تايلاندتا عيباداتحانادان 40 جولبارىستىڭ ءولى دەنەسى تابىلدى

استانا. 2 ماۋسىم. تايلاندتىڭ كانچانابۋري پروۆينتسياسىنداعى «بۋددا» عيباداتحاناسىنان مۇزداتقىشتا ساقتالعان 40 جولبارىستىڭ ءولى دەنەسى تابىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. تايلاندتاعى ۇلتتىق پارك دەپارتامەنتىنىڭ وكىلدەرى بۇل اڭداردىڭ اتالعان عيباداتحانادا نە ءۇشىن ساقتالعانىن ناقتى ايتا المادى. ال پوليتسەيلەر موناحتاردى اڭدارعا جاۋىزدىق تانىتىپ, ساۋداعا سالعان دەپ ايىپتاۋدا. Wildlife Friends Foundation قورىنىڭ وكىلدەرى عيباداتحانا ماڭىنان وزگە دە جانۋارلاردىڭ ولىگى تابىلعانىن ايتىپ وتىر. وسىعان وراي تابيعاتتى قورعاۋ قىزمەتكەرلەرى مۇنداعى اڭداردى قاۋىپسىز ايماققا كوشىرۋگە كىرىستى. قازىردىڭ وزىندە بۇل جەردەن 52 جولبارىستى ارنايى ورىنعا الىپ كەتكەن. جەرگىلىكتى تۇرعىندار: «عيباداتحانا اۋلاسىندا ءالى 85 جولبارىس بار. ءبىز بۇل ورىندى «جولبارىستى موناستىر» دەپ اتايمىز», – دەيدى. تالعات رايىمبەك. دەرەك: 24.kz. فوتو: stan.kz.