رەسپۋبليكالىق كوميسسيا – قوعامدىق كەڭەستەرگە ۇلگى

جەر رەفورماسى بو­يىنشا رەسپۋبليكالىق كوميسسيا جانىنان ءتورت جۇمىس توبى قۇرىلعانى ءمالىم. ياعني قازىرگى ۋاقىتتا قۇقىقتىق, ەكونوميكالىق ءتۇسىندىرۋ جانە قاداعالاۋ بلوكتارى جۇمىس ىستەۋدە. مەن وبلىستىق قوعامدىق كەڭەستەردىڭ دە ءدال وسىنداي ۇلگى مەن باعىتتا جۇمىس ىستەۋى قاجەتتىگى جونىندە ۇسىنىس ايتقىم كەلەدى. وسى ارقىلى اشىق وي الاڭىنان اعىلعان پىكىرلەردى ساراپتاۋ مەن جيناقتاۋ وڭايعا تۇسەدى.  ءبىر سوزبەن ايت­قاندا, بۇل ارادا «تومەننەن جو­­عارىعا» قا­عيداسى بويىنشا اۋىلداردان باستاپ اۋداندىق, قالالىق جانە وب­لىستىق قوعامدىق كەڭەستەرگە ۇسىنىس-پىكىرلەر جولداناتىن بولادى. تاعى ءبىر ايتايىن دەگەنىم, جۇمىس توپتارىنىڭ ناقتى ماقسات- ءمىن­دەتتەرىن ايقىنداپ العان سوڭ بارلىق اقپاراتتار مەن دەرەكتەردى جۇيەلەپ وتىرۋعا مۇمكىندىك تۋادى. بۇدان كە­يىنگى كەزەكتە بىرقاتار نور­ماتيۆتىك قۇجاتتاردى رەسىمدەۋ ءىسى دە اسا قيىنعا سوقپايدى دەگەن ويدامىن. بۇل قۇجاتتار ءىس بارىسىندا با­قىلاۋعا الىنىپ, قاجەت جاعدايدا ماتىنگە وزگەرىستەر مەن تولىقتىرۋلار ەنگىزۋگە بولادى. كوڭىلگە تاعى ءبىر مەدەۋ تۇتارلىق جاعداي رەسپۋبليكا وڭىرلەرىندە قۇرىلعان قوعامدىق كەڭەستەر ازىرگە تاپتاۋرىندىلىقتان ادا. ونىڭ مۇشەلەرى ناقتى وي-پىكىرلەرىن ىركىلمەي ايتا الادى. قوعامدىق كەڭەستەردە وسىنداي ەمىن-ەركىن ويتالقى جۇرگىزىلەتىن بولعاندىقتان, بۇل ۇيىمدارعا قوعامدىق باقىلاۋ قۇزىرەتىن بەرگەن ءجون-اۋ دەگەن وي تۋادى. سەبەبى, كەڭەس قۇرامىندا مەم­لە­كەتتىك ورگاندار مەن ۇكى­مەتتىك ەمەس ۇيىمداردىڭ وكىلدەرى, زيالى قاۋىم مەن قوعام قايراتكەرلەرى بار. رەس­پۋبليكالىق كوميسسيا ىزىندەگى جوعارىدا اتالعان جۇمىس توپ­تارىنىڭ قىزمەتىن جانداندىرۋ ارقىلى تۇرعىن­دارمەن كەزدەسكەن كەزدە جۇيەلى تۇردە اشىق پىكىر الىسۋعا مۇمكىندىك تۋاتىنىنا كۇمان كەلتىرە المايمىز. قىسقاسى, جوعارىدا ايتىلعان ماڭىزدى دا ءماندى ماسەلەلەرگە وراي بىرقاتار تۇسىنىسپەۋشىلىك كورىنىستەرىنىڭ الدىن الۋعا جول اشىلاتىنى انىق. وسى ارقىلى حالىقتىڭ قوعامدىق كەڭەستەرگە دەگەن سەنىمى دە نىعايا بەرمەك. ايگۇل تۋركينا, «زامان» باتىس قازاقستان وبلىستىق وندىرۋشىلەر قاۋىمداستىعىنىڭ ءتورايىمى ورال