ءساتتى جۇزەگە اسىرىلعان جوبا

بۇگىندە يندۋستريالاندىرۋ كار­تاسىنىڭ جوبالارى ءوزىنىڭ جەمىسىن بەرۋدە. ۇيعىر اۋدانىنداعى «شون­جى اگرو» جشس-ءنىڭ جەمىس القا­بى ءساتتى جۇزەگە اسىرىلعان سول جو­بالاردىڭ ءبىرى. بۇدان ءبىر جىل بۇرىن اۋدان كاسىپكەرلەرى سۇيەكتى جەمىس-جيدەك شارۋاشىلىعىمەن اينالىسا­مىز دەپ مۇلدە ويلاماعان ەدى. شا­رۋالار دەر كەزىندە ۇلتتىق كاسىپ­كەر­لەر پا­لاتاسىنىڭ كومەگىنە جۇگىنىپ, سا­راپ­­شىلار ولارعا قولعا الاتىن ءىس­تىڭ ناتيجەلى جولدارىن كورسەتە ءبىلدى. – ءبىز «شونجى اگرو» جشس ءۇشىن بيزنەس-جوسپار جاساپ بەردىك, زاڭگەرلەر بولسا قۇرىلتايشىلىق قۇجاتتارىن ازىرلەۋگە كومەك كور­سەتتى. يندۋستريالاندىرۋ كارتاسىنا ءوندىرۋشى رەتىندە تىركەلۋگە كومەك بەرىلىپ, ودان كەيىن وڭىرلىك نەسيەلىك كەڭەس كومپانيا ءۇشىن 800 گەكتار جەر ءبولدى. كاسىپكەرلەر ەندى ءۇش جىلدىڭ ىشىندە اتالعان اۋماقتى تولىق يگەرمەك. بيىلعى جىلى 100 گەكتار جەرگە ورىك پەن شابدالى وتىرعىزۋ جوسپارلانعان, – دەيدى ۇلتتىق كاسىپكەرلەر پالاتاسى ۇيعىر اۋداندىق فيليالىنىڭ ديرەكتورى ءمۇسلىم امانگەلدى. ونىڭ ايتۋىنشا, ءوڭىر كليماتى جىلدىڭ بارلىق مەزگىلىندە جۇمىس ىستەۋگە مۇمكىندىك بەرەدى. سوندىقتان, وسى كوكتەمدە 30 گەكتار جەرگە جەمىس تۇرلەرى وتىرعىزىلدى, قالعان 70 گەكتار جەر كۇزگە قاراي يگەرىلەدى. ءبىر جىل ىشىندە 400 توننا جەمىس تۇرلەرىن ءوندىرۋ جوس­پارلانعان. الماتى وبلىستىق كا­سىپ­كەرلەر پالاتاسىنىڭ جو­بالار­دى سۇيەمەلدەۋ ءبولىمىنىڭ ساراپشىسى دانا قالىقوۆانىڭ سوزىنە قاراعاندا, ءونىمنىڭ بۇل كولەمى بىرقاتار ءوڭىردى تولىقتاي قامتاماسىز ەتە الادى. – 2018 جىلى كاسىپكەرلەر جاڭا شىرىن ءوندىرۋ زاۋىتىن اشۋ­دى جوسپارلاپ وتىر. كون­سەر­ۆانت­سىز تا­بيعي تازا ءونىم شىعا­رىل­ماق. كون­تسەنتراتتاردى شىرىن جانە دجەم ءوندىرۋ ءۇشىن كومپا­نيا­­لارعا جەتكىزىپ بەرۋگە نيەتتى. ماسە­لەنىڭ وتىمدىلىگىنەن ىسكە اسىرۋ جولى ءوز شەشىمىن تاپتى. شەت مەم­لەكەتتەر ءبىزدىڭ ونىمدەردى تۇتى­نۋعا مۇددەلىلىك تانىتۋدا, – دەدى ول. بيىل ۇيعىر اۋدانىندا 261 گەك­تاردى قۇرايتىن جاڭا باۋ-باق­شا تەلىمدەرى مەن القاپتارى پايدا­ بولدى. اۋداندا شاعىن كاسىپ­كەر­لىك­تىڭ 6 مىڭنان استام وكىلى بار ەكەن. سونداي-اق, كاسىپكەرلەر پالا­تاسىنىڭ ۇيعىر اۋداندىق فيليالى تەرى جانە ءجۇن ونىمدەرىن وڭدەۋگە ارنالعان زاۋىتتىڭ قىز­مەتىنە دە بەلسەنە قولداۋ كورسەتتى. سونىمەن, كاسىپكەرلەر پالاتاسى ونىمدەردى ساقتاۋ قويماسىنا ارنالعان ەلەكترلى تاسىمالداۋ جانە سۋمەن جابدىقتاۋ ءۇشىن قوسىمشا جەر تەلىمى بولىنۋىنە كومەك كورسەتتى. كاسىپورىن تاۋلىگىنە 3,5 توننا ۇساق مال ءجۇنىن وڭدەيدى. ءاليسۇلتان قۇلانباي, «ەگەمەن قازاقستان» الماتى وبلىسى, ۇيعىر اۋدانى