باسپانالى بولۋ باقىتى

سوڭعى جىلدارى اقتوبە قالا­سىندا تۇرعىن ءۇي قۇرىلىسى قارقىندى جۇرگىزىلۋدە. وسىدان ءبىر اي شاماسىندا 234 جاس وتباسى قولجەتىمدى پاتەرگە يە بولىپ, قونىس تويىن تويلاعان بولاتىن. جاقىندا تاعى دا 270 اقتوبەلىك وتباسى تۇرعىن ءۇي قۇرىلىس جيناق بانكى جۇيەسى بويىنشا جاڭا پاتەرگە قونىستاندى. وسى سالتاناتتى شاراعا قاتىسقان وبلىس اكىمى بەردىبەك ساپارباەۆ سۋ جاڭا پاتەرگە يە بولعاندارعا ىزگى تىلەگىن ءبىلدىرىپ, پاتەر كىلتتەرىن تاپسىردى. «نۇر اقتوبە» تۇرعىن ءۇي الا­­بىنداعى بوي كوتەرگەن جاڭا ءۇي «وڭىرلەردى دامىتۋ-2020» باع­دا­ر­لاماسى بويىنشا سالىنعان. №20 ءۇيدىڭ اۋلاسىندا وتكەن سالتاناتتى شاراعا «تۇرعىن ءۇي قۇرىلىس جي­ناق بانكى» اق باسقارما باسشىسى ايباتىر جۇماعۇلوۆ تا قاتىستى. ءوڭىر باسشىسى «وڭىرلەردى دامىتۋ» مەملەكەتتىك باعدارلاماسى اياسىندا «حالىقتىڭ بارلىق ساناتىنا ارنالعان تۇرعىن ءۇي» باعىتى بو­يىنشا وبلىستا 14 تۇرعىن ءۇي پاي­دالانۋعا بەرىلگەنىن, سونىڭ ءناتي­جەسىندە 2832 ادام جاڭا ءپا­تەر­گە يە بولعانىن جەتكىزدى. «جاس وتبا­سى­لارعا ارنالعان تۇرعىن ءۇي» باع­دار­­لاماسى بويىنشا 432 پاتەرلى 2 ءۇي پاي­دالانۋعا بەرىلگەنىن دە اتاپ ءوتتى. مەملەكەتتىك باعدارلاما بو­يىنشا سالىنعان ۇيلەردىڭ باعاسى نارىقتاعى باعادان الدەقايدا تومەن. توعىز قاباتتى جاڭا ۇيدەگى پاتەرلەردىڭ ءار شارشى مەترى 100 مىڭ تەڭگە تۇرادى. – ەلىمىز تاۋەلسىزدىك العان جىلداردان بەرى مەملەكەتتىڭ الەۋمەتتىك ساياساتى حالىقتى جان-جاقتى قامتۋ جانە تۇرعىن ۇيمەن قامتا­م­اسىز ەتۋگە ارنالدى. وڭىرلەردى دامىتۋدىڭ 2020 جىلعا دەيىنگى باعدارلاماسى, سونداي-اق, «نۇرلى جول» باعدارلاماسى ارقىلى تۇرعىن ءۇي ينفراقۇرىلىمىن دامى­تۋ ەل ازاماتتارىن تۇرعىن ۇيمەن قام­تاماسىز ەتۋدىڭ نەگىزگى وزەگى­نە اينالدى. بيىل وڭىردە 580 مىڭ شارشى مەترگە جۋىق تۇرعىن ءۇي پاي­دالانۋعا بەرىلەدى. سونىڭ ءناتي­جەسىندە 5 مىڭ وتباسى جاڭا پاتەر­گە يە بولادى, — دەدى بەردىبەك ماشبەك ۇلى. قونىستوي يەلەرى اتىنان ءسوز العان ساۋلە سارينا مەم­لەكەتتىك باعدارلامانىڭ ارقا­سىندا ءۇش بولمەلى پاتەرگە قول جەتكىزگەنىن ەلباسى نۇرسۇلتان نازارباەۆتىڭ سارابدال ساياساتىمەن ساباقتاستىرا كەلىپ, سول ءۇشىن مەملەكەت باسشىسىنا, وسىنداي باعدارلامانى ايماقتا جۇيەلى جۇزەگە اسىرىپ وتىرعان وبلىس باسشىلىعىنا ريزاشىلىعىن ءبىلدىردى. ساتىبالدى ءساۋىرباي, «ەگەمەن قازاقستان» اقتوبە وبلىسى