنىڭ ورىندالۋىن قامتاماسىز ەتۋ ماقساتىندا كليرينگتىك ۇيىم ايقىنداعان, ارنايى وكىلەتتىكسىز (سەنىمحاتسىز), سونداي-اق وسى كليرينگتىك قاتىسۋشىنىڭ كەلىسىمىنسىز كليرينگتىك قاتىسۋشىنىڭ اتىنان ورتالىق كونتراگەنتتىڭ ىشكى قۇجاتتارىندا بەلگىلەنگەن تارتىپپەن شارتتار جاسايدى. 17. ورتالىق كونتراگەنتتىڭ ىشكى قۇجاتتارىندا كوزدەلگەن جاعدايلاردا جانە تارتىپپەن كورسەتىلگەن فۋنكتسيالاردى ورتالىق كونتراگەنتتىڭ جۇزەگە اسىرۋىنا بايلانىستى ورتالىق كونتراگەنتتىڭ فۋنكتسيالارىن جۇزەگە اسىراتىن تۇلعالاردىڭ شىعىندارى كليرينگتىك قاتىسۋشىلار اراسىندا بولىنەدى. 18. قاعيدالاردىڭ 17-تارماعىندا كوزدەلگەن جاعدايلاردى قوسپاعاندا ورتالىق كونتراگەنت ەگەر وسى كليرينگتىك قاتىسۋشىلار ورتالىق كونتراگەنت الدىنداعى مىندەتتەمەلەرىن ورىنداسا نە ەگەر ونىڭ كليرينگتىك قاتىسۋشىلارعا تالاپتارى جەكە جانە ۇجىمدىق كليرينگتىك قامتاماسىز ەتۋ ەسەبىنەن تولىعىمەن قاناعاتتاندىرىلسا, كليرينگتىك قاتىسۋشىلاردىڭ ءىس-ارەكەتتەرىن شەكتەمەيدى. ورتالىق كونتراگەنتتىڭ ىشكى قۇجاتتارى بارلىق كليرينگتىك قاتىسۋشىلار ورتالىق كونتراگەنت الدىندا مىندەتتەمەلەرىن ورىنداعان كەزدە اكتيۆتەردى جەتكىزۋ بويىنشا مىندەتتەمەلەرىن ورىنداماعانى ءۇشىن ورتالىق كونتراگەنتتىڭ جاۋاپكەرشىلىگىن شەكتەۋ جاعدايىن كوزدەيدى. 19. كليرينگتىك قاتىسۋشىلاردىڭ تالاپتارىنىڭ سوماسى ورتالىق كونتراگەنت جاۋاپكەرشىلىگىنىڭ ەڭ كوپ مولشەرىنەن اسسا, بۇل تالاپتار ورتالىق كونتراگەنتتىڭ ىشكى قۇجاتتارىندا كوزدەلگەن تارتىپپەن قاناعاتتاندىرىلادى. ەگەر ورتالىق كونتراگەنتتىڭ ىشكى قۇجاتتارىندا باسقاشا كوزدەلمەسە قاناعاتتاندىرىلماعان تالاپتار وتەلدى دەپ سانالادى. 3. ورتالىق كونتراگەنتتىڭ قىزمەتى تۋرالى اقپاراتتى اشۋ 20. ورتالىق كونتراگەنت بارلىق مۇددەلى تۇلعالارعا ءوز قىزمەتى تۋرالى اقپاراتتى اشۋدى جانە باعالى قاعازدار نارىعىندا كوممەرتسيالىق قۇپيا ەمەس اقپاراتپەن تانىسۋعا ەركىن كىرۋدى اتالعان اقپاراتتى قازاق جانە ورىس تىلدەرىندەگى بۇقارالىق اقپارات قۇرالدارىندا تۇراقتى نەگىزدە جاريالاۋ (ورنالاستىرۋ) ارقىلى قامتاماسىز ەتەدى. 21. ورتالىق كونتراگەنتتىڭ ينتەرنەت-رەسۋرسىندا مىنا اقپاراتتى اشۋ قامتاماسىز ەتىلەدى: 1) ورتالىق كونتراگەنت تۋرالى جالپى اقپارات (ورتالىق كونتراگەنت ورگاندارىنىڭ قۇرامى, ورتالىق كونتر اگەنتتىڭ باسشى قىزمەتكەرلەرىنىڭ تەگى, اتى, اكەسىنىڭ اتى (ولار بار بولسا), ورتالىق كونتراگەنتتىڭ ورنالاسقان جەرى, بايلانىس تەلەفوندارى); 2) ورتالىق كونتراگەنتتىڭ قۇرىلتاي قۇجاتتارى; 3) ورتالىق كونتراگەنتتىڭ ىشكى قۇجاتتارى; 4) ورتالىق كونتراگەنتتىڭ اۋديتورلىق ۇيىم راستاعان قارجىلىق ەسەپتىلىگىن جانە اۋديتورلىق ەسەپتى قوسا العاندا جىلدىق جانە توقسان سايىنعى قارجىلىق ەسەپتىلىك; 5) قارجى قۇرالدارىنىڭ نارىقتارىن, تۇرلەرىن جانە ورتالىق كونتراگەنتتىڭ قىزمەت كورسەتۋىنە قابىلداناتىن مامىلەلەردى (ساۋدا-ساتتىق ادىستەرىن) كورسەتە وتىرىپ, ورتالىق كونتراگەنت قىزمەت كورسەتەتىن ساۋدا-ساتتىقتى ۇيىمداستىرۋشىلاردىڭ اتاۋلارى; 6) ەسەپ ايىرىسۋ ۇيىمدارىنىڭ اتاۋى; 7) قازاقستان رەسپۋبليكاسىنىڭ باعالى قاعازدار نارىعى تۋرالى, اكتسيونەرلىك قوعامدار تۋرالى زاڭنامالارىنا جانە ورتالىق كونتراگەنتتىڭ ىشكى قۇجاتتارىنا سايكەس جاريالانۋعا ءتيىستى اقپارات. 