زاماننان وزار سوت قايدا؟

«ەگەمەن قازاقستان» گازەتىنىڭ 22.04.2016 جىلعى نومىرىندە جارىق كورگەن ا.تاسبولاتوۆتىڭ «جاريالانباعان جايدىڭ جاي-جاپسارى نەمەسە سۋديالاردىڭ ءتورت قۇبىلاسى تۇگەل مە»؟ ماقالاسىنا وراي دۇرىس ايتىلعان. دەر كەزىندە قوزعالعان ماسەلە. بۇكىل بيلەر قاۋى­مىنىڭ ايتا الماي, ايتۋعا قى­سىلىپ جۇرگەن ويىنىڭ ءدال ۇستىنەن تۇسكەن. اۆتور تاقىرىپتى دا دۇرىس تاڭداپتى. جازىلعانداردىڭ ءبارى دە شىن­دىق. ايتىلماي قالعانى قانشاما! الاشتىڭ كوسەمى ءاليحان ءبو­كەيحان: «ءبيدى كىم بولسا سودان قورىقپايتىنداي, بىرەۋدىڭ بەتىنىڭ قىزىلىنا نەمەسە بىرەۋدىڭ بەتىنىڭ جاقسى جاعىنا قارامايتىنداي جاعدايعا قويۋ شارت» دەگەن ەكەن. «تۋرا بيدە تۋعان جوق, تۋعاندى بيدە يمان جوق», «ءبىر رەت ءادىل بيلىك شىعارۋ الپىس توعىز رەت قاجىلىق پارىزدى ورىنداپ كەلۋدەن اۋىر ءارى ابزال بولۋى مۇمكىن». «ەلگە باي قۇت ەمەس, بي قۇت». عۇلامالاردىڭ وسى ايت­­­­­­­قان­­­دا­رى­­نان سۋديالاردىڭ قو­عامداعى, مەملەكەتتەگى الاتىن ورنى مەن الەۋمەتتىك جاعدايىنىڭ قانداي ءدا­رەجەدە بولۋى كەرەكتىگى ايقىن كورىنىپ تۇرعان جوق پا؟. تاعى ءبىر ماسەلە, بوسانعان سۋديا ايەلدەردىڭ بالاعا كۇتىم جاساۋ ءۇشىن 3 جىلعا دەيىن مەرزىمگە دەمالىسقا شىققاندا,ونىڭ ورنىنا (شتاتقا) باسقا سۋديانىڭ تاعايىندالماۋى, سونىڭ سالدارىنان, اسىرەسە, ەكى نە ءۇش قۇرام­دى سوتتارداعى جۇكتەمەلەر باسقا سۋديالاردىڭ جۇمىسىن كو­بەي­تىپ سالماق تۇسىرەتىندىگىندە. ول ءۇشىن سۋديالارعا قوسىمشا اقى دا تولەنبەيدى. وسى جاعى وڭتايلى شەشىلسە دەپ ويلايمىز.  سوۆەتحان ساكەنوۆ, الماتى وبلىستىق سوتىنىڭ القا توراعاسى