«اق شاينەك, سارى ساماۋرىن تۇرسا قايناپ...»

سەمەيدىڭ وبلىستىق تاريحي-ولكەتانۋ مۋزەيىندە «مۋزەي ءتۇنى» مەرەكەلىك كەشى ءوتتى. حالىقارالىق مۋزەيلەر كۇنىنە جانە ەل تاۋەلسىز­دىگىنىڭ 25 جىلدىعىنا وراي وتكەن شارا اياسىندا «اق شاينەك, سارى ساماۋرىن, تۇرسا قايناپ...» اتتى كورمە ۇيىمداستىرىلدى. كورمەگە ءحىح-حح عاسىرلارعا جاتاتىن ءپىشىنى دومالاق, قاداقشا, كۋبوك, تسيليندر ءتارىزدى جيىرمادان استام ساماۋرىن تۇرلەرى قويىلدى. ولاردىڭ مۋزەي قورىنداعى ءۇل­گىلەرى سيرەك كەزدەسەتىندىگىمەن ەرەكشەلەنەدى. كەي ساماۋرىننىڭ سىرتى ءتۇرلى ناقىشتارمەن بەدەرلەنگەن. بىراق بۇيىمدى شى­عارعان زاۋىتتىڭ بىرقاتار بايقاۋلار ءجۇل­دەگەرى ەكەنىن ءبىل­دىرەتىن بەل­گىلەردىڭ كەيبىرى ساماۋ­رىننىڭ ەس­كىرۋىنەن انىق كورىنبەيدى. مۋزەي قىزمەتكەرلەرىنىڭ ايتۋىنشا, قازاق تۇرمىسىنا, سونداي-اق, جايما تاباق, كەسە, شاي قاسىق سياقتى ىدىس تۇرلەرى دە دەندەپ ەنگەن. رەسەيدە ساماۋرىن جاساۋ ءىسى XVIII عاسىردا جاقسى دامىعان. 1850 جىلدارى تۋلا قالاسىندا عانا وسى سالادا 28 فابريكا جۇمىس ىستەگەن ەكەن. ال اتالعان بۇيىم قازاق جەرىنە ءXىح عاسىردان باستاپ كەلە باستادى. – اتا-بابالارىمىز ساماۋرىن­دى مولشىلىقتىڭ بەلگىسى ساناعان. ءبىر قىزىعى, تەمىر تابىلا بەر­مەيتىندىكتەن, ىدىس نەعۇرلىم اۋىر بولسا, سوعۇرلىم قىمبات باعالانعان. XVIII-ءحىح عاسىرلاردا شۇمەك ورناتىلعان ساماۋرىن ءوندىرىل­گەن. ءبىز بىلەتىن قازىرگى ساماۋ­رىندار كەزەڭ-كەزەڭىمەن جە­تىلدىرىلىپ وتىر­عان. قازاق ەلى ونىڭ وتىنمەن قايناتىلاتىن ءتۇرىن كەڭىنەن پايدالاندى. مۋزەي قورىندا اتادان بالاعا مۇرا بولىپ كەلە جاتقان كونە ءجادى­گەرلەر, ۇلتتىق بۇيىمدار مولىنان ساق­تالعان, – دەيدى مۋزەيدىڭ جوعارى ءدا­رەجەلى مامانى گۇلنۇر تورتەنوۆا. كورمە بارىسىندا مۋزەي اۋلاسىندا سارى ساماۋرىنعا وت جاعىلىپ, مەيماندارعا ىستىق شاي بەرىلدى. دۋمان اناش, «ەگەمەن قازاقستان» سەمەي