4. ورتالىق كونتراگەنتتىڭ ىشكى قۇجاتتارى 22. ورتالىق كونتراگەنتتىڭ ىشكى قۇجاتتارى قارجى قۇرالدارىمەن مامىلەلەر بويىنشا ورتالىق كونتراگەنتتىڭ قىزمەتىن جۇزەگە اسىرۋ تالاپتارى مەن ءتارتىبىن ايقىندايدى جانە مىنالاردى انىقتايتىن ەرەجەلەردەن تۇرادى: 1) ورتالىق كونتراگەنتتىڭ وسى ورتالىق كونتراگەنتتىڭ قىزمەت كورسەتۋىندە تۇرعان كليرينگتىك قاتىسۋشىلارىمەن ءوزارا ءىس-قيمىل جاساۋ تالاپتارى مەن ءتارتىبى, ونىڭ ىشىندە تاراپتاردىڭ قۇقىقتارى مەن مىندەتتەرى; 2) ورتالىق كونتراگەنتتىڭ جاۋاپكەرشىلىگى; 3) ورتالىق كونتراگەنت ورتالىق كونتراگەنتتىڭ قىزمەت كورسەتۋىندە تۇرعان كليرينگتىك قاتىسۋشىلاردان جانە قارجى نارىعىن جانە قارجى ۇيىمدارىن باقىلاۋ مەن قاداعالاۋ جونىندەگى ۋاكىلەتتى ورگاننان الىنعان اقپاراتتى باسقارۋ ءتارتىبى; 4) ساۋدا-ساتتىقتىڭ كليرينگتىك قاتىسۋشىلارىنىڭ قارجىلىق احۋالىنا, سونداي-اق ورتالىق كونتراگەنتتىڭ قىزمەت كورسەتۋىندە تۇرعان كليرينگتىك قاتىسۋشىلاردىڭ ورتالىق كونتراگەنتتىڭ ىشكى قۇجاتتارىنىڭ تالاپتارىنا سايكەس كەلۋىنە مونيتورينگ جاساۋ ءتارتىبى; 5) كەپىلدىك قورىن قالىپتاستىرۋ ءتارتىبى مەن تالاپتارى, سونداي-اق ورتالىق كونتراگەنتكە جارنا مەن الىم تولەۋ ءتارتىبى مەن شارتتارى; 6) ورتالىق كونتراگەنتتىڭ رەزەرۆ قورىن قالىپتاستىرۋىنىڭ ءتارتىبى مەن شارتتارى; 7) ورتالىق كونتراگەنت ورتالىق كونتراگەنتتىڭ قىزمەت كورسەتۋىندە تۇرعان كليرينگتىك قاتىسۋشى اتىنان شارتتاردى قاعيدالاردىڭ 16-تارماعىندا كوزدەلگەن جاعدايلاردا ونىڭ كەلىسىمىنسىز جاساۋ ءتارتىبى; 8) ورتالىق كونتراگەنت قىزمەتىنىڭ پروتسەسىندە مىندەتتەمەلەردى ورىنداۋدىڭ ءتارتىبى, شارتتارى مەن تاسىلدەرى; 9) ورتالىق كونتراگەنت ورتالىق كونتراگەنت قىزمەتىنىڭ ناتيجەلەرى بويىنشا ەسەپتەردى كليرينگتىك ۇيىمعا, ساۋدا-ساتتىقتى ۇيىمداستىرۋشىعا, ەسەپ ايىرىسۋ ۇيىمىنا جانە وسى كونتراگەنتتىڭ قىزمەت كورسەتۋىندە تۇرعان كليرينگتىك قاتىسۋشىعا بەرۋ ءتارتىبى; 10) ورتالىق كونتراگەنتتىڭ قىزمەتى پروتسەسىندە قارجى قۇرالدارىمەن مامىلەلەر بويىنشا اقپارات دايىنداۋ ەسەپ ايىرىسۋ ۇيىمىنا, ساۋدا-ساتتىقتى ۇيىمداستىرۋشىعا بەرۋ ءتارتىبى; 11) ورتالىق كونتراگەنتپەن, وسى ورتالىق كونتراگەنتتىڭ كليرينگتىك قىزمەت كورسەتۋىندە تۇرعان ساۋدا-ساتتىققا كليرينگتىك قاتىسۋشىلار اراسىنداعى قاتىناستاردى ايقىندايتىن قىزمەت كورسەتۋدى جۇزەگە اسىرۋ تۋرالى شارتتىڭ ۇلگى نىساندارى; 12) ورتالىق كونتراگەنت ەسەپ ايىرىسۋ ۇيىمىمەن, ساۋدا-ساتتىقتى ۇيىمداستىرۋشىمەن جاسالاتىن شارتتىڭ مازمۇنىنا قويىلاتىن تالاپتار; 13) ورتالىق كونتراگەنتتىڭ قىزمەتىن جۇزەگە اسىرۋ كەزىندە قارجى قۇرالدارىمەن جاسالعان مامىلەلەردەن تۋىندايتىن مىندەتتەمەلەردى ورىنداۋعا كەپىلدىك بەرۋ ماقساتىندا تاۋەكەلدەردى باسقارۋ شارتتارى مەن ءتارتىبى. قاۋلى قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 27 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13297 بولىپ ەنگىزىلدى.