تابىستى مەملەكەت, تابىستى ەل

قازاقستان بۇدان 25 جىل بۇرىن تاۋەلسىزدىك الىپ, داڭعىل دامۋ جولىنا ءتۇستى. العاش رەت الەمدىك قوعامداستىق مويىنداعان, رەسمي رەسىمدەلگەن ەگەمەن مەملەكەت مارتەبەسىن الدى. تاۋەلسىز قازاقستاننىڭ نەگىزىن قالاۋشى تۇڭعىش پرەزيدەنت – ەلباسى نۇرسۇلتان نازارباەۆ. وسىناۋ ەلەۋلى ءداۋىر وقيعاسى اتا-بابا مەن تالاي ۇرپاقتىڭ ورىندالعان ءۇمىت-ارماندارى ەدى. تاۋەلسىزدىكتەن كەيىنگى جىلداردا قازاقستان الەمنىڭ باسەكەگە بارىنشا قابىلەتتى 50 ەلىنىڭ قاتارىنا كىردى. «قازاقستان-2030» ستراتەگياسىن مەرزىمىنەن بۇرىن ورىنداپ, 5 ينستيتۋتتىق رەفورمانىڭ «100 ناقتى قادام» ۇلت جوسپارى مەن بولاشاققا باعدارلانعان «ماڭگىلىك ەل» جالپىۇلتتىق پاتريوتتىق يدەيا­سىن ورىنداۋعا كىرىستى. قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى مەن بعم عك مەملەكەت تاريحى ينستيتۋتى بىرلەسىپ وتكىزگەن «قا­زاقستان رەسپۋبليكاسى تاۋەل­سىزدى­گىنىڭ 25 جىلدىعى: تابىستى مەم­لەكەت, تابىستى ەل» اتتى حالىق­ارالىق عىلىمي-پراكتيكالىق كونفە­رەنتسياسى وسىنىڭ ايقىن دالەلى بولدى. كونفەرەنتسيا بارىسىندا پول­­­شانىڭ قازاقستانداعى بۇ­رىن­­عى ەلشىسى ۆلادىسلاۆ سوكو­لوۆس­كيدىڭ عىلىمي رەداكتسياسىمەن داي­ىن­دالعان «حاندىقتان رەسپۋبليكاعا دەيىن: قازاقستان مەملەكەتتىلىگىنىڭ تاريحي جانە زاماناۋي شارتتارى» اتتى كىتابىنىڭ تۇساۋكەسەرى ءوتتى. جيىندى تاريح عىلىمدارىنىڭ دوكتورى, پروفەسسور بۇركىتباي اياعان جۇرگىزىپ وتىردى. اتالعان شارا قازاقستان رەس­پۋبليكاسىنىڭ تۇڭعىش پرەزيدەنتى – ەلباسى قورىنىڭ اتقارۋشى ديرەكتورى ساعىندىق نۇراحانوۆتىڭ قۇتتىقتاۋ سوزىمەن اشىلدى. سودان سوڭ قازاقستان رەسپۋب­ليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ اتقارۋشى ديرەكتورى بەيسەمباي جۇمابەكوۆ, پارلامەنت سەناتىنىڭ دەپۋتاتى جابال ەرعاليەۆ, پارلامەنت ءماجىلىسىنىڭ دەپۋتاتى اباي تاس­بولاتوۆ, ۇلتتىق مۇراعاتتىڭ باس ديرەكتورى مارات ابسەمەتوۆ, شەتەلدىك قوناقتار قاتىسىپ, اتالعان تاقىرىپ اياسىندا ءسوز سويلەدى. كونفەرەنتسياعا جەتەكشى شە­تەلدىك عالىمدار: نازارباەۆ ۋني­ۆەرسيتەتتىڭ گۋمانيتارلىق جانە الەۋمەتتىك عىلىمدار مەكتەبى سايا­ساتتانۋ جانە حالىقارالىق قاتىناستار كافەدراسىنىڭ اسسو­تسي­اتسيالانعان پروفەسسورى, PhD دوكتورى چارلز سالليۆان (اقش); ماسكەۋ مەملەكەتتىك وبلىستىق ۋنيۆەرسيتەتى ستراتەگيا جانە تالداۋ ينستيتۋتىنىڭ ديرەكتورى, تاريح عىلىمدارىنىڭ دوكتورى, پروفەسسور ۆيتالي ەرشوۆ (رەسەي); ي.دجاۆاحيشۆيلي اتىنداعى تبي­ليسي مەملەكەتتىك ۋنيۆەرسيتەتى جانىنداعى تاريح جانە ەتنوگرافيا ينستيتۋتىنىڭ ديرەكتورى, تاريح عىلىمدارىنىڭ دوكتورى, پروفەسسور ۆاجا كيكنادزە (گرۋزيا); قىرعىز رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى, تاريح عىلىمدارىنىڭ دوكتورى ايداربەك كوچكۋنوۆ (قىرعىزستان); گازي ۋنيۆەرسيتەتى گۋمانيتارلىق عىلىمدار فاكۋلتەتى قازىرگى تۇرىك زەرتتەۋلەرى دەپارتامەنتى سولتۇستىك-باتىس (قازاق-قىرعىز) زەرتتەۋلەرى ءبولىمىنىڭ پروفەسسورى, عىلىم دوكتورى گۇلجانات ەردجيلاسۋن (تۇركيا); كورۆينۋس ۋنيۆەرسيتەتى حالىقارالىق قاتىناستاردىڭ كوپ ءپاندى دوكتورلىق مەكتەبىنىڭ (بۋداپەشت) عىلىم دوكتورى ميحاي دوبروۆيچ قاتىستى. تۇپكى ماقسات – ەلدىڭ 25 جىلدان بەرگى تولاعاي تابىستارىن تۇيىندەۋ; مەملەكەت باسشىسى ن.نازارباەۆتىڭ قازاقستان مەملەكەتتىلىگىن قۇرۋ مەن نىعايتۋداعى, رەسپۋبليكانىڭ كوپباعىتتى ساياساتىن جاساۋ مەن جۇزەگە اسىرۋداعى, «ماڭگىلىك ەل» ۇلت­تىق يدەياسىن قالىپتاستىرۋداعى, قا­زاقستاننىڭ تاريح عىلىمىن جان­داندىرۋداعى ءرولىن زەرتتەۋ; تاريح عىلىمىنىڭ وزەكتى جانە قازىر­گى ۇلتتىق تاريحنامانىڭ ءتۇيىن­دى ءما­سە­لەلەرىن «ماڭگىلىك ەل» جالپى­ۇلت­تىق يدەياسىنىڭ اياسىندا زەردەلەۋ. كونفەرەنتسيا 2 سەكتسيادان تۇ­رادى: «قازاقستان رەسپۋب­لي­كا­سىنىڭ تۇڭعىش پرەزيدەنتى جانە ونىڭ قازاقستان مەملەكەتتىلىگىن قالىپ­تاستىرۋداعى ءرولى»; «قازاق­ستان رەسپۋبليكاسى تاۋەلسىزدىگىنىڭ 25 جىلدىعى جانە وتاندىق تاريح عىلىمىن جاڭعىرتۋ». راۋشان تاۋىرحانقىزى, «ەگەمەن قازاقستان»