باق پەن باپ شابار ءسات

كەشە مەكتەپ بىتىرۋشىلەردىڭ ءبىلىم سىناعى – ۇلتتىق بىرىڭعاي تەستىلەۋ باستالدى مەكتەپ ءبىتىرۋشى تۇلەكتەردىڭ 11 جىل بويى جيعان ءبىلىمىن سارالاپ, سىنعا سالاتىن, ۇستازداردىڭ ەڭبەگىن, اتا-انانىڭ ءۇمىتىن بەزبەندەيتىن ۋاقىت تا كەلىپ جەتتى. كەشە ەلىمىزدە ۇلتتىق بىرىڭعاي تەستىلەۋ باستالدى. ول بيىل 15 ماۋسىمعا دەيىن سوزىلادى. ءبىلىم جانە عىلىم مين­يس­تر­لىگى 121 092 وقۋشى مەكتەپ بىتىرەتىنىن مالىمدەدى. ولار­دىڭ 83 330-ى – قازاق ءتىلىن­دە, قالعان 37 762-ءسى ورىس تىلىندە مەكتەپ بىتىرەتىندەر بولىپ وتىر. ال سىناق تاپ­سى­رۋعا بارلىعى 86 991 تۇلەك قاتىسادى. بۇل بارلىق تۇلەكتىڭ 72 پايىزىن قۇرايدى. وسى كورسەتكىش بويىنشا 63 021 تۇلەك مەملەكەتتىك تىلدە, ال 23 970 تۇلەك ورىس تىلىندە تاپسىرادى. ۇلتتىق بىرىڭعاي تەستىلەۋ بارلىعى 166 پۋنكتتە وتەدى. ونىڭ 116-سى اۋدان, 50-ءى وبلىستىق ورتالىقتاردا, سونداي-اق, استانا مەن الماتى قالالارىنىڭ جوعارى وقۋ ورىندارىنىڭ عيمارات­تارىن­دا ورنالاسقان. بۇل ورىنداردا سىناق تاپسىراتىنداردىڭ سانى ءبىر كۇندە 600 تۇلەك بولادى. تەست وتەتىن عيماراتتارداعى ءتارتىپ تە, تەكسەرىس تە بۇرىنعىداي. ۇيالى تەلەفون, «شپارگالكا» سىندى زاتتاردىڭ بار-جوعى قاتاڭ تەكسەرىلەدى. سونىمەن قاتار, بۇل جىلعى تالاپ تا وزگەرگەن جوق. وقۋشىلار بارلىعى 5 ءپان بويىنشا تەست تاپسىرادى. باس-اياعى 3,5 ساعات ىشىندە 125 سۇراقتىڭ جاۋابىن بەلگىلەۋى ءتيىس. جوعارى وقۋ ورنىنا تۇسەمىن دەگەن تۇلەكتەر كەمىندە 50 بالل جيناۋى قاجەت. ال ۇلتتىق ۋنيۆەرسيتەتتەردە ءبىلىم العىسى كەلەتىندەردىڭ كورسەتكىشى 70 بالدان تومەن بولماعانى ءجون. ايتا كەتەرلىگى, بيىل ازداعان وزگە­رىستەر ەنگىزىلدى. سىناقتان ءسۇرىنىپ, 50 بالل جيناي الماعاندارعا ۇلتتىق بىرىڭعاي تەستىلەۋدى ەكىنشى رەت تاپسىرۋعا مۇمكىندىك بەرىلەدى. بۇل تۇلەكتەردىڭ جوعارى ءبىلىم الۋعا قولجەتىمدىلىگىن ارتتىرۋ ءۇشىن جاسالىپ وتىر. الايدا, سىناقتان ەكىنشى مارتە وتكەندەر ءبىلىم گرانتىنا يە بولا المايدى. ايان ءابدۋالي, «ەگەمەن قازاقستان